BU HKAWM 35:19 - Jinghpaw Hanson Version Bible

¹⁹ Matai htang ai wa gaw, masha sat ai wa hpe, shi nan sat na rai wu ai: shi hpe hkrum ai shaloi jang, shi hpe sat kau na rai wu ai.

Jinghpaw Common Language Bible 2009

¹⁹ Sat kau hkrum ai wa a ni htum ai hpu nau wa gaw masha sat ai wa hpe sat na lit lu nga ai. Shi hte hkrum ai shaloi dai wa hpe sat kau na rai wu ai.

BU HKAWM 35:19 ပူးပေါင်းရင်းမြစ်များ

NINGPAWT NINGHPANG 4:14

Yu u, dai ni nang ngai hpe aga hta na shaden kau nit dai; na a myi man kaw na makoi kau ai mung ngai hkrum na ni ai; ga ntsa e hprawng hkawm ai wa hte brak hkawm ai wa mung ngai tai na ni ai; dai rai nna ngai hpe mu hkrup ai wa kadai mung, ngai hpe sat kau na ra ai,” ngu wu ai.

2 SAMUELA 14:11

Bai dai numsha gaw, “Ngai sha hpe n sat ya lu mu ga, htawm hpang de matai htang na wa kadai mung matai n htang lu na, ngu nna na a Karai Kasang Yehowa hpe dum u ga,” ngu wu ai. Shaloi Dawi gaw, “Yehowa hkrung nga ai hte maren, na nsha a kara singgawng langai mi muk ga de hkrat lu na n rai,” ngu nna tsun wu ai.

2 SAMUELA 14:7

Ya rai yang mung, hpunau ni nlang rawt nna, na mayam jan hpe jawm let, ‘Kahpu sat ai wa hpe, matai htang na matu ap ya lu na, Sali wunli mung, anhte dawm kau ya na,’ nga nga ma ai: dai hku rai yang, na mayam jan a naw ngam ai wan nhtaw hpe shanhte sat kau ya nna, nye madu wa a mying hpe mung, naw ngam ai matu mara hpe mung, ga ntsa na jahtum kau ya na mara ai,” ngu nna tsun wu ai.

2 SAMUELA 3:27

Ya abna gaw Hebron mare de bai du jang Yoab shi hpe angwi sha shachyen shaga ai wa zawn di nna, mare chyinghka lam ka-ang e woi sa nhtawm shi a kanau Asahela hpe sat kau ya ai matai, Abna a kan hpe galun ya wu ai rai nna, shi mung si mat sai.

2 SAMUELA 3:30

Shing rai Yoab hte Abishai yan nau gaw, Abna hpe sat kau ma ai: kaning rai nme law, nga yang, Abna gaw shan a kanau Asahela hpe, Gibeon makau na gasat kala hta, sat kau ya ai rai nga ai.

BU HKAWM 35:12

Dai mare ni gaw, masha sat ai wa shawa hpung a man e tara garai n dara rau ai laman e, matai htang ai wa a lata na lawt lu hkra, hprawng shingbyi na mare ni rai na, rai nga ai.

BU HKAWM 35:18

Si ram ai hpuntawng hte masha hpe kayat sat ai rai yang, dai wa gaw masha sat ai wa nan rai nga ai: masha sat ai wa gaw, sat kau ai teng teng hkrum lu na rai wu ai.

BU HKAWM 35:20

Masha wa hpe n dawng ai myit hte kanawng jahkrat ai rai yang mung, gyam nna lama ma hte kabai sat ai rai yang mung,

BU HKAWM 35:21

n dawng ai myit rawng nna lata hte htwi sat ai rai yang mung, shing re ai wa gaw masha sat ai wa rai nga ai majaw, sat kau ai teng teng hkrum lu na rai nga ai: matai htang ai wa gaw masha sat ai wa hpe hkrum ai shaloi jang shi hpe sat kau na rai wu ai.

BU HKAWM 35:24

ndai tara lam hkan nna shawa hpung gaw, masha sat ai wa hte matai htang ai wa a lapran e hparan ya na rai mu ai:

BU HKAWM 35:27

matai htang ai wa gaw dai mare a ginwang shinggan e shi hpe mu ai hte sat kau ai rai yang, dai wa hta bunglat hka nga na n rai:

TARA JAHPRANG 19:12

shi nga ai mare na agyi salang ni gaw masha shangun nna, dai wa hpe woi la nhtawm, shi si lu na matu, matai htang ai wa a lata hta ap kau na rai mu ai.

TARA JAHPRANG 19:6

dai n rai yang gaw, matai htang ai wa pawt bu nga yang, dai wa hpe hkan shachyut nna, hprawng lam tsan ai majaw hkan dep yang sat kau na ra ai: shing mai rai na n rai; kaning rai nme law, shi gaw manang wa hpe n dawng ai myit n rawng ai majaw sat kau hkrum ging ai n rai.

YAWSHU 20:3

dai ni gaw matai htang ai wa a lata na lawt lu na matu hprawng shingbyi na mare tai na rai nga ai.

YAWSHU 20:5

Matai htang ai wa hkan du timung, shi a lata de dai masha sat ai wa hpe ap ya lu na n rai: kaning rai nme law, dai wa gaw shi a manang wa hpe n dawng ai majaw n rai, ndum shami hkala kau ai she rai lu ai.

TARA AGYI 8:19

Shaloi Gidon gaw, Dai ni gaw, ngai nu a kasha, ngai hpu ngai nau ni rai ma hka; Yehowa anga nga ai hte maren, nan shanhte hpe jahkrung da taw gaw, ngai nan hpe sat na se ai,