BU HKAWM 6:9 - Jinghpaw Hanson Version Bible

⁹ Shi a makau e masha langai ngai akajawng sha si nna, shi a san da nga sai baw hpe wu sin kau ai rai yang gaw, jasan jaseng nhtoi ngu ai sanit ya du ai shani hta baw shangun kau na rai wu ai.

Jinghpaw Common Language Bible 2009

⁹ Shi a makau e masha langai ngai akajawng sha si mat ai majaw Nazari wa a ap nawng da sai kara awu asin byin mat yang, nhtoi sanit ya tup shalai kau ngut ai hpang rep shangun lu na rai wu ai. Shaloi shi gaw htung hte maren san seng ai wa tai wa na ra ai.

BU HKAWM 6:9 ပူးပေါင်းရင်းမြစ်များ

EZEKELA 44:27

Chyoi pra ai shara hta daw jau na matu, kata wang de bai shang wa ai shani e, mara raw hkungga nawng ya ra ai,” nga nna Madu Yehowa tsun ai.

JAW JAU 14:8

Jasan jaseng la ai wa gaw tinang a hpun palawng hkrut nna, shi a kara akrin atsai shangun kau nhtawm, hka shin na rai wu ai: shaloi shi san seng na ra ai: dai hpang dap de shang lu na ra ai, rai timung shi a sum shinggan e sanit ya tup naw nga nga na rai wu ai.

JAW JAU 14:9

Dai sanit ya du ai shani e shi a kara hte nhka mun, myi kaw mun re ai hkum na mun yawng shangun kau nhtawm, shi a hpun palawng hkrut kau nna, hkum shin ai hte san seng na ra ai.

BU HKAWM 6:18

Bai Naziri wa gaw shawa sum chyinghka makau e shi a san da ai baw kara shangun kau na rai wu ai; dai kara hpe mahku hkungga npu na wan dap hta ju kau na rai wu ai.

BU HKAWM 6:8

Shi gaw san da nga ai nhtoi hte ting hta Yehowa a matu chyoi pra nga na rai wu ai.

KASA 18:18

Dai hpang Pawlu gaw, dai yang nhtoi tsawmra wa na hkra naw nga nga nhtawm, hpunau ni hpe shakram da nna, li jawn let Suri mung de sa wa ai; Priskila yan Akula shan la mung, shi hte rau rai nga ma ai; shawng e ga shaka da ai ga nga lu ai majaw, Kenhkrea mare e baw doi wu ai.

KASA 21:27

Ya dai nhtoi sanit gu magang yang, Asi mung na Yuda masha ni nawku Htingnu e Pawlu hpe mu jang, shawa masha ni hpe myit sharawt nna, shi e rim la let, “Israela masha ni e, karum marit;

TARA JAHPRANG 21:12

na a nta de shi hpe woi wa nhtawm, shi a kara shangun, lamyin doi kau ai hte,