BU HKAWM 8:11 - Jinghpaw Hanson Version Bible

¹¹ Yehowa hpe jaw jau ai amu gun hpai shangun na matu, Israela a kashu kasha ni a malai ngu na Lewi masha ni hpe, Arun gaw Yehowa kaw nwat hkungga hku sak jaw na rai wu ai.

Jinghpaw Common Language Bible 2009

¹¹ Arun gaw dai Lewi masha ni hpe Israela amyu masha ni hta na laksan kumhpa langai zawn nye a matu ap nawng na rai wu ai; shaloi nye a magam amu hpe shanhte galaw mai na rai ma ai.

BU HKAWM 8:11 ပူးပေါင်းရင်းမြစ်များ

PRU MAT 29:24

dai hpe Arun hte shi a shadang sha ni a lata hta shalan nhtawm, nwat hkungga di nna, Yehowa a man e nwat na rai mu ai.

JAW JAU 7:30

Yehowa a matu wan hte nawng ai hkungga hpe shi hkum nan la sa na rai wu ai: Yehowa a man e dai sinda hpe nwat hkungga di na matu, sau man hte hpawn la sa na rai wu ai.

JAW JAU 7:34

Kaning rai nme law, Israela kashu kasha ni jaw ai mahku hkungga ni hta na, dai nwat sinda hte manawt magyi hpe ngai di la nna, hkinjawng wa Arun hte shi a shadang sha ni hpe, htani htana na kumhpaw jaw da se ai, ngu wu ai.

JAW JAU 8:27

Arun a lata hte shi a shadang sha ni a lata hta lang da nna nwat hkungga di na matu Yehowa a man e nwat mu ai.

JAW JAU 8:29

Bai Mawshe gaw sinda shan la nna, Yehowa a man e nwat hkungga di nwat wu ai: dai aya dang sagu la a sinda gaw Mawshe a kumhtaw rai nga ai.

BU HKAWM 6:20

Yehowa a man e nwat kumhpa di nna nwat na rai wu ai: dai hte gaw nwat sinda hte manawt magyi hte nawng hkinjawng wa a matu chyoi pra na rai nga ai: dai hpang nna gaw Naziri wa tsabyi jahku lu mai sai rai nga ai.

TARA JAHPRANG 10:8

Dai shaloi e Yehowa gaw, shi a ga shaka sumpu hpai na matu mung, shi a man e tsap nna amu gun hpai na matu mung, shi a amying ningsang gang nna shaman ya lu mu ga mung, dai ni du hkra Lewi masha ni hpe san da nu ai.