Daniela 10:8 - Jinghpaw Hanson Version Bible

⁸ Shing rai ngai hkrai hti nga nna, dai shingran kaba hpe mu ai majaw, gawng kya nngai; nye a myi man mung sum wa nna, hpa n-gun n rawng nngai.

Jinghpaw Common Language Bible 2009

⁸ Ngai chyu sha dai yang e ngam nga nna dai mauhpa shingran hpe mada yu nga nngai. Ngai mung n-gun n rawng mat ai hte myi man nsam grai shai mat ai majaw kadai mung ngai hpe n lu yu matsing ma ai.

Daniela 10:8 ပူးပေါင်းရင်းမြစ်များ

NINGPAWT NINGHPANG 32:31

Dai majaw Yaku dai shara hpe Hpeniela ngu nna shamying wu ai: kaning rai nme law, Ngai gaw Karai Ksang hte myi man tut hkrum timung, ngai n si nngai, nga ai.

PRU MAT 3:3

Dai rai nna Mawshe gaw, Singwum hpa rai n hkru mat ai kun, mauhpa lam kaba wora hpe ngai sa yu se ga, nga ai.

Daniela 10:16

Shaloi yu u, masha kasha nsan ai wa langai mi gaw nye a n-gup hpe ahtawk ya ai; shing rai ngai n-gup hpaw nna, “Nye a madu e, ndai shingran majaw, nye a ntsa e yawn hkyen ai du nna, ngai gawng kya nga nngai.

Daniela 10:17

Kaning rai nme law, na mayam wa gaw, nang madu hte kaning rai ga tsun lu na rai ta? ya e pyi ngai n-gun n rawng nngai, nye a nsoi nsa mung htum sai,” ngu nna nye makau e tsap nga ai wa hpe, ga tsun nngai.

Daniela 7:28

Da ndai gaw de a ga kanu rai nga ai: ngai Daniela gaw myit grai ung ang nna, myi man sum nga nngai; rai timung ngai gaw ndai lam hpe nye a kraw e matsing da nga nngai.”

Daniela 8:27

Ngai Daniela gaw ma mat nna, tawng marang mi machyi nga nngai: dai hpang ngai rawt nna, hkawhkam a amu hpe gun hpai nngai: dai shingran lam ngai mau nga timung, dai hpe kadai n chye na ma ai.

Daniela 8:7

Shing rai shi gaw, dai sagu la hte ni wa nna, pawt bu ai hte shi hpe daru dang kau ai hte, de a nrung yan hpe agrawp daw kau ya ai, ngai mu nngai: dai sagu la gaw hkap daw lu ai n-gun n nga ai majaw, namla gaw shi hpe ga de kadawng kau nna, kabye kau wu ai: dai sagu la hpe, shi a lata na mawai la lu ai wa, kadai n nga ai.

HABAKU 3:16

Dai lam ngai na jang, nye hkum gari ashun nga ai; De a nsen majaw, nye a shakap gying mat sai: Ru tsang du na ra ai nhtoi hte, anhte hpe jahten shabyak ai amyu gaw, Du na ra ai shani du hkra, ngai atsin sha hti nga na majaw, Nye a nrut nra ni tsam mat nna, nye a lagaw gari mat nga ai.

MAHTE 17:6

Sape ni dai hpe na jang, shanhte myi man dagup nna, nachying hkrit gari nga ma ai.

MARKU 9:6

Shanhte hkrit kahpra nga ma ai majaw, shi hpa tsun na hpe, n chye wu ai.

YAWHAN 16:32

Yu mu, nanhte bra mat nna, ngai hkrai hpe sha kau da nhtawm, langai hte langai tinang a shara de wa mat na ahkying gaw du wa ra ai rai nna, ya pyi du ra ai: rai timung ngai gaw, ngai hkrai nga nngai n rai, Wa gaw ngai hte rau rai nga ai.

2 KORINHTU 12:7

Ya dai chyahtum chyalai re ai shingran a majaw, ngai myit nau wa n kaba u ga, ngai hpe abyen na Satan a salung sala ngu ai, nye hkum shan hta ju ai aju ngai hkrum nga nngai; shing rai ngai nau wa myit n kaba nngai.

SHINGRAN 1:17

Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,