Daniela 1:20 - Jinghpaw Hanson Version Bible

²⁰ Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Jinghpaw Common Language Bible 2009

²⁰ Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Daniela 1:20 ပူးပေါင်းရင်းမြစ်များ

NINGPAWT NINGHPANG 31:7

Nan a nwa chyawm gaw ngai hpe maw sha nna, nye a shabrai hpe shi lang galai kau ya ni ai: rai timung, ngai hpe jasum na Karai Kasang n hkraw nga ai.

NINGPAWT NINGHPANG 41:8

Jahpawt rai jang Hpara-u gaw myit ru nna, Egutu mung na gumhpan ni mahkra hte hpaji byeng-ya rawng ai ni yawng hpe shaga la nhtawm, shanhte hpe shi a yup mang hkai dan wu ai: rai timung, Hpara-u hpe yup mang htai ya lu ai masha langai mi muk n nga ma ai.

NEHEMIA 4:12

Shanhte a makau e de nga ai Yuda masha ni mung, shara shagu hkan sa nna, “Nanhte gaw anhte hpang de nhtang wa marit,” nga nna shi lang lai hkra anhte hpe tsun mi ai.

YOBA 19:3

Shi lang du hkra nanhte ngai hpe aroi myit dai; ngai hpe nhtum nni di na, nanhte n kaya myit dai.

SHAKAWN KUNGDAWN 119:99

Na a sakse ga hpe ngai myit aru nga nngai majaw, Ngai sharin la ai sara ni yawng hta, ngai grau nna chye lu nngai.

PRU MAT 7:22

Egutu lakle sara ni mung shanhte a lakle hte dai zawn galaw ma ai: shing rai Yehowa tsun ai hte maren Hpara-u a masin ja nga lu rai nna shan a ga n madat ya wu ai.

PRU MAT 8:19

Dai rai nna lakle sara ni, “Ndai gaw Karai Kasang a lata nan rai lu ai,” nga nna Hpara-u hpe tsun ma ai: rai timung Yehowa tsun ai hte maren, Hpara-u a masin ja nga lu ai rai nna, shan a ga n madat ya ai nga nga ai.

PRU MAT 8:7

Lakle sara ni mung shanhte a lakle hte dai zawn galaw nna, Etutu mung hta shu shalun la mu ai.

ESAIA 19:3

Egutu a myit gaw, shi a kraw e run wa nna, ngai gaw shi a hpaji daw ai hpe jahten na we ai; shaloi shanhte gaw, hpara sumla ni, mandan bau ai ni, nat shung ai ni hte shaba wawt ai ni hpe tam na mara ai.

EZEKELA 28:3

Yu u, nang gaw Daniela hta hpaji grau lu nna, na a man e makoi magap da ai lam n nga a hka!

Daniela 1:17

Ya Karai Kasang gaw dai shabrang mali hpe, laika chye ai hte hpaji byeng-ya amyu myu hta nyan rawng nna, chye chyang ai myit, jaw manu ai: Daniela mung, shingran hte yup mang amyu myu chye htai ai nyan hpring nga ai.

Daniela 2:13

Shing rai hpaji rawng ai ni hpe sat kau na nga, hkawhkam mungga pru nga ai: Daniela hte shi a kanawn manang ni hpe mung, sat kau na tam ma ai.

Daniela 2:21

Shi gaw ahkying aten hte, du hkra ladaw hpe galai nga ai; hkawhkam langai mi hpe shi shayu kau nna, hkawhkam kaga hpe shagrau shatsaw wu ai; hpaji rawng ai ni hpe hpaji, nyan rawng ai ni hpe chye chyang ai chyeju, shi jaw wu ai:

Daniela 5:17

Dai rai nna Daniela gaw, “Hkawhkam wa e, dai kumhpa nang kaw rai nga u ga; nang jaw mayu ai shabrai kaga wa hpe jaw u: rai timung dai ka da ai ga hpe na a man e ngai hti dan nna, de a lachyum shapraw na nngai.

BU HKAWM 14:22

Egutu mung kaw nna, ndai nam mali du hkra nye a hpung shingkang hte ngai madun ai lamik kumla ni hpe mu lu ai ni nlang hte gaw, nye a ga n madat ai, ya shi lang du hkra ngai hpe dinglik mi ai majaw,