BU HKAWM 6:5 - Jinghpaw Hanson Version Bible

⁵ Shing rai, Naziri tai na ga shaka tawn da ai nhtoi hte yang, tinang a baw shangun lu na n rai: Yehowa matu tinang hkum hpe san da ai nhtoi garai n gu gu gaw, shi hta chyoi pra nga na rai nna, tinang a kara hpe madat da na rai wu ai.

Jinghpaw Common Language Bible 2009

⁵ Nazari tai na ga shaka tawn da ai nhtoi hte yang, shi a kara rep shangun lu na n rai. Dai Madu a matu ap nawng tawn ai aten tup a matu ga shaka hte masat da ai laman shi a kara madat da na rai wu ai.

BU HKAWM 6:5 ပူးပေါင်းရင်းမြစ်များ

EZEKELA 44:20

Shanhte gaw kara shangun mai ai n rai; galu shangun lu na, n rai: kara daw mai nga ai.

BU HKAWM 6:4

Tinang hkum hpe san da ai nhtoi hte yang tsabyi hpun hta nna lu la ai hpa mung sha mai na n rai; tsabyi tum, tsabyi hpyi sha pyi sha lu na n rai.

KASA 18:18

Dai hpang Pawlu gaw, dai yang nhtoi tsawmra wa na hkra naw nga nga nhtawm, hpunau ni hpe shakram da nna, li jawn let Suri mung de sa wa ai; Priskila yan Akula shan la mung, shi hte rau rai nga ma ai; shawng e ga shaka da ai ga nga lu ai majaw, Kenhkrea mare e baw doi wu ai.

TARA AGYI 13:5

nang na-um nasin rai nna, shadang sha shangai na rin dai; ma dai gaw hkritung kaw nna Karai Kasang a Naziri masha rai na ra ai majaw shi a baw doi ya lu na n rai; shi gaw Israela hpe Hpilisti masha ni a lata na hkye la hpang na ra ai” ngu nna tsun wu ai.

TARA AGYI 16:17

Dai rai nna, shi a myit hta rawng marawng tsun dan wu ai gaw, “Ngai gaw nu a hkritung kaw nna, Karai Kasang a Naziri masha rai nngai majaw, nye a kara kalang mi muk garai n doi yu ai: nye a kara doi kau jang, ngai n-gun daw nna gawng kya ai hte masha gale zawn rai na ring ngai,” ngu nna shi hpe tsun dan wu ai.

TARA AGYI 16:19

Shaloi Delila gaw shi a lahpyen e Samson hpe yup shangun nhtawm, masha langai mi hpe shaga la nna, shi a baw na kara shan tsing sanit hpe gadoi kau ya wu ai: shing rai shi hpe adip hpang wa nu ai rai nna, shi a n-gun daw mat lu ai.

1 SAMUELA 1:11

Shi gaw, “Zaw nawng zaw wa up ai Yehowa e, Na mayam jan hpe n malap kau ai sha, na mayam jan a matsan shagoi hpe mada mara dum ya nna, na a mayam jan hpe shadang sha jaw n yang gaw, shi a kara galoi mung n doi ya ai sha, shi a prat dingsa, nang Yehowa hpe ap ya na nngai,” ngu nna shaka hpyi wu ai.