Daniela 1:17 - Jinghpaw Hanson Version Bible

¹⁷ Ya Karai Kasang gaw dai shabrang mali hpe, laika chye ai hte hpaji byeng-ya amyu myu hta nyan rawng nna, chye chyang ai myit, jaw manu ai: Daniela mung, shingran hte yup mang amyu myu chye htai ai nyan hpring nga ai.

Jinghpaw Common Language Bible 2009

¹⁷ Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 1:17 ပူးပေါင်းရင်းမြစ်များ

1 HKAWHKAM 3:12

yu u, nang hpyi ai hte maren ngai jaw sade ai. Ngai nang hpe hpaji byeng-ya rawng ai hte chye chyang ai myit jaw ni ai: nang zawn hpaji rawng ai, na a shawng e kadai n nga, na a hpang e kadai n pra na ra ai.

1 HKAWHKAM 3:28

Hkawhkam wa hparan jeyang ya ai lam Israela masha ni yawng na shajang ma ai; tara dara na lam hta dingman ai hku hkan lu hkra, Karai Kasang a hpaji byeng-ya shi hta rawng nga ai gaw shanhte dum chye ma ai majaw, hkawhkam wa hpe hkrit hkungga ma ai.

2 HKAWHKAM LABAU 1:10

Dai amyu masha ni a man e ngai pru pru shang shang rai lu n ga, hpaji byeng-ya hte chye chyang ai myit ngai hpe jaw e law; ndai daram galu kaba ai, na a amyu hpe, kadai wa jeyang lu na rai nga a ta? ngu nna Karai Kasang hpe hpyi wu ai.

2 HKAWHKAM LABAU 1:12

hpaji byeng-ya hte chye chyang ai myit nang hpe jaw da ni ai: dai hta kaga, na a shawng na hkawhkam ni mung n lu la yu ai hte, na a hpang na hkawhkam ni mung n dep lu hkra, sutgan, arung arai, arawng sadang ngai nang hpe jaw na de ai, ngu wu ai.

2 HKAWHKAM LABAU 26:5

Shi gaw, Karai Kasang a shingran hpe chye na ai Zehkaria aprat e Karai Kasang hpe hkan tam nga nna, Yehowa hpe hkan tam ai laman e Karai Kasang gaw shi hpe awng shangun wu ai.

YOBA 32:8

Rai timung, shinggyim masha hta wenyi rawng nga nna, chyahtum chyalai n-gun rawng ai wa a nsoi nsa gaw, shanhte hpe shachye shachyang mu ai.

GA SHAGAWP 2:6

Kaning rai nme law, Yehowa gaw hpaji byeng-ya jaw nga ai: Shi a n-gup na, chye chyang ai hte zai byeng-ya pru nga ai.

HPAJI NINGLI 2:26

Kaning rai nme law, Karai Kasang, shi sharawng awng ai hpe hpaji byeng-ya, chye chyang ai hte kabu gara ai jaw ya let, shi sharawng awng ai wa hpe jaw na matu, lahkawn la nna mahkawng da na nga, shi gaw yubak kap ai wa hpe amu makan galaw shangun nga ai. Dai mung kaman lila hte nbung hpe shachyut ai hkrai rai nga ai.

ESAIA 28:26

Kaning rai nme law, shi a Karai Kasang gaw, shi hpe atsawm sha sharin ya ai hte, lam madun nga ai.

EZEKELA 28:3

Yu u, nang gaw Daniela hta hpaji grau lu nna, na a man e makoi magap da ai lam n nga a hka!

Daniela 1:18

Dai shabrang ni hpe jashawn na matu, hkawhkam wa madat da ai aten du jang, unuk ni a agyi gaw, shanhte hpe Nebuhkadneza man de woi jashawn nna,

Daniela 1:20

Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 1:4

hkawhkam amyu hta na mung, arawng lu ai ni hta na mung, lata la nhtawm, Hkalde masha ni a laika hte tsun ai ga, shanhte hpe sharin achyin ya na lam, shi hpe hkang da wu ai.

