BU HKAWM 6:27 - Jinghpaw Hanson Version Bible

²⁷ Shing rai shanhte gaw Israela kashu kasha ni a ntsa e nye a mying ningsang gang nna mara ya yang, ngai shanhte hpe shaman ai chyeju jaw na we ai,” ngu wu ai.

Jinghpaw Common Language Bible 2009

²⁷ Dai Madu gaw, “Shanhte nye a mying gang nna Israela amyu masha ni hpe shaman ga tsun ai rai yang, ngai mung shanhte hpe shaman ya na mawe ai,” ngu nna tsun wu ai.

BU HKAWM 6:27 ပူးပေါင်းရင်းမြစ်များ

NINGPAWT NINGHPANG 32:26

Dai wa gaw shi n dang lu ai mu jang, Yaku a magyi pawt ahtawk ya wu ai rai nna, shi hte kamu nga yang, shi a magyi pawt hkrihkraw kashai mat lu ai.

NINGPAWT NINGHPANG 32:29

Shaloi dai wa gaw, Na a amying htawm hpang de Yaku ngu lu na n rai: Israela ngu na rai lit dai: kaning rai nme law, nang gaw Karai Kasang hte mung, masha hte mung gasat hkat nna dang kau nit dai ngu wu ai.

2 SAMUELA 7:23

Na a amyu masha ni hte, na a mungdan a matu mara mauhpa amu kaba madun dan na nga, Karai Kasang yu wa nna, na ningsang mying dan hkung na matu, Egutu mung hte mungdan daga ni yawng hta, shanhte a Hpara ni a lata na hkye mawai la ai, nang lata la ai amyu Israela hte bung ai amyu gaw, dinghta ga ntsa e kadai amyu rai nga a ta?

1 HKAWHKAM LABAU 4:10

Yabet mung, Israela Karai Kasang hpe, “Nang ngai hpe shaman ya nna, nye a lamu ga jarit dam lada di ya e! Ngai yawn hkyen ai hta lawt lu n ga na a lahpum hte n hkru n hkra ai hta na ngai hpe magawp maga la e!” ngu nna hpyi jahtau wu ai. Karai Kasang mung shi hpyi ai ga madat mara ya wu ai.

2 HKAWHKAM LABAU 7:14

nye a amying nsang gang ai nye a amyu gaw, myit nem akyu hpyi nna, nye a myi man tau let, tinang a n hkru ai lam hpe kau da ma yang, ngai gaw sumsing lamu de nna madat mara ya let, shanhte a yubak raw dat kau ai hte shanhte a mungdan hpe ngamu shangun na we ai.

SHAKAWN KUNGDAWN 5:12

Kaning rai nme law, nang gaw dinghpring ai wa hpe shaman ya nga ndai; Yehowa e, nang shi hpe chyeju hte n-gang zawn, kawan da nga ndai.

SHAKAWN KUNGDAWN 67:7

Karai Kasang anhte hpe shaman ya nna, Aga ting htum hkra shi hpe hkrit hkungga na mu ai.

PRU MAT 6:3

ngai gaw Abraham, Isak, Yaku hte kaw Chyahtum chyalai n-gun rawng ai, ngu ai Karai Kasang mying hte dan pru nngai, rai timung, nye a mying ningsang Yehowa re ai gaw shanhte n chye ma ai.

ESAIA 43:7

Sumtsan mung de na nye a shadang sha ni, lamu ga jahtum de na nye a shayi sha ni ngu ai, nye a amying mying ai wa, nye a arawng sadang matu ngai hpan da ai hte, ngai hpajang nna galaw da ai ni langai hte langai hpe woi wa marit.

YEREMIA 14:9

Mak mat ai wa hte, n mawai la lu ai share wa zawn, hpa majaw tai nga n ta? gaja wa, Yehowa e, nang gaw anhte a ka-ang e shanu nga ndai; anhte gaw na a mying hte shamying ai ni tai saga ai; anhte hpe hkum kau da mi law.

BU HKAWM 23:20

Yu u, Shaman ya u, nga ai ga ngai lu ni ai; Shi shaman ya nu ai, ngai shabai lu na n rai.

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

EHPESU 1:3

Anhte a Madu Yesu Hkristu a Kawa rai nga ai Karai Kasang gaw, a nga u ga law: shi gaw sumsing lamu lahta tang hta e, Wenyi hte seng ai shaman ya ai lam amyu myu hte, Hkristu hta e anhte hpe shaman ya mi ai:

TARA JAHPRANG 28:10

Shing rai nang hpe Yehowa a amying ningsang hte nan shamying ai wa rai nga ai, nga nna ga ntsa amyu nlang chye lu ai hte nang hpe hkrit gari nga na ra ai.