BU HKAWM 9:15 - Jinghpaw Hanson Version Bible

¹⁵ Ya dai sumpan sum sharawt ai shani e dai sumwi gaw sumpan sum ntsa e jung nna sakse sum hpe ka-up nga ai: dai sumwi gaw shana de nna jahpawt du hkra dai sumpan sum ntsa e wan zawn htoi nga ai.

Jinghpaw Common Language Bible 2009

^15-16 Dai Madu a hpung shingkang shanu nga ai Sum sharawt tawn ai shani e, sumwi yu sa nna dai hpe ka-up da nga ai. Sumwi gaw shana na aten hta wan zawn htoi nga ai.

BU HKAWM 9:15 ပူးပေါင်းရင်းမြစ်များ

NEHEMIA 9:12

Dai hta kaga, shani e sumwi shadaw hte mung, shana e shanhte sa wa na lam jahtoi ya na matu, wan shadaw hte mung, nang shanhte hpe woi wa mu ai.

NEHEMIA 9:19

na a galu kaba ai chyeju hte, dai nam mali hkan e shanhte hpe kabai kau da mu ai, n rai: shanhte hpe lam madun na matu, shani na sumwi shadaw hte, shana e shanhte hkawm sa wa yang, shanhte sa wa na lam jahtoi ya na matu, shana na nhtoi shadaw mung, hkoi mat ai n rai.

SHAKAWN KUNGDAWN 105:39

Shingnip tai na shi sumwi hpe hpyan ka-up nna, Shana e, wan jahtoi ya mu ai.

SHAKAWN KUNGDAWN 78:14

Shi shanhte hpe shani e sumwi hte, Shana tup wan nhtoi hte, woi wa mu ai.

PRU MAT 13:21

Shani shana shanhte sa lu hkra Yehowa gaw, shani e lam madun na matu sumwi shadaw hte, shana e htoi ya na matu wan shadaw hte shanhte a shawng e sa wa wu ai:

PRU MAT 13:22

shani na sumwi shadaw hte shana na wan shadaw mung shanhte kaw na dawm la wu ai n rai.

PRU MAT 14:24

Jahpawt manap na ahkying e Yehowa gaw dai wan sumwi shadaw hta nna Egutu hpyen hpung ni hpe mada yu let, shanhte hpe sharu shatsang da mu ai.

PRU MAT 40:2

Shata langai ngu na hta nnan shani e, dai shawa sum a sumpan nta nang sharawt na rai ndai.

PRU MAT 40:34

Shaloi dai sumwi gaw shawa sum hpe ka-up nna Yehowa a hpung shingkang dai sumpan nta hta hpring nga ai.

PRU MAT 40:35

Shing rai dai sumwi gaw shawa sum hpe ka-up nga ai hte Yehowa hpung shingkang dai sumpan nta hta hpring nga ai majaw dai kata de Mawshe n shang lu wu ai.

PRU MAT 40:38

Kaning rai nme law, Israela nta masha ni hkawm sa wa ai lam dingdung hta, shanhte mahkra a man e Yehowa a sumwi gaw sumpan nta ntsa e, shani e jung nga nna, shana e dai nhku hta wan htoi nga ai.

ESAIA 4:5

Yehowa gaw Ziun bum na nta ni hte de a shawa hpawng ni a ntsa e, shani e wan hkut sumwi, shana e htoi kabrim ai wan shinglet hpan da nna, de a arawng sadang yawng a ntsa e magap ka-up nga na ra ai.

BU HKAWM 10:34

Shanhte dap sharawt nna shani e sat sa wa nga yang, Yehowa a sumwi gaw shanhte a ntsa e anga nga ai.

BU HKAWM 14:14

nang Yehowa ndai amyu a ka-ang e nga nga ndai mung, nang Yehowa anhte hte myi man chyaw rai nga ai mung, na a sumwi anhte a ntsa e ka-up nga ai mung, nang gaw shani e sumwi shadaw hta, shana e wan shadaw hta shanhte a shawng e sa wa ndai mung, ndai ga na masha ni na yu masai.

BU HKAWM 17:7

Mawshe gaw dawhkrawng dai ni hpe sakse sum a kata Yehowa man e tawn da wu ai.

1 KORINHTU 10:1

Hpunau ni e, anhte a ji wa ni yawng gaw, dai sumwi npu e nga ma ai hte, yawng gaw dai nawng hta ga rap wa ma ai rai nna,

TARA JAHPRANG 1:33

ndai amu a lam hta nanhte kamsham myit dai n rai.