Daniela 10:13 - Jinghpaw Hanson Version Bible

¹³ Rai timung Persi mungdan a du gaw, nhtoi hkun langai ya tup ngai hpe hkap shadang da nngai: dai hpang, yu u, Mihkaela mying ai du kaba langai mi, ngai hpe sa karum nna, ngai gaw dai shara hta Persi hkawhkam ni hte e hti nga nngai.

Jinghpaw Common Language Bible 2009

¹³ Persi mungdan hpe makawp maga ya ai dai lamu kasa hkawhkam kasha gaw hkun langai ya tup ngai hpe hkap shingdang da nga ai. Dai hpang lamu kasa ni a agyi Mihkaela gaw Persi mung e ngai chyu sha hti ngam nga ai majaw ngai hpe sa karum la nga ai.

Daniela 10:13 ပူးပေါင်းရင်းမြစ်များ

EZRA 4:24

Shing rai, Yerusalem mare na Karai Kasang a nta hpe n shangut ai tawn da mu ai; Persi hkawhkam Dari hkaw dung ai ni ning du hkra n shangut ai tawn da mu ai.

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

KOLOSE 2:10

Shi hta e mung nanhte hkum tsup nga myit dai; shi gaw du aya lu ai hte ahkang aya lu ai ni yawng mayawng a baw rai nga ai.

1 HTESALONI 2:18

Dai re ai majaw, ngai Pawlu nan, nanhte hpang de du na lang lahkawng lang myit lawn ga ai rai timung, Satan gaw anhte hpe hkum shadang kau mi ai.

1 PETRU 3:22

Yesu Hkristu mahtang gaw, sumsing lamu de lung shang mat wa nhtawm, Karai Kasang a hkra maga de anga nga ai rai nna, lamu kasa ni, ahkang aya lu ai ni hte, hpung shingkang rawng ai ni gaw, shi a npu e a daw nga ma ai.

YUDA 1:9

Dai lamu kasa agyi Mihkaela chyawm gaw, dai Nat hte ga law ga la nga yang, Mawshe a moi mang a lam ndang kalang hkat nga ai rai nna, shatan nhkan re ai dawdan ai ga, shi hpe n tsun wam ai sha, Dai Madu nang hpe daru kau u ga, ngu wu ai.

SHINGRAN 12:7

Bai, sumsing lamu kata e majan gasat nga ai: Mihkaela hte shi a ali ama ni gaw dai baren numraw hte gasat nga ma ai; dai baren numraw hte shi a ali ama ni mung, gasat nga ma ai rai timung,