BU HKAWM 9:22 - Jinghpaw Hanson Version Bible

²² Ni ni sha rai timung, shata mi rai timung, shaning ting rai timung, sumwi dai sumpan sum ntsa e ajung nga dingsa, Israela kashu kasha ni gaw bu lam n hkawm ai sha, but de nga ma ai: sumwi dawm mat wa jang, shanhte hkawm sa wa ma ai.

Jinghpaw Common Language Bible 2009

²² Bai lahkawng ya, shata mi, laning mi shing n rai dai hta grau na hkra dai sumwi Sum ntsa e dung nga dingsa shanhte bu n hkawm ma ti mung dai sumwi dawm mat jang shanhte hkawm ma ai.

BU HKAWM 9:22 ပူးပေါင်းရင်းမြစ်များ

SHAKAWN KUNGDAWN 107:7

Shanhte shanu nga lu na mare de, du lu mu ga, Malang ai hku e shanhte hpe woi wa mu ai.

SHAKAWN KUNGDAWN 143:10

Nye a Karai Kasang nang rai nga ndai majaw, Na a myit hkan nang na, ngai hpe sharin ya e. Na a mai kaja ai Wenyi gaw, Ngwipyaw ai mung de ngai hpe woi wa u ga.

SHAKAWN KUNGDAWN 32:8

Ngai nang hpe sharin ya nna, nang sa wa na lam madun ya na nngai, Nang hpe mada let hpaji daw ya na nngai.

SHAKAWN KUNGDAWN 48:14

Kaning rai nme law, dai Karai Kasang gaw, Htani htana e anhte a Karai Kasang rai nga ai: Si hkra shi anhte hpe woi wa na mi ai law.

SHAKAWN KUNGDAWN 73:24

Na hpaji daw ai hte nang ngai hpe woi la nna, Hpang jahtum e, hpung shingkang hte ngai hpe hkap la na rai nga ndai.

SHAKAWN KUNGDAWN 77:20

Nang gaw Mawshe yan Arun a lata hte, Na a amyu hpe sagu hpung hpe zawn, woi wa nu ai.

PRU MAT 39:42

Yehowa Mawshe hpe hkang da mada hte maren, Israela kashu kasha ni galaw ngut nna Mawshe kaw la sa ma ai.

PRU MAT 40:16

Mawshe mung, Yehowa shi hpe hkang da mada hte maren shing rai galaw wu ai.

BU HKAWM 1:54

Yehowa Mawshe hpe hkang da mada hte maren, Israela kashu kasha ni shing rai galaw ma ai.

BU HKAWM 8:20

Shing rai Mawshe yan Arun hte Israela kashu kasha ni a shawa hpung nlang hte gaw, Lewi masha ni a lam Yehowa Mawshe hpe hkang da wu ai hte maren, Lewi masha ni hpe galaw mu ai.

BU HKAWM 9:17

Sumwi dai Sum ntsa na dawm mat jang, Israela kashu kasha ni hkawm sa wa ma ai: sumwi yu jung ai shara shagu hta mung Israela kashu kasha ni but de ma ai.

BU HKAWM 9:21

Kalang lang sumwi dai gaw shana de nna jahpawt du hkra jung nga nna, jahpawt e dawm mat wa jang, shanhte hkawm sa wa ma ai: shani shana galoi rai timung sumwi dawm mat jang shanhte hkawm sa wa ma ai.

KASA 1:4

Shing rai rau hpawng nga yang, shi shanhte hpe, “Yerusalem kaw na n pru ai sha, nanhte ngai kaw na na la ai, Wa a ga ndat hpe a la nga mu,” nga nna hkang da nga ai: