BU HKAWM 33:4 - Jinghpaw Hanson Version Bible

⁴ Egutu masha ni chyawm gaw, Yehowa sat kau ya ai shanhte a kasha alat ni hpe lup makoi nga ma ai: shanhte a hpara ni hpe mung Yehowa dawdan wu ai.

Jinghpaw Common Language Bible 2009

⁴ shadang sha alat ni hpe lup makoi nga ai Egutu masha ni a man hku adan aleng hte Ramese mare hku pru wa ma ai. Ndai amu galaw ai a majaw dai Madu gaw Egutu Hpara ni hta grau nna daru magam n-gun rawng nga ai hpe madun dan wu ai.

BU HKAWM 33:4 ပူးပေါင်းရင်းမြစ်များ

SHAKAWN KUNGDAWN 105:36

Dai hpang, shi gaw shanhte a shawng na n-gun, Mung na kasha alat yawng hte hpe, sat kau mu ai.

PRU MAT 12:12

Kaning rai nme law, dai shana e Egutu mung hta ngai dinghkren mat wa nna, masha kaw nna yamnga du hkra, Egutu mung a kasha alat nlang hte hpe sat kau na mawe ai; Egutu hpara mahkra hpe mung ngai jeyang na mawe ai: ngai Yehowa rai nga nngai.”

PRU MAT 18:11

Hpara mahkra hte hta Yehowa grau kaba nga ai gaw, ya ngai chye se ai; shanhte myit tsaw gumlawt ai hta dai lam hkrum sha ma ai, nga ai.

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ZEHPANI 2:11

Yehowa shanhte hpe nhtum nni di na ra ai; kaning rai nme law, shi gaw ga ntsa hpara ni mahkra hpe kawsi shakyet nna, maigan amyu ni a zunlawng masha ni yawng, langai hte langai tinang a shara kaw nna shi hpe nawku na mara ai.

BU HKAWM 3:13

Kaning rai nme law, kasha alat yawng mayawng nye a rai nga ai; Egutu mung hta e kasha alat yawng hpe ngai sat kau ai shaloi, Israela kashu kasha ni hta, masha hpe rai timung, yamnga hpe rai timung, kasha alat nlang hte hpe, ngai nye a matu shachyoi shapra we ai; shanhte gaw nye a ni rai na rai nga ma ai: ngai gaw Yehowa rai nga nngai,” ngu wu ai.