BU HKAWM 9:2 - Jinghpaw Hanson Version Bible

² “Madat da ai ahkying hta Israela kashu kasha ni shalai dat ai poi galaw lu na rai ma ai.

Jinghpaw Common Language Bible 2009

^2-3 Shi gaw, “Dai shata a shi mali ya shana de jan shang wa mahka e, Shalai Wa Ai Poi a htung tara hte hkan sa na matsun lam ni hte maren, Israela amyu masha ni dai poi hpe galaw lu na rai ma ai,” ngu nna tsun wu ai.

BU HKAWM 9:2 ပူးပေါင်းရင်းမြစ်များ

2 HKAWHKAM 23:21

Bai hkawhkam wa gaw mung masha ni mahkra hpe, “Ga shaka laika hta ka da nga ai hte maren, nanhte a Karai Kasang Yehowa a matu Shalai wa ai poi galaw mu,” ngu mu ai.

2 HKAWHKAM LABAU 35:1

Bai Yoshia gaw Yerusalem mare hta e Yehowa a matu Shalai wa ai poi galaw wu ai: shanhte gaw shawng na shata shi mali ya e Shalai wa ai poi hkungga hpe sat mu ai.

EZRA 6:19

Bai bawng lawt ai kashu kasha ni gaw, shata langai a shi mali ya shani e, Shalai wa ai poi hpe galaw mu ai.

JAW JAU 23:5

Shata langai ngu na hta shi mali ya shana de, Yehowa a shalai dat ai poi rai nga ai.

BU HKAWM 28:16

Bai, shata langai ngu na a nhtoi shi mali ya e, Yehowa a shalai dat ai poi rai nga ai.

BU HKAWM 9:3

Tawn da ai matsun maroi nga nga ai hte maren, ahtung ahking mahkra hte tup, madat da ai ahkying ngu ai ndai ta shi mali ya shana e galaw lu na rai myit dai,” ngu wu ai.

MARKU 14:12

Ya, dai shalai wa ai hkungga hpe sat mu ai, Azuma poi a nnan shani e, Yesu a sape ni gaw, “Dai Shalai wa ai poi nang sha lu n ga, gara shara hta e na a matu sa shachyip na, nang tsaw nga n ta?” ngu nna shi hpe san mu ai.

LUKA 22:7

Ya dai Shalai wa ai hkungga sat lu ai Azuma nhtoi du ra ai.

YAWSHU 5:10

Shaloi Israela kashu kasha ni Gilgala shara e dap jung nga nna, dai shata shi mali ya shana de Yerihko pa e dai shalai dat ai poi sha ma ai.