BU HKAWM 4:11 - Jinghpaw Hanson Version Bible

¹¹ Bai, dai ja hkungri hpe shanhte sawm tsit ai nba nep nhtawm, tahkisha hpyi hte ka-up nna, kandang dinghkrawn da na rai mu ai.

Jinghpaw Common Language Bible 2009

¹¹ Dai hpang ja hkungri hpe mung sawm tsit ai sumpan hte kayawp nhtawm, mani tsawm ai shanhpyi hte de a ntsa e magap da na rai ma ai. Hpai na kandang ni hpe dinghkrawn bang da na rai ma ai.

BU HKAWM 4:11 ပူးပေါင်းရင်းမြစ်များ

PRU MAT 39:38

ja hkungri, chya na namman, nat na manam pyaw ai baw, dai Sum a chinghka grang;

PRU MAT 40:5

Manam pyaw nat ai ja hkungri hpe mung, dai sakse sumpu a man ang e nang tawn da nna, dai sumpan nta na chyinghka lam e dai chyinghka grang grang da na rai wu ai.

BU HKAWM 4:10

dai arai yawng hpe tahkisha hpyi hte makai nna hpaichyau hta bang na rai mu ai.

BU HKAWM 4:12

Dai chyoi pra ai nta na amu hta lang ai arai yawng mayawng hpe sawm tsit ai nba hte kayawp nna, tahkisha hpyi hte makai nhtawm, hpaichyau hta bang na rai mu ai.

BU HKAWM 4:6

de a ntsa e tahkisha hpyi ka-up nhtawm, sawm tsit ai nba bai magap nna dai kandang dinghkrawn da na rai mu ai.

SHINGRAN 8:3

Bai, manam pyaw ai baw nat ai n-gawt lang ai lamu kasa kaga, dai tawn hkungri makau e sa tsap nga ai; dai tingnyang man e nga ai aja hkungri ntsa e, chyoi pra ai ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.