Daniela 10:19 - Jinghpaw Hanson Version Bible

¹⁹ Bai shi gaw, “Grai tsawra hkam ai wa e, hkum hkrit et; nang ngwipyaw nga n ga; n-gun ja u, gaja wa n-gun ja u,” nga nna tsun ai. Shing nga tsun nga yang, ngai n-gun lu la nna, “Nye a madu ga tsun u ga; nang ngai hpe n-gun jaw nit dai,” nga nna tsun nngai.

Jinghpaw Common Language Bible 2009

¹⁹ Shi gaw, “Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,” ngu nna tsun wu ai. Shi dai zawn nga nna tsun jang, ngai hta n-gun ja wa ai zawn hkam sha nna, “Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,” ngu nna tsun nngai.

Daniela 10:19 ပူးပေါင်းရင်းမြစ်များ

SHAKAWN KUNGDAWN 138:3

Ngai shaga nga ai nhtoi hta e, Nang ngai hpe htan ya nit dai; Nang ngai hpe sharawng awng shangun ni ai; Nye a myit masin n-gun rawng nga ai.

ESAIA 35:4

Da ting mu, hkum hkrit myit, ngu nna myit htum ai ni hpe tsun mu: yu mu, nanhte a Karai Kasang gaw matai htang na matu mung, shi kaw na ari jaw na matu mung, du na ra ai; nanhte hpe hkye hkrang la na matu shi nan du na ra ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

Daniela 10:18

Shaloi masha nsan ai wa langai mi ngai hpe bai ahtawk nna, n-gun shaja nngai.

Daniela 9:23

Nang akyu hpyi hpang yang, htet da ai ga pru nna, nang hpe tsun shana ya na ngai du nngai: nang gaw grai tsawra hkam ai wa rai nga ndai: dai majaw, dai lam sumru yu nna, shingran a lachyum chye na u.

HAGI 2:4

Rai timung Zerubabela e, n-gun da ting u, nga nna Yehowa tsun ai: Yehozadak a kasha, hkinjawng agyi, Yoshua e, n-gun da ting u; mung masha ni mahkra e, n-gun da ting nna, bungli galaw mu, nga nna Yehowa tsun ai:

ZEHKARIA 8:13

Yuda dap e, nang mung Israela dap e, nanhte gaw maigan amyu ni hta dagam dala shara tai yu ai zawn, ngai nanhte hpe hkye hkrang la nna, nanhte gaw gumring gumrat shara tai na marin dai: hkum hkrit myit: nanhte a lata n-gun shaja mu.”

ZEHKARIA 8:9

Zaw nawng zaw wa up ai Yehowa ning nga ai: “Dai nawku Htingnu hpe gaw da na nga, Zaw nawng zaw wa up ai Yehowa a nta a npawt nhpang jung da ai shani e nga ai myihtoi ni a n-gup ga hpe, ndai aten e na lu ai ni e, nanhte a lata n-gun shaja mu.

YAWHAN 11:3

Dai re ai majaw dai yan nau gaw shi hpang de masha shangun dat nna, “Madu e, yu u, nang tsawra ai wa gaw machyi nga ai,” ngu nna tsun dan mu ai.

YAWHAN 11:36

Dai majaw Yuda masha ni gaw, “Yu mu, shi gaw dai wa hpe grai wa tsawra nga a hka!” nga ma ai.

YAWHAN 11:5

Yesu chyawm gaw Marhta hpe mung, shi a kanau hte Lazaru hpe mung tsawra wu ai.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

YAWHAN 19:26

Dai majaw Yesu gaw kanu hte shi tsawra ai sape, makau e tsap nga ma ai hpe, mu wu yang, kanu hpe, “Numsha e, ning sha hpe yu u,” ngu wu ai.

YAWHAN 21:20

Shaloi Petru kayin yu wu yang, Yesu tsawra ai sape ngu ai, shawng de shana shat sha nga ai shaloi, Yesu a sinda hta shamyet nna, “Madu e, nang hpe ap kau na wa gaw kadai mahtang rai ta?” nga nna san ai sape hkan nang nga ai hpe, mu wu ai.

1 KORINHTU 16:13

A maja nga mu, dai makam masham hta dakring dalang tsap nga mu, wa-ngan marai shapraw mu, n-gun lagaw shagrin nga mu.

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

EHPESU 6:10

Ya kaw nna dai Madu hte, shi a n-gun marai a atsam hta e, n-gun lapyin rawng nga mu.

2 TIMOHTI 2:1

Dai re ai majaw, ngai sha e, Hkristu Yesu hta e rawng ai chyeju hta, n-gun lapyin jat wa lit ga.

YAWSHU 1:9

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”

SHINGRAN 1:17

Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,

TARA AGYI 6:23

Yehowa chyawm gaw, “Ngwipyaw nit ga; hkum tsang et; nang n si na ndai,” ngu wu ai: