Daniela 10:14 - Jinghpaw Hanson Version Bible

¹⁴ Ya chyawm gaw, na a amyu masha ni hta htawm hpang e byin na ra ai amu a lam ni hpe, nang hpe chye na shangun na matu, ngai du ni ai; ndai shingran gaw naw na ai aten hte seng nga ai,” nga nna ngai hpe tsun ai.

Jinghpaw Common Language Bible 2009

¹⁴ Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

Daniela 10:14 ပူးပေါင်းရင်းမြစ်များ

NINGPAWT NINGHPANG 49:1

Dai hpawa e Yaku gaw shi a shadang sha ni hpe shaga nna, Htawm hpang e nanhte hta byin pru na ra ai lam, ngai nanhte hpe tsun da made ga, nang e wa hpawng marit:

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

Daniela 10:1

Ya Persi hkawhkam Kuru hkaw dung ai masum ning hta e, Belteshaza ngu ai Daniela gaw, shingran langai mi hkam la nga ai: dai shingran gaw teng nga nna, hpyen majan kaba hte seng nga ai: shi gaw dai lam hpe chye na nna, dai shingran a lachyum chye na wu ai.

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

Daniela 12:9

Shaloi dai wa gaw, “Daniela e, sa wa su; dai ga gaw amu htum ai aten du hkra, ip da nna, dazik kap nga ai.

Daniela 2:28

rai timung, makoi magap lam shapraw shadan lu ai Karai Kasang gaw, sumsing lamu e dung nga ai; shi gaw, htawm hpang e byin na ra ai lam, hkawhkam Nebuhkadneza hpe madun dan nu ai. Na a yup mang hte, na a yup ku ntsa e nang mu ai shingran gaw, da ndai rai nga ai:

Daniela 8:16

Bai Ulai hka hkin-gau lapran na masha nsen ngai na nngai: dai nsen gaw, “Gabriela e, ndai wa hpe ya mu ai shingran chye na shangun u,” ngu nna shaga wu ai.

Daniela 8:26

Dai hta kaga, shana hte jahpawt a lam, madun dan ai shingran ga teng nga ai: rai timung, dai shingran ga hpe naw ip da u; kaning rai nme law, de a lachyum gaw naw na ai nhtoi hte seng nga ai,” nga nna ngai hpe tsun ai.

Daniela 9:22

Dai wa gaw ngai hpe sharin ya ai hte, ngai hpe ga tsun nna, “Daniela e, nang hpe hpaji byeng-ya hte chye chyang ai myit jaw de ga, ngai ya pru sa wa nngai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

MIHKA 4:1

Rai timung, hpang jahtum na prat hta e, Yehowa a nta bum gaw, bum pungding ni a ntsa e de nga nna, kawng ni a ntsa e grau tsaw nga ai hte, masha amyu ni dai de htaw bang na mara ai.

HABAKU 2:3

Kaning rai nme law, ndai shingran gaw, ndat da ai aten hte seng nna. dik wa na matu, lawan nga ai hte, masu na n rai: ganung nga yang rai timung, ala nga u; dai gaw teng teng du na ra ai; hpang hkrat na, n rai.

BU HKAWM 24:14

Ya chyawm gaw nye a amyu hpang de ngai wa na ni ai; madat la, ndai amyu masha ni htawm hpang de na a amyu hpe kaning di na maru ai gaw ngai madun de ga,” ngu nna Balak hpe htan wu ai.

TARA JAHPRANG 31:21

Shing rai nna, yubak shoihpa nlang hte hte kadup ai shani dai mahkawn ga gaw shanhte a man e sakse tai nga na rai ai; shanhte a amyu lakung gaw dai hpe malap kau mai na n rai: ngai dagam ai mung de shanhte hpe garai n shawn yang nna pyi shanhte a myit hta maw mawn ai lam hpe ngai chye ya nga nngai,” ngu nna tsun wu ai.

TARA JAHPRANG 31:29

Kaning rai nme law, ngai si mat ai hpang nanhte gaja wa htak mat nna, ngai hkang da ai lam hta na dam mat wa na marin dai gaw, ngai chye nga nngai; Yehowa a man e shut hpyit nna tinang lata e galaw ai amu hte shi hpe shapawt ai majaw, htawm hpang prat e nanhte ruyak tsin-yam hte kadup na marin dai,” ngu nna shadum da wu ai.

TARA JAHPRANG 4:30

Htawm hpang prat e ndai lam yawng mayawng hte katut nna ruyak kyin dut ai hkrum sha ai shaloi, na a Karai Kasang Yehowa hpang de bai wa nna, shi a nsen madat lu na marin dai:

2 TIMOHTI 3:1

Dai hta kaga, hpang jahtum na nhtoi ni hta e, yak la ai aten du na ra ai, chye nga u,

HEBRE 2:3

ndai hte wa galu kaba ai hkye hkrang la ai chyeju hpe n gawn n sawn di ga yang, anhte kaning rai lawt lu na ga ta? dai chyeju gaw shawng npawt e madu a n-gup hte nan tsun dan nna, na la ai ni gaw anhte hpe bai htawn tsun shangang da ai hte,