Daniela 10:16 - Jinghpaw Hanson Version Bible

¹⁶ Shaloi yu u, masha kasha nsan ai wa langai mi gaw nye a n-gup hpe ahtawk ya ai; shing rai ngai n-gup hpaw nna, “Nye a madu e, ndai shingran majaw, nye a ntsa e yawn hkyen ai du nna, ngai gawng kya nga nngai.

Jinghpaw Common Language Bible 2009

¹⁶ Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, “Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.

Daniela 10:16 ပူးပေါင်းရင်းမြစ်များ

PRU MAT 4:10

Bai Mawshe gaw, “Madu e, ngai gaw n-gup mamsup n rawng ai wa rai nngai; shawng de nna mung n rawng nngai, na mayam hpe nang tsun jang nna pyi n rawng li ai: ngai gaw n-gup li ai hte shinglet li ai wa rai nngai,” ngu nna Yehowa hpe tsun wu ai.

PRU MAT 4:13

Mawshe gaw, “Madu e, Nang shangun mayu ai wa hpe me shangun dat u,” ngu wu ai.

HPAJI NINGLI 1:18

Kaning rai nme law, hpaji byeng-ya law yang, myit ru lam law wa ai; chye chyang jat ai wa gaw, yawn hkyen ai hpe shajat nga ai.

YEREMIA 1:9

Bai Yehowa gaw shi a lata ladawn nna, nye a n-gup hpe ahtawk let, “Yu u, na a n-gup hta nye mungga hpe ngai bang da se ai:

EZEKELA 1:26

Bai shanhte a baw lahta tsang, lamu madin ntsa e, nila lungseng nsan ai tingnyang hkrang dawng pru nga ai: dai tingnyang hkrang ntsa e mung, masha hkrang nsan ai wa langai mi dawng pru nga ai.

EZEKELA 3:27

Rai timung, ngai nang hpe ga tsun yang na a n-gup hpe ngai hpaw nna, nang gaw, ‘Madu Yehowa ning nga ai,’ ngu nna shanhte hpe hkaw tsun na rai ndai: madat ai wa gaw madat u ga, n madat ai wa gaw n madat nga u ga; shanhte gaw gumlau ai amyu rai nga ma ai, nga ai.”

EZEKELA 33:22

Dai wa du ningtawn shana kaw nna, shi du ai hpang jahpawt du hkra, Yehowa lata nye a ntsa e nga nga nna, nye a n-gup hpaw magang ya ai hte, nye a n-gup hpaw nga nna, ngai atsin sha nga ai n rai.

Daniela 12:8

Dai ga hpe ngai na timung, n chye na nngai: dai rai nna ngai gaw, “Madu e, ndai amu ni kaning rai htum lu na rai ta?” ngu nna san we ai.

Daniela 4:19

Shaloi Belteshaza mying ai Daniela gaw, chyahkring mi mau mat nna, myit ung ang nga ai. Hkawhkam wa chyawm gaw, “Belteshaza e, yup mang hte de a lachyum majaw, myit hkum ung ang et,” ngu wu ai. Belteshaza mung, “Nye a madu e, yup mang gaw nang hpe n dawng n yawt ai ni, ga lachyum gaw nang hpe hpyen ai ni ntsa e du u ga.

Daniela 7:15

“Ngai Daniela gaw, nye a wenyi nye kraw lawang e kahpra nga nna, ngai mu ai shingran ni majaw, myit ung ang nga nngai.

Daniela 7:28

Da ndai gaw de a ga kanu rai nga ai: ngai Daniela gaw myit grai ung ang nna, myi man sum nga nngai; rai timung ngai gaw ndai lam hpe nye a kraw e matsing da nga nngai.”

Daniela 8:15

Ya ngai Daniela gaw dai shingran mu nna, de a lachyum tam sawk yu nga yang, yu u, masha nsan ai wa langai mi nye a man e tsap nga ai.

Daniela 8:17

Shing rai dai wa gaw ngai tsap nga ai shara de sit wa ai; shi sit wa yang, ngai hkrit gari nna, gum dagup nga nngai: shi chyawm gaw, “Masha kasha e, chye na u; ndai shingran gaw hpang jahtum na aten hte seng nga ai,” nga nna ngai hpe tsun ai.

Daniela 8:18

Ya shi gaw ngai hpe ga tsun yang, ngai ga hta gum dagup let, nawng mat nga nngai: shi chyawm gaw ngai hpe ahtawk nna, jan rai tsap shangun nngai.

Daniela 8:27

Ngai Daniela gaw ma mat nna, tawng marang mi machyi nga nngai: dai hpang ngai rawt nna, hkawhkam a amu hpe gun hpai nngai: dai shingran lam ngai mau nga timung, dai hpe kadai n chye na ma ai.

Daniela 9:21

gaja wa, ngai naw akyu hpyi nga yang pyi, shawng na shingran hta dan pru ai, dai wa Gabriela gaw, alawan pyen sa wa nna, shana hkungga nawng ya ai aten e, ngai hpe sa ahtawk nga ai.

LUKA 1:64

Dai ahkring mi hta shi gaw n-gup hpaw ai hte shinglet yan nna, Karai Kasang hpe shakawn kungdawn let ga tsun nga ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

YAWHAN 20:28

Dai rai nna Htawma gaw, “Nye a Madu, nye a Karai Kasang rai nga ndai,” ngu nna shi hpe htan wu ai.

YAWSHU 5:14

Dai wa chyawm gaw, “N rai, Yehowa a hpyen laba up ai bu rai nna ya sa wa ring ngai,” ngu wu ai. Shaloi Yawshu gaw ga e dingnyawm nawku let, “nye a Madu e, na a mayam wa hpe hpa tsun mayu n ta?” ngu wu ai.

SHINGRAN 1:13

Shing rai kayin yu yang, ja pyengdin sanit hte dai pyengdin ni a ka-ang e masha Kasha zawn san ai wa langai mi ngai mu nngai: dai wa gaw lahkre du ai palawng galu bu hpun nna, sinda hta aja shingkyit kyit nga ai.

TARA AGYI 13:8

Dai rai nna Mano gaw Yehowa hpe, Madu e, nang shangun dat ai Karai Kasang a masha hpe, an hpang de bai shangun dat nna, ya shangai na ra ai ma hta na an kaning rai galaw na naw sa sharin ya mi, ngu na hpyi nem wu ai.

TARA AGYI 6:13

Gidon chyawm gaw, “Nye a Madu e, Yehowa anhte hte rau nga nga ai rai yang gaw, hpa majaw ndai hte chyum ai hkrum a ta? Yehowa anhte hpe Egutu mung na shaw la sai n rai ni? nga nna anhte a ji wa ni hkai dan ai mauhpa amu yawng mayawng gaw, ya kanang rai wa sata? ya e Yehowa anhte hpe kau da nna, Midian masha ni a lata hta ap kau ma ni ai n re hka,” ngu wu ai.

TARA AGYI 6:15

Gidon chyawm gaw, “Madu e, Ngai wa mi Israela masha ni hpe hpa hte hkye la lu na rai ta? yu u, nye a amyu lakung gaw, Manashe amyu hta matsan grau ai lakung rai nga ai; ngai hkum mung, anhte dap hta n tai htum ai wa rai nga ai,” ngu nna htan wu ai.