Daniela 10:20 - Jinghpaw Hanson Version Bible

²⁰ Shaloi dai wa gaw, “ngai nang hpang de sa wa ai lam, nang chye na n ni? Persi du hpe hpyen gasat na matu, ya ngai nhtang wa na nngai: dai kaw na pru yang, yu u, Heleni du paw pru na ra ai.

Jinghpaw Common Language Bible 2009

^20-21 Shi mahtang, “Ngai nang hpang de hpa majaw sa ai lam nang chye nga n ni? Ngai gaw nang hpe Teng Man Ai Laika hta hpa baw ka da ai lam tsun dan na nngai. Ya chyawm gaw ngai naw nhtang wa nna Persi sin langa lamu kasa hpe gasat na nngai. Dai hpang Grik sin langa lamu kasa paw pru na ra ai. Israela a sin langa lamu kasa Mihkaela hta kaga kadai mung ngai hpe karum la nga ai n rai.

Daniela 10:20 ပူးပေါင်းရင်းမြစ်များ

EZRA 4:4

Dai rai nna mung masha ni gaw, Yuda masha ni hpe hkap shatsang nna, galaw ai amu hta n-gun yawm shangun mu ai:

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

Daniela 10:13

Rai timung Persi mungdan a du gaw, nhtoi hkun langai ya tup ngai hpe hkap shadang da nngai: dai hpang, yu u, Mihkaela mying ai du kaba langai mi, ngai hpe sa karum nna, ngai gaw dai shara hta Persi hkawhkam ni hte e hti nga nngai.

Daniela 7:6

Dai hpang ngai mada yu yang, yu u, rawnggawk hte bung ai dusat kaga paw pru nga ai: dai gaw de a marung ntsa e u singkaw mali tu nga ai: dai dusat gaw, baw mali mung tu nna, up ai ahkang aya lu la nga ai.

Daniela 8:21

Mun mazut tu ai namla gaw Heleni hkawhkam rai nga ai: shi a myi lapran e tu ai nrung kaba gaw, shawng na hkawhkam rai nga ai.

KASA 12:23

Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.