Daniela 10:1

Ya Persi hkawhkam Kuru hkaw dung ai masum ning hta e, Belteshaza ngu ai Daniela gaw, shingran langai mi hkam la nga ai: dai shingran gaw teng nga nna, hpyen majan kaba hte seng nga ai: shi gaw dai lam hpe chye na nna, dai shingran a lachyum chye na wu ai.

Daniela 2:19

Dai rai nna shana aten e, shingran hte, Daniela hpe dai lam shapraw dan wu ai.

Daniela 2:21

Shi gaw ahkying aten hte, du hkra ladaw hpe galai nga ai; hkawhkam langai mi hpe shi shayu kau nna, hkawhkam kaga hpe shagrau shatsaw wu ai; hpaji rawng ai ni hpe hpaji, nyan rawng ai ni hpe chye chyang ai chyeju, shi jaw wu ai:

Daniela 2:23

Nye a ji wa ni a Karai Kasang e, nang ngai hpe hpaji byeng-ya hte n-gun atsam jaw nna, anhte hpyi ai hte maren, ngai hpe ya shapraw dan ndai majaw, ngai chyeju dum nna, nang hpe shakawn nngai law; gaja wa, hkawhkam wa hte seng ai lam, nang anhte hpe shapraw shadan dan mi ai,” nga nna tsun ai.

Daniela 2:30

Shinggyim masha kaga hta, ngai wa, hpaji grau rawng ai majaw, ndai makoi magap lam ngai hpe shapraw dan ai, n rai: nang hkawhkam wa gaw, de a ga lachyum chye lu nna, nang myit mang ai lam chye na lu hkra, dai lam ngai hpe shapraw dan ni ai.

Daniela 4:6

Dai re ai majaw dai yup mang a lachyum ngai hpe htai dan na matu, Bebelon hpaji rawng ai ni mahkra hpe nye a man de jashawn na, ngai htet da nngai.

Daniela 5:14

Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

Daniela 7:1

Babelon hkawhkam Belashaza hkaw dung ai shawng shaning e, Daniela gaw yup mang mu nna, shi yup ku ntsa e shingran mu nga ai: shaloi shi gaw dai yup mang lam ka da nna, de a ga kanu shapraw dan wu ai.

Daniela 8:1

Ya hkawhkam Belashaza hkaw dung ai masum ning hta e, ngai Daniela gaw shawng na shingran hpe mu ai hpang shingran bai mu nngai.

BU HKAWM 12:6

Shaloi Yehowa gaw, “Nye a ga madat yu mu: nanhte hta myihtoi nga ai rai yang, ngai Yehowa dai wa hta shingran hte nye hkum madun na rai nngai;

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

KASA 6:10

Rai timung, shi tsun wa ai hpaji ga hte Wenyi hpe shanhte n dang lu ma ai.

KASA 7:10

Rai timung, Karai Kasang shi hte rau nga nga ai rai nna, tsin-yam tsindam yawng na shi hpe shaw la ai hte, Egutu hkawhkam Hpara-u a man e chyeju hte hpaji byeng-ya jaw wu ai majaw, dai hkawhkam gaw Egutu mung ting hte hpawn, shi a htingnu madu shangun wu ai.

KASA 7:22

Mawshe mung Egutu hpaji yawng mayawng sharin la nna, mungga marai hte lata marai grai rawng ai wa rai nga ai.

KOLOSE 1:9

Dai re ai majaw, anhte mung na yu lu ai shani kaw nna, nanhte a matu mara akyu hpyi na, n sim n sa rai nga ai hte: Wenyi hte seng ai hpaji byeng-ya hte nyan amyu myu hta shi a myit mang ai a chye chyang ai lam hte nanhte hpring chyat lu nna,

YAKU 1:17

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga ai hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai.

YAKU 1:5

Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai: