BU HKAWM 35:20 - Jinghpaw Hanson Version Bible

²⁰ Masha wa hpe n dawng ai myit hte kanawng jahkrat ai rai yang mung, gyam nna lama ma hte kabai sat ai rai yang mung,

Jinghpaw Common Language Bible 2009

²⁰ “Masha langai mi mahtang marai langai ngai hpe n ju n dawng nna kanawng jahkrat ai hku sat kau ai rai yang rai, asak gyam nna arai lama ma hte kabai sat ai rai yang rai,

BU HKAWM 35:20 ပူးပေါင်းရင်းမြစ်များ

NINGPAWT NINGHPANG 4:5

Ka-in hte shi a hkungga hpe chyawm gaw shi sawn ya wu ai n rai. Dai rai nna Ka-in gaw ja ja pawt bu ai hte myi man sum nga lu ai.

NINGPAWT NINGHPANG 4:8

Dai hpang Ka-in gaw shi a kanau Abela hte shaga nga ai; lang mi na shan gaw pa hkan e nga ma ai shaloi, Ka-in gaw kanau wa Abela hpang de rawt nna, shi hpe sat kau wu ai.

2 SAMUELA 13:22

Absalom chyawm gaw, kahpu Amnon hpe ga kaja n kaja hpa mung n tsun ai nga nga ai, rai timung, kajan Tama hpe jahpoi ya ai majw, Amnon hpe n dawng n yawt da wu ai.

2 SAMUELA 20:10

Pai lata de lang ai nhtu hpe, Amasa hpa di na zawn n nawn wu ai majaw, Yoab gaw shi a kan galun baw ya nna, pu ayai hkra rai nga ai; bai n kahtap galun timung, Amasa si mat sai. Yoab yan Abishai yan nau chyawm gaw Bihkri a kasha Sheba hpe shachyut na sa wa ma ai.

2 SAMUELA 3:27

Ya abna gaw Hebron mare de bai du jang Yoab shi hpe angwi sha shachyen shaga ai wa zawn di nna, mare chyinghka lam ka-ang e woi sa nhtawm shi a kanau Asahela hpe sat kau ya ai matai, Abna a kan hpe galun ya wu ai rai nna, shi mung si mat sai.

SHAKAWN KUNGDAWN 11:2

Yu u, tara n lang ai ni ndan shachyen nna, Myit malang ai ni hpe nsin e gap na nga, Pala hpe ndan sumri hta bang da mu ai.

PRU MAT 21:14

Manang wa hpe sat na nga, dingsa sa hpaji daw nna sat ai wa hpe gaw, nye a hkungri hta noi timung, shi si na matu dai kaw na dun la kau mu ga.

GA SHAGAWP 26:24

Masin n si hkraw ai wa gaw, ga pyaw tsun timung, Shi a kraw kata e hkalem hkalau ai hkrai hpring nga lu ai.

GA SHAGAWP 28:17

Masha a sai kap ai wa gaw, nsung hku de hprawng na ra ai; Kadai mung shi hpe n hkum u ga.

BU HKAWM 35:19

Matai htang ai wa gaw, masha sat ai wa hpe, shi nan sat na rai wu ai: shi hpe hkrum ai shaloi jang, shi hpe sat kau na rai wu ai.

BU HKAWM 35:21

n dawng ai myit rawng nna lata hte htwi sat ai rai yang mung, shing re ai wa gaw masha sat ai wa rai nga ai majaw, sat kau ai teng teng hkrum lu na rai nga ai: matai htang ai wa gaw masha sat ai wa hpe hkrum ai shaloi jang shi hpe sat kau na rai wu ai.

MARKU 6:19

Herodia mung shi hpe myit machyi nga nna, shi hpe sat kau mayu wu timung, shi n rai lu ai:

LUKA 4:29

gan rawt nna, mare shinggan de shi hpe shapraw nhtawm, shanhte a mare de ai bum pungding na hkin-gau mahka kaw nna, shi hpe kanawng jahkrat kau na woi sa wa mu ai.

KASA 20:3

Dai yang shata masum nga nhtawm, Suri mung de li hte bai wa na hkyen yang, Yuda masha ni shi hpe gyam ma ai majaw, Makedoni mung hku nhtang wa na, myit da wu ai.

KASA 23:21

Dai rai nna shanhte ra ai hku hkum hkraw ya et; Pawlu hpe garai n sat lu lu gaw, hpa mung n lu n sha, nga nna tinang hkum dai dagam shaka ai marai mali shi jan, shi hpe hkap rim na makoi nga na ma ai; ya pyi, na a ahkang ala let, ndai amu galaw na shanhte jin jin rai nga masai,” ngu wu ai.

TARA JAHPRANG 19:11

Lam mi gaw manang wa hpe n dawng ai myit hte gyam nna shi hpe si hkra anu kayat ai wa, dai mare langai ngai de hprawng nna du lu hkra rai timung,

1 SAMUELA 18:25

Bai Shawlu gaw, “Ning ngu Dawi hpe bai tsun mu: Hkawhkam wa shi a hpyen ni hta masin jasat lu hkra, Hpilisti masha ni a hpyi matu latsa hta kaga, hpu ja shaje n ra ai da,” ngu nna tsun dat wu ai. Dai gaw, Dawi hpe Hpilisti masha ni a lata hta si u ga, nga nna Shawlu myit ai rai nga ai.

1 SAMUELA 20:1

Shaloi Dawi Rama ginwang Nayut shara na hprawng nna, Yonahtan kaw wa nhtawm, “Ngai hpa galaw shut wa sata? ngai hta hpa mara rawng a ta? na nwa nye a asak gyam ai gaw, shi hpe hpa shut we ta?” ngu nna san wu ai.

1 SAMUELA 24:11

Dai hta n-ga, nye wa e; nye a lata na, ndai na a palawng daw hpe mada yu u; ngai nang hpe n sat ai sha, na palawng daw sha gadoi dut la nngai majaw, nye lata hta yubak mara n nga li ai, tawt lai ai shara n rawng li ai gaw, dum chye nga u; nang ngai hpe sat na nga hkan gyam nga timung, ngai nang hpe hpa n shut nngai.