BU HKAWM 6:26 - Jinghpaw Hanson Version Bible

²⁶ Yehowa nang hpe mada mara nna, ngwipyaw shangun nga u ga law,” ngu na rai myit dai.

Jinghpaw Common Language Bible 2009

²⁶ Dai Madu gaw nang hpe mada mara nna myi man pa shangun ai hte ngwi pyaw sim sa ai lam jaw ya nga u ga law.

BU HKAWM 6:26 ပူးပေါင်းရင်းမြစ်များ

SHAKAWN KUNGDAWN 29:11

Yehowa shi a amyu hpe n-gun shaja na ru ai; Yehowa shi a amyu hpe ngwipyaw ai hte shaman ya na ru ai law.

SHAKAWN KUNGDAWN 37:37

Mara n rawng ai wa hpe matsing u, Myit malang ai wa hpe mada yu u: Ngwi ai lam hkan ai wa a aru arat pra nga ai.

SHAKAWN KUNGDAWN 4:6

“Kaja ai gaw anhte hpe kadai madun lu na a kun?” nga nna law law wa tsun ma ai. Yehowa e, na a myi man a nhtoi, anhte a ntsa e jahtoi ya mi.

SHAKAWN KUNGDAWN 42:5

Nye a myit masin e, nang hpa majaw kanyung nga n ta? Hpa majaw ngai hta e kadau nga n ta? Karai Kasang hpe a la nga u; shi karum nga ai majaw, Ngai shi a chyeju naw shakawn na we ai.

SHAKAWN KUNGDAWN 44:3

Shanhte a nhtu hte dai mungdan hpe shanhte madu lu mu ai n rai, Shanhte a lata gaw shanhte hpe hkye la mu ai n rai: Na a hkra lata, na a lahpum, na a myi man a nhtoi hte, shanhte hkye hkrang la ai hkrum mu ai; Kaning rai nme law, nang shanhte hpe tsawra mu ai.

SHAKAWN KUNGDAWN 89:15

Pahtau dum ai nsen chye na ai amyu gaw, a lu nga ai; Yehowa e, na a myi man a nhtoi hta e, shanhte hkawm nga lu ma ai.

ESAIA 26:12

Yehowa e, nang anhte a matu ngwipyaw lam san da na ndai; kaning rai nme law, anhte a amu mahkra hpe pyi nang anhte a matu shachyen nu ai.

ESAIA 26:3

Myit maju jung ai wa gaw, nang hta shamyet shanat nga ai majaw, nang ban sa nga shangun wu ai.

ESAIA 57:19

N-gup a asi hpe ngai hpan da nngai; sumtsan mung na wa hta mung, ni nga ai wa hta mung, ngwipyaw lam, gaja wa, ngwipyaw lam, rai nga u ga; ngai shi hpe shamai shatsai na nngai,” nga nna Yehowa tsun ai.

MIHKA 5:5

Dai wa gaw anhte a ngwipyaw madu tai na ra ai. Asuri wa gaw anhte a mung hta shang nna, anhte a htingnu ni hpe kabye yang, shi hpe hkap daw na matu, sagu rem sanit hte agyi matsat, anhte kaw na pru na ra ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwipyaw ai gaw anga nga nu ga law,” nga ma ai.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

YAWHAN 20:21

Bai Yesu gaw, “Nanhte ngwipyaw nga myit ga; nye Wa ngai hpe shangun dat nngai hte maren, ngai mung nanhte hpe shangun dat made ai,” ngu nna shanhte hpe tsun mu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna, Htawma mung shanhte hte rau rai nga ai. Chyinghka la da nga yang, Yesu sa du nna shanhte a ka-ang e tsap let, “Nanhte ngwipyaw nga myit ga law,” ngu wu ai.

KASA 10:36

Nga yawng nga pra Madu rai nga ai Yesu Hkristu a marang e ngwipyaw ai hte seng ai kabu gara shiga hkaw tsun dan u ga nga, Israela kashu kasha ni kaw shangun dat ai mungga ngu ai:

KASA 2:28

Asak hkrung ai lam nang ngai hpe madun nit dai; Na a myi man hte nang ngai hpe kabu gara ai hte jahpring ya na rin dai,’ nga ai.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

ROMA 15:33

Ya, ngwipyaw ai a npawt Karai Kasang gaw, nanhte yawng mayawng hte rau anga nga u ga law. Amen

ROMA 5:1

Shing rai, kamsham ai hte dinghpring wa lu ga ai majaw, anhte a Madu Yesu Hkristu a marang e, anhte Karai Kasang hte mahku mara rai ga ai:

EHPESU 6:23

Kawa Karai Kasang hte, Madu Yesu Hkristu kaw nna, ngwipyaw ai hte makam masham hta lawm ai tsawra ai gaw, hpunau ni kaw anga nga u ga.

HPILIPI 4:7

Shaloi chye chyang ai nyan yawng hta grau lai ai Karai Kasang angwi pyaw ai gaw, nanhte a myit masin hte nanhte a myit mang ai hpe, Hkristu Yesu hta e bau sin na ra ai.

2 HTESALONI 3:16

Ya, ngwipyaw ai a npawt, dai Madu nan, nanhte hpe tutnawng e lam shagu hta ngwipyaw ai, a jaw nga u ga. Dai Madu gaw nanhte nlang hte rau anga nga u ga law.