BU HKAWM 6:19 - Jinghpaw Hanson Version Bible

¹⁹ Shing rai Naziri wa shi a san da sai baw shangun kau ngut jang, hkinjawng wa gaw kaprawng kau sai sagu lahpa hkawn mi, ka hta na matsi n rawng ai muk pa mi, matsi n rawng ai muk hkrawp pa mi la nna, Naziri wa a lata hta lang shangun nhtawm,

Jinghpaw Common Language Bible 2009

¹⁹ Dai hpang shapyaw da sai sagu la a lahpa hpe hkinjawng wa la nna, muk pa langai mi hte muk ka na muk hkrawp langai mi hte hpawn Nazari wa a lata hta tawn da ya na rai wu ai.

BU HKAWM 6:19 ပူးပေါင်းရင်းမြစ်များ

JAW JAU 7:28

Bai Yehowa Mawshe hpe tsun wu ai gaw,

JAW JAU 7:30

Yehowa a matu wan hte nawng ai hkungga hpe shi hkum nan la sa na rai wu ai: Yehowa a man e dai sinda hpe nwat hkungga di na matu, sau man hte hpawn la sa na rai wu ai.

JAW JAU 8:27

Arun a lata hte shi a shadang sha ni a lata hta lang da nna nwat hkungga di na matu Yehowa a man e nwat mu ai.

JAW JAU 8:31

Bai Mawshe gaw Arun hte shi a shadang sha ni hpe, Shawa sum a chyinghka makau e dai sagu shan shadu mu: Arun hte shi a shadang sha ni dai sha na rai mu ai, ngu nna Yehowa ngai hpe hkang da sai hte maren, ashan hpe mung, aya dang ai hte seng ai muk ka hta na muk ni hpe mung, dai yang e sha mu.

BU HKAWM 6:2

“Israela kashu kasha ni hpe ning ngu tsun u: Numsha rai timung, lasha rai timung, Yehowa a matu tinang hkum hpe san da na, Naziri ngu ai ga shaka tawn da ai rai yang gaw,

1 SAMUELA 2:15

Dai hta n-ga, sau man garai n nawng yang, hkinjawng wa shangun ma sa nna, “Hkinjawng wa a matu kakang na shan jaw rit; shadu sai n la mayu ai, katsing she ra ai da,” ngu nna hkungga sa nawng ai wa hpe tsun tsun di mu ai.