BU HKAWM 4:15 - Jinghpaw Hanson Version Bible

¹⁵ Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

Jinghpaw Common Language Bible 2009

¹⁵ But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:15 ပူးပေါင်းရင်းမြစ်များ

2 SAMUELA 15:24

Zadok hte Lewi masha ni nlang mung Karai Kasang a ga shaka sumpu hpai let du ma ai rai nna, shanhte gaw Karai Kasang a sumpu tawn da nhtawm, masha nlang mare na pru ma tawm ai du hkra, Abiahta gaw kawng de lung wa la ai.

2 SAMUELA 6:13

Shing rai, Yehowa a sumpu hpai ai ni lahkam kru htawt yang, usu hte hpum sau ai nga langai mi, hkungga jaw jau mu ai.

1 HKAWHKAM 8:3

Israela agyi salang ni yawng sa du nna, hkinjawng ni gaw dai sumpu hpe hpai sharawt mu ai.

1 HKAWHKAM LABAU 15:15

Yehowa htet da ai ga hkan nna, Mawshe hkang da ai hte maren, Lewi kashu kasha ni gaw Karai Kasang a sakse sumpu hpe kandang hte tinang a lahpa hta hpai mu ai.

1 HKAWHKAM LABAU 15:2

Shaloi Dawi gaw, “Lewi masha ni hta kaga, Karai Kasang a sakse sumpu hpe kadai mung mai hpai na n rai: Karai Kasang a sakse sumpu hpe hpai na hte, shi a man e tutnawng daw jau na matu, Yehowa shanhte hpe lata la mu ai,” nga ai.

1 HKAWHKAM LABAU 23:26

Lewi masha ni mung, sumpan nta hte daw jau na matu dai hte seng ai arai ni hpe, ‘ya kaw nna htawm hpang de n hpai ra na sai,’ nga ai.

PRU MAT 19:12

Amyu masha ni n lai mai ai masin dai bum hpe grup di grang da nna, Dai bum de mung n lung, bum lagaw hpe mung n hkra hkra, sadi mu, ngu nna tsun u: dai bum hkra ai wa kadai mung teng teng si ai hkrum u ga:

PRU MAT 19:21

Yehowa mung, Amyu masha ni Yehowa hpe yu yu na nga, tawt shang wa nna, law law wa n si mu ga, shanhte hpe shadum jahprang na naw yu hkrat wa u:

PRU MAT 27:7

Dai kandang yan hpe shanghkawng ni hta nang dinghkrawn da nna, tawn hkungri hpe hpai na matu, dai kandang yan maga hpra hpra rai na rai nga ai.

JAW JAU 16:13

Shaloi, shi si ai n hkrum na matu, dai lawban a sangau sakse sumpu a ntsa na chyeju magap hpe mawng bun hkra Yehowa a man e lawban dai hpe wan ban hta bang nat na rai wu ai:

BU HKAWM 1:50

Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

BU HKAWM 1:51

Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

BU HKAWM 10:21

Dai hpang Kohat masha ni gaw, chyoi pra ai nta a arai ni hpai nna rawt sa wa ma ai: shanhte garai n du yang shawng na ni gaw sumpan sum sharawt shadun magang ma ai.

BU HKAWM 18:3

Shanhte gaw nang hpe karum na hte dai Sum hpe yu lajang na rai ma ai: rai timung, nan wa ai hte shanhte si ai n hkrum myit ga dai chyoi pra nta a arai ni hte tawn hkungri de shanhte htep sa lu na n rai.

BU HKAWM 3:38

Mawshe yan Arun hte Arun a shadang sha ni chyawm gaw, Israela kashu kasha ni a matu dai chyoi pra ai nta hpe sin let shawa sum a sumpan nta a sinpraw man e but de ai ni rai nga ma ai: amyu kaga masha dai de sa htep yang, sat kau ai hkrum lu na rai wu ai.

BU HKAWM 4:14

dai hkungri hte seng ai amu a arai ni ngu ai; ban pa ni, chyinghkyi ni, shingban ni, angdung ni hte dai tawn hkungri hte seng ai arai yawng hpe mara ngut jang, tahkisha hpyi ka-up nhtawm, kandang ni dinghkrawn da na rai mu ai.

BU HKAWM 4:19

shanhte hpe ning rai galaw mu: dai chyoi pra htum ai arai ni hpang de shanhte sit htep ai shaloi, si ai n hkrum ai sha, hkrung nga lu mu ga, Arun hte shi a shadang sha ni shawng shang nna, masha langai hte langai hpe tinang galaw na amu hte gun hpai na lit karan hpajang ya na rai mu ai:

BU HKAWM 4:20

rai timung, dai chyoi pra ai shara hpe yu yu na nga, chyahkring mi muk shang lu na n rai; shang yang chyawm gaw si ai hkrum lu na mara ai,” ngu wu ai.

BU HKAWM 7:9

Dai chyoi pra ai nta a amu yu lajang ai Kohat a kashu kasha ni gaw, tinang a lahpa hta hpai ra ai re ai majaw, shanhte hpe gaw law hte utang n jaw mu ai.

TARA JAHPRANG 31:9

Shaloi Mawshe gaw ndai tara ga nlang ka da nna, Yehowa a ga shaka sumpu hpai ai Lewi amyu hkinjawng ni hte Israela salang ni nlang hte a lata hta ap da wu ai.

YAWSHU 4:10

Kaning rai nme law, Mawshe Yawshu hpe hkang da sai hte maren, shawa masha ni hpe htawn tsun na lam, Yehowa Yawshu hpe tsun matsun shatup ngut ai du hkra, sumpu hpai ai hkinjawng ni gaw, Yawdan hka ka-ang e atsap nga ma ai: amyu masha ni chyawm gaw tin tin rap wa ma ai.

1 SAMUELA 6:19

Ya Bet-sheme masha ni dai sumpu hta yu yu ai majaw, Yehowa shanhte hta na marai sanit shi hte, masha mun manga hpe sat kau mu ai: shing rai Yehowa shanhte hpe ari kaba jahkrum mu ai majaw, masha ni sharung shayawt nga ma ai.