BU HKAWM 6:20 - Jinghpaw Hanson Version Bible

²⁰ Yehowa a man e nwat kumhpa di nna nwat na rai wu ai: dai hte gaw nwat sinda hte manawt magyi hte nawng hkinjawng wa a matu chyoi pra na rai nga ai: dai hpang nna gaw Naziri wa tsabyi jahku lu mai sai rai nga ai.

Jinghpaw Common Language Bible 2009

²⁰ Dai hpang hkinjawng wa gaw dai ni hpe laksan kumhpa shatai nna dai Madu hpe sak jaw na rai wu ai. Dai ni gaw hkinjawng wa a matu chyoi pra ai hkungga rai nga ai. Dai hta kaga, tara hte maren sinda hte sagu la a lagaw hpe mung hkinjawng wa madu la lu na rai wu ai. Dai hpang mahtang Nazari wa sabyi ntsin lu mai na rai wu ai.

BU HKAWM 6:20 ပူးပေါင်းရင်းမြစ်များ

HPAJI NINGLI 9:7

Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

ESAIA 25:6

Zaw nawng zaw wa up ai Yehowa gaw ndai bum ntsa e amyu baw yawng a matu sau ai lusha hte tsabyi machyan poi galaw na ra ai; dai poi hta laswi hpring ai sau ai baw hte, jet ai tsabyi machyan dingsa lusha na mara ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

JAW JAU 10:15

Wan hta nawng na sau man hkungga ni hte rau, manawt magyi hte nwat sinda, shanhte la sa na rai nna, dai hpe Yehowa a man e nwat hkungga di nna nwat na rai mu ai: dai gaw Yehowa a matsun nga ai hte maren, nang hte na a shadang sha ni lu la ai prat dingsa na kumhtaw rai malit dai, ngu wu ai.

JAW JAU 23:11

nanhte a kumhpa hkap la ra hkra, hkinjawng wa gaw laban nhtoi hpang shani e dai hkauling hpe Yehowa man e nwat na rai mu ai.

JAW JAU 7:30

Yehowa a matu wan hte nawng ai hkungga hpe shi hkum nan la sa na rai wu ai: Yehowa a man e dai sinda hpe nwat hkungga di na matu, sau man hte hpawn la sa na rai wu ai.

JAW JAU 7:31

Shing rai hkinjawng wa gaw, dai sau hpe tawn hkungri hta nat na rai wu ai: sinda gaw Arun hte shi a shadang sha ni la na rai mu ai.

JAW JAU 7:32

Bai mahku hkungga a hkra magyi hpe manawt hkungga a matu hkinjawng wa hpe sa ya na rai mu ai.

JAW JAU 7:34

Kaning rai nme law, Israela kashu kasha ni jaw ai mahku hkungga ni hta na, dai nwat sinda hte manawt magyi hpe ngai di la nna, hkinjawng wa Arun hte shi a shadang sha ni hpe, htani htana na kumhpaw jaw da se ai, ngu wu ai.

JAW JAU 9:21

sinda hte hkra magyi hpe Arun gaw Yehowa a man e nwat hkungga di nna nwat wu ai: shing di galaw ai mung Mawshe tsun da ai hku rai nga ai.

ZEHKARIA 10:7

Ehprim masha ni gaw share ninghkrin zawn tai nna, tsabyi jahku hte hkru ai zawn, shanhte a myit masin kabu gara na ra ai; gaja wa, shanhte a kashu kasha ni, dai hpe mu nna, kabu gara na mara ai: shanhte a myit masin gaw, Yehowa hta sharawng awng na mara ai.”

ZEHKARIA 9:15

Zaw nawng zaw wa up ai Yehowa gaw, shanhte hpe makawp maga na ra ai; shanhte kawa sha kau nna, lakli nlung ni hpe kabye kau na mara ai: shanhte lu nna, tsabyi jahku hkru ai zawn, kashai na mara ai: shanhte gaw gawm hte tawn hkungri a jut ni zawn, sai hte hpring na mara ai.

ZEHKARIA 9:17

Kaning rai nme law, shi a mai kaja ai myit gade kaba nga a hka! Shi a arawng sadang gade dan hkung nga a hka! nai mam gaw shabrang ni hpe, tsabyi jahku mahkawn ni hpe, kaba wa shangun na ra ai.

BU HKAWM 18:18

De a ashan gaw, nwat sinda hte hkra magyi zawn, na a rai nga ai.

BU HKAWM 5:25

Bai hkinjawng wa gaw myit machyi shadung kumhpa hpe numsha a lata na la nna Yehowa a man e nwat let, tawn hkungri hta la tawn nhtawm,

BU HKAWM 6:21

Dai hte gaw ga shaka da nna Naziri tai ai wa jaw jau lu ai made, jaw jau ai hta kaga tinang hkum hpe san da ai a matu Yehowa hpe sak jaw ra ai kumhpa a tara rai nga ai: ga shaka tawn da ai ga hte maren san da nga ai tara hku hkan nna galaw lu na rai awu ai,” ngu wu ai.

MAHTE 26:29

nanhte hpe ngai tsun made ai gaw, “Nye Wa a mungdan hta e, nanhte hte rau tsabyi nnan hpe ngai lu lu na nhtoi du hkra, ndai tsabyi ru a asi hta na ngai bai lu lu na n rai,” ngu nna shanhte hpe gam jaw mu ai.

MARKU 14:25

Nanhte hpe ngai teng teng tsun made ga, Karai Kasang a mungdan hta e tsabyi nnan hpe ngai lu lu na nhtoi du hkra, ndai tsabyi ru a asi hta na, ngai kalang mi muk bai lu lu na n rai,” ngu mu ai.

YAWHAN 19:30

Yesu gaw dai ntsin hkri hkap lu ngut jang, “Ngut masali ai,” nga nhtawm, baw nga di nna, nsa jahti kau wu ai.