BU HKAWM 6:25 - Jinghpaw Hanson Version Bible

²⁵ Yehowa nang hpe shi a myi man nhtoi jahtoi ya nna, matsan dum nga u ga;

Jinghpaw Common Language Bible 2009

²⁵ Dai Madu gaw nang hpe matsan dum ai hte chyeju jahpring ya nga u ga;

BU HKAWM 6:25 ပူးပေါင်းရင်းမြစ်များ

NINGPAWT NINGHPANG 43:29

Bai sharawt mada yu yang, shi kanu a kasha kanau Ben-yamin hpe mu nna, ndai wa gaw shawng de nanhte tsun ai, nanhte a kanau hpungdim rai nga malit ni? Nga nna, Ngai sha e, Karai Kasang nang hpe chyeju jaw n ga, ngu wu ai.

SHAKAWN KUNGDAWN 119:135

Na a mayam wa ntsa e, na a myi man jahtoi ya u ga; Na a ga madat hpe mung, ngai hpe sharin ya e.

SHAKAWN KUNGDAWN 21:6

Tut tut na akyu lu la hkra nang shi hpe san da nna, Na a myi man a kabu gara ai hta shi hpe sha-awng nu ai.

SHAKAWN KUNGDAWN 31:16

Na a myi man gaw, na mayam a ntsa e, htoi nga u ga: Na a chyeju hte ngai hpe hkye hkrang la e.

SHAKAWN KUNGDAWN 4:7

Shanhte a mam hte tsabyi ngai ai aten e kabu gara ai hta, Nang nye a myit hpe grau nna kabu shangun ya ndai.

SHAKAWN KUNGDAWN 67:1

Karai Kasang e, anhte hpe matsan dum nna shaman ya mi: dinghta ga hta e na a lam,

SHAKAWN KUNGDAWN 80:19

Zaw nawng zaw wa up ai Karai Kasang Yehowa e, Anhte hpe shalan shabran la mi: Na a myi man a nhtoi jahtoi ya nna, Anhte hkye hkrang la ai hkrum na ga ai.

SHAKAWN KUNGDAWN 80:7

Zaw nawng zaw wa up ai Karai Kasang e, Anhte hpe shalan shabran la mi: Na a myi man a nhtoi jahtoi ya nna, Anhte hkye hkrang la ai hkrum na ga ai.

SHAKAWN KUNGDAWN 86:16

Ngai hpang de kayin nna, matsan dum la e; Na a n-gun lagaw, na a mayam wa hpe, Na a hkye hkrang la ai lam, na a nchyang jan a kasha hpe, jaw ya u.

PRU MAT 33:19

Yehowa gaw, Nye a mai kaja ai hpung mahkra na a man e ngai shalai dat nna, Yehowa a mying hpe na man e ngai shapraw na we ai: chyeju madun mayu ai wa hpe ngai chyeju madun na we ai; matsan dum myit rawng ai wa hpe ngai matsan dum na we ai.

Daniela 9:17

Dai re ai majaw, anhte a Karai Kasang e, na a mayam wa a akyu hpyi ai hte tawngban ai ga madat mara ya e; Madu a chyeju jaw e, katsi katsang rai nga ai, na a chyoi pra ai shara ntsa e, na a myi man naw htoi tu shangun u.

MALAHKI 1:9

Ya chyawm gaw, Karai Kasang anhte hpe chyeju madun u ga, shi a man e akyu hpyi mu: ndai amu gaw, nanhte a lata na amu rai nga ai: shi nanhte a myi man tau lu na rai ni? nga nna Zaw nawng zaw wa up ai Yehowa tsun ai.

YAWHAN 1:17

Jep ai tara gaw Mawshe a lata hte jaw da ai, rai nga ai; chyeju hte tengman ai lam gaw, Yesu Hkristu a marang e tai wa ai, rai nga ai.

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.