BU HKAWM 9:20 - Jinghpaw Hanson Version Bible

²⁰ Kalang lang sumpan sum ntsa e sumwi dai gaw nhtoi gade ya n jung nga ai; shing rai shanhte Yehowa hkang dat ai hte maren but de ma ai; bai Yehowa hkang dat ai hte maren hkawm sa wa ma ai.

Jinghpaw Common Language Bible 2009

²⁰ Kalang lang sumwi dai gaw Sum ntsa e tawng ya mi sha dung nga ai. Hpa byin ti mung, dai Madu hkang da ai hte maren shanhte dai dap hta but nhtawm bai hkawm hkawm rai ma ai.

BU HKAWM 9:20 ပူးပေါင်းရင်းမြစ်များ

SHAKAWN KUNGDAWN 48:14

Kaning rai nme law, dai Karai Kasang gaw, Htani htana e anhte a Karai Kasang rai nga ai: Si hkra shi anhte hpe woi wa na mi ai law.

GA SHAGAWP 3:5

Na a myit masin mahkra hte Yehowa hpe kam hpa nga u; Na a chye chyang ai nyan hta hkum shamyet shanat nga u.

GA SHAGAWP 3:6

Lam shagu hta shi hpe adum nga u, Shing rai yang, shi na a lam shading na ra ai.

BU HKAWM 10:13

Shing rai shanhte hkawm ai gaw, Yehowa Mawshe hpe hkang da ai hku, shawng hkawm hpang ai lang rai nga ai.

BU HKAWM 9:18

Yehowa hkang dat ai hte maren Israela kashu kasha ni hkawm sa wa ma ai; Yehowa hkang dat jang shanhte but de ma ai: sumpan sum ntsa e sumwi jung nga dingsa shanhte mung ade nga ma ai.

BU HKAWM 9:19

Sumwi dai sumpan sum ntsa e nhtoi na na jung nga jang, Israela kashu kasha ni mung Yehowa matsun maroi madat let, bu lam n hkawm ai nga nga ma ai.

BU HKAWM 9:21

Kalang lang sumwi dai gaw shana de nna jahpawt du hkra jung nga nna, jahpawt e dawm mat wa jang, shanhte hkawm sa wa ma ai: shani shana galoi rai timung sumwi dawm mat jang shanhte hkawm sa wa ma ai.

TARA JAHPRANG 7:21

Nang hta rawng nga ai na a Karai Kasang Yehowa gaw galu kaba ai hte hkrithpa Karai Wa rai nga lit dai majaw, nang shanhte hpe hkrit ra ndai n rai.