BU HKAWM 32:33 - Jinghpaw Hanson Version Bible

³³ Dai rai nna Mawshe gaw, “Amori hkawhkam Sihon a mungdan hte seng ai lamu ga, Bashan hkawhkam Oga a mungdan hte seng ai lamu ga hte de a ginwang na mare kahtawng ni nlang Gad matu ni, Rubin matu ni hte Yawsep a kasha Manashe lakung na hkrat ai amyu chyen mi hpe ap ya mu ai.

Jinghpaw Common Language Bible 2009

³³ Dai rai nna Mawshe gaw Amori Hkawhkam Sihon a, lamu ga yawng hte Bashan Hkawhkam Oga a lamu ga hte de a grup yin na kahtawng ni lawm hkra, Gad hte Rubin a amyu bawsang ni hte Manashe a amyu bawsang ka-ang hkup hte hpe masat ya wu ai.

BU HKAWM 32:33 ပူးပေါင်းရင်းမြစ်များ

1 HKAWHKAM LABAU 12:31

Dawi hpe hkawhkam dang na nga, jahpan hta lawm ai Manashe amyu chyen mi hta na mun me hkying matsat hte lawm ma ai.

1 HKAWHKAM LABAU 26:32

Shi a kanau ni, nden ja ai masha kawa dap ni a agyi ni, marai hkying lahkawng sanit tsa hte gaