BU HKAWM 33:3 - Jinghpaw Hanson Version Bible

³ Shanhte gaw shata langai ngu na hta nhtoi shi manga ya e Ramese mare na pru wa ma ai: shalai dat ai poi galaw ngut ai hpang jahpawt e, Israela kashu kasha ni gaw Egutu masha ni nlang a man na gumrawng gumra rai pru wa ma ai;

Jinghpaw Common Language Bible 2009

³ Israela amyu masha ni gaw shawng na shata a shi manga ya shani shawng galaw ai Shalai Wa Ai Poi a hpang shani hta Egutu mung kaw na pru wa ma ai. Shanhte gaw dai Madu a makawp maga ai npu hta dai Madu sat kau ya ai

BU HKAWM 33:3 ပူးပေါင်းရင်းမြစ်များ

NINGPAWT NINGHPANG 47:11

Dai hpang Yawsep gaw, Hpara-u a mungga hte maren, shi a kawa hte kahpu kanau ni hpe Egutu mung na kaja htum ai shara ngu ai, Ramase lamu ga hta nga shangun tawn mu ai.

SHAKAWN KUNGDAWN 105:38

Shanhte pru wa yang, Egutu masha ni kabu nga ma ai: kaning rai nme law, shanhte dai ni hpe hkrit da mu ai.

PRU MAT 1:11

Dai rai nna Egutu du ni gaw amu bungli hte shanhte hpe sharu shatsang na matu shanhte a ntsa e hpareng tawn da mu ai: shanhte mung Hpara-u a matu rai tawn da na mare Hpihtum hte Ramese de ya mu ai.

PRU MAT 12:2

“Ndai shata gaw nanhte a shawng shata ngu ai, shaning shagu na shata langai rai na, rai malit dai.

PRU MAT 12:37

Shaloi Israela kashu kasha ni gaw Ramese kaw nna Suhkut de sa wa ma ai: ma kaji e n hti yang lagaw hte hkawm lu ai wa-ngan sen kru daram rai ma ai.

PRU MAT 13:4

Abi shata dai ni hta nan nanhte pru wa myit dai.

PRU MAT 14:8

Yehowa mung Egutu hkawhkam Hpara-u a myit shaja ya wu ai rai nna, shi gaw Israela kashu kasha ni hpe hkan shachyut wu ai: kaning rai nme law, Israela kashu kasha ni gaw gumrawng gumra rai nna dai mung na pru wa ma ai.

ESAIA 52:12

Kaning rai nme law, nanhte tin shapun pru wa na n rai; hprawng ai zawn mung pru wa na n rai, Yehowa nan nanhte a shawng e sa wa nna, Israela Karai Kasang gaw nanhte a hpang e sin langa tai na ra ai.

MIHKA 2:13

Lam hpaw ai wa gaw, shanhte a shawng e lung wa sai; shanhte ru kabang wa ai hte, chyinghka de du nna, dai hku pru wa masai: shanhte a hkawhkam wa gaw, shanhte a shawng e sa wa nna, Yehowa gaw shanhte a baw rai nga ai.

BU HKAWM 33:2

Yehowa hkang da ai hte maren, shanhte sat sa wa ai lam na dabang ni hpe Mawshe ka matsing da ai rai nna, ndai gaw shanhte sa wa ai lam na dabang jahpan rai nga ai.