BU HKAWM 5:26 - Jinghpaw Hanson Version Bible

²⁶ dum ya na matu dai kamang shadung hta na hkinjawng wa latup mi la nna tawn hkungri hta nat na rai wu ai; dai hpang numsha hpe ntsin dai lu shangun na rai wu ai:

Jinghpaw Common Language Bible 2009

²⁶ Dai hpang masat hkungga a matu latup mi la nhtawm tawn hkungri ntsa e nat na rai wu ai. Hpang jahtum e, shi gaw dai numsha hpe hka ai ntsin lu shangun na rai wu ai.

BU HKAWM 5:26 ပူးပေါင်းရင်းမြစ်များ

JAW JAU 2:2

Dai hpe Arun a shadang sha hkinjawng ni hpang de shi la sa nna, mani ai shadung, namman hte lawban hta na latup mi magra la nhtawm, wan hte nat nawng ai hkungga, Yehowa a matu manam pyaw ai sangau tai na, shi a matu dum ya na, hkinjawng wa gaw dai hpe tawn hkungri ntsa e nat na rai wu ai.

JAW JAU 2:9

Bai, hkinjawng wa gaw dai shadung kumhpa hta na dum ya na kumhtaw magra la nhtawm, Yehowa a matu wan hte nat nawng ai manam pyaw sangau di nna, tawn hkungri hta nat na rai wu ai.

JAW JAU 5:12

Dai hpe hkinjawng wa hpang de shi la sa na rai nna, hkinjawng wa gaw dai hta na dum ya na kumhtaw latup mi magra la nhtawm, Yehowa a matu wan hte nawng ai kumhpa hte hpawn, tawn hkungri na wan hta nat nawng na rai wu ai: dai gaw htingrai htingrat hkungga rai nga ai.

JAW JAU 6:15

Hkinjawng wa gaw dai shadung kumhpa hta na mani ai shadung latup mi, sau nkau mi hte, dai kumhpa a lawban yawng hpe karan la nna, Yehowa a manam pyaw ai sangau hte dum ya na matu di nna, tawn hkungri hta nat na rai wu ai.

BU HKAWM 5:25

Bai hkinjawng wa gaw myit machyi shadung kumhpa hpe numsha a lata na la nna Yehowa a man e nwat let, tawn hkungri hta la tawn nhtawm,