BU HKAWM 8:22 - Jinghpaw Hanson Version Bible

²² Shaloi she Lewi masha ni gaw Arun hte shi a shadang sha ni a man e, shawa sum a amu gun hpai na nga shang ma ai: Lewi masha ni a lam Yehowa Mawshe hpe hkang da wu ai hte maren, shanhte shing rai galaw ma ai.

Jinghpaw Common Language Bible 2009

²² Lewi masha ni hte seng nna dai Madu Mawshe hpe hkang da nu ai hte maren, amyu masha ni a lam shagu hpe hkan galaw ma ai. Dai rai nna Arun hte shi a shadang sha ni woi hpareng ai npu hta Sum kata e amu gun hpai na matu Lewi masha ni hta atsam marai hpring nga ma ai.

BU HKAWM 8:22 ပူးပေါင်းရင်းမြစ်များ

2 HKAWHKAM LABAU 30:27

Dai rai nna hkinjawng ni hte Lewi masha ni gaw rawt nna, mung masha ni hpe shaman ya mu ai: Karai Kasang gaw shanhte a nsen madat ya nna, shanhte a akyu hpyi ai ga, shi shanu nga ai chyoi pra ai shara, sumsing lamu de hkrang pru wa sai.

2 HKAWHKAM LABAU 31:2

Dai hpang Hezekia gaw, hkinjawng ni hte Lewi masha ni, langai hte langai tinang hpung ang ai hte maren, daw jau ai amu hkan nna, Yehowa a wang chyinghka kata e, wan nat hkungga hte mahku hkungga nawng ya nna, daw jau let mahkawn mangoi ai hte, shakawn kungdawn nga na matu, shanhte hpe san da mu ai.

PRU MAT 12:50

Israela kashu kasha ni nlang hte mung shing rai galaw ma ai. Mawshe yan Arun hpe Yehowa hkang da ai hte maren shanhte galaw ma ai.

BU HKAWM 1:50

Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

BU HKAWM 8:15

Shaloi she Lewi masha ni gaw shawa sum a amu shang gun lu na rai ma ai: nang shanhte hpe jasan jaseng nna, nwat hkungga hku sak jaw na rai ndai.

BU HKAWM 8:21

Lewi masha ni mung tinang hkum hpe yubak kaw na jasan jaseng nna tinang a hpun palawng hkrut ma ai: Arun mung shanhte hpe nwat hkungga hku Yehowa kaw sak jaw nna, shanhte hpe jasan jaseng na htingrai htingrat ya wu ai.

BU HKAWM 8:23

Bai Yehowa Mawshe hpe tsun wu ai gaw,