BU HKAWM 4:49 - Jinghpaw Hanson Version Bible

⁴⁹ Shing rai Mawshe gaw Yehowa hkang da ai ga hte maren, langai hte langai a galaw na amu hte gun hpai lu na lit hpe hkan nna, shanhte hpe jahpan hti la mu ai: Yehowa Mawshe hpe hkang da ai ga hte maren jahpan hti mu ai.

Jinghpaw Common Language Bible 2009

⁴⁹ Dai Madu gaw Mawshe hpe hkang da sai hte maren, masha shagu hte hpe jahpan la ai hte Mawshe hku nna jaw ya ai dai Madu a hkang da ai ga hta langai hte langai gaw tinang daw jau ang ai lit hpe gun hpai na matu shatsam da hkrum nga ma ai.

BU HKAWM 4:49 ပူးပေါင်းရင်းမြစ်များ

BU HKAWM 1:47

Rai timung, Lewi amyu gaw, kaji kawa nta hkan nna hti ai jahpan hta n lawm ma ai.

BU HKAWM 1:54

Yehowa Mawshe hpe hkang da mada hte maren, Israela kashu kasha ni shing rai galaw ma ai.

BU HKAWM 2:33

Lewi masha ni hpe gaw, Yehowa Mawshe hpe hkang da ai hte maren, Israela kashu kasha ni hta n hti shalawm wu ai.

BU HKAWM 3:51

Yehowa hkang da ai hte maren, Mawshe gaw dai hkrang shaw gumhpraw Arun hte shi a shadang sha ni hpe ap ya wu ai.

BU HKAWM 4:15

Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

BU HKAWM 4:21

Bai Yehowa Mawshe hpe tsun wu ai gaw,

BU HKAWM 4:24

Gershon lakung lama ni a galaw na amu hte gun hpai na lit ni gaw, dai rai nga ai:

BU HKAWM 4:31

Dai shawa sum hta shanhte galaw na amu hte gun hpai na lit gaw, dai rai nga ai: dai sumpan sum a hpunpyen ni, de a htinggrang ni, shadaw ni hte de a machyaw ni;

BU HKAWM 4:32

wanggrang shadaw ni hte de a machyaw ni, de a mailak ni, de a sumri ni hte, dai ni hta jaw jau yang lang ai arai ni nlang hpe lajang gun hpai na rai ma ai: shanhte gun hpai na rai ni hpe amying shakap nna hti na rai ma ai.

BU HKAWM 4:37

Dai ni gaw, Yehowa Mawshe hpe hkang da ai hte maren, Mawshe yan Arun hti la nna, shawa sum a amu gun hpai lawm ai Kohat a lakung lama ni rai nga ma ai.

BU HKAWM 4:41

Dai ni gaw, Yehowa hkang da ai hte maren, Mawshe yan Arun hti la nna, shawa sum a amu gun hpai lawm ai Gershon a lakung lama ni rai nga ma ai.

BU HKAWM 4:45

Dai ni gaw, Yehowa Mawshe hpe hkang da ai hte maren, Mawshe yan Arun hti la ai Merari a kashu kasha ni a lakung lama ni rai nga ma ai.

BU HKAWM 5:1

Bai, Yehowa Mawshe hpe tsun wu ai gaw,