BU HKAWM 33:2 - Jinghpaw Hanson Version Bible

² Yehowa hkang da ai hte maren, shanhte sat sa wa ai lam na dabang ni hpe Mawshe ka matsing da ai rai nna, ndai gaw shanhte sa wa ai lam na dabang jahpan rai nga ai.

Jinghpaw Common Language Bible 2009

² Dai Madu hkang da ai ga hte maren, Mawshe gaw shanhte jung ai dap dabang shara mying ni hpe ka matsing da wu ai.

BU HKAWM 33:2 ပူးပေါင်းရင်းမြစ်များ

PRU MAT 17:14

Dai Majaw Yehowa gaw Mawshe hpe, “Sumsing lamu a npu na Amalek amying hpe ngai teng teng shaprai kau na we ai, rai nna, lam ndai hpe dum nga na matu laika hta ka da nhtawm, yawshu a na hta hti dan u,” ngu wu ai.

BU HKAWM 10:13

Shing rai shanhte hkawm ai gaw, Yehowa Mawshe hpe hkang da ai hku, shawng hkawm hpang ai lang rai nga ai.

BU HKAWM 10:6

Bai lahkawng lang na hta awn ai hku dum jang dingda dap ni rawt na rai ma ai: shing rai awn ai hku dum jang, dap langai hte langai rawt na rai ma ai.

BU HKAWM 33:1

Da ndai gaw, Mawshe yan Arun a lata hte Egutu mung na pru hkawm wa ai Israela kashu kasha wunawng wuwa ni a sat sa wa ai bu lam rai nga ai.

BU HKAWM 33:3

Shanhte gaw shata langai ngu na hta nhtoi shi manga ya e Ramese mare na pru wa ma ai: shalai dat ai poi galaw ngut ai hpang jahpawt e, Israela kashu kasha ni gaw Egutu masha ni nlang a man na gumrawng gumra rai pru wa ma ai;

TARA JAHPRANG 1:2

Horeb bum kaw nna Siera bum hku lung wa yang, Kadesha-barnea du hkra nhtoi shi langai ya sat rai nga ai.

TARA JAHPRANG 10:11

Yehowa mung ngai e, “Rawt u, ndai amyu a shawng e sa wa su; shanhte hpe jaw na ngu nna, kaji kawa ni hpe dagam da ai mung de shanhte sa wa nna madu sha lu na rai ma ai,” ngu nngai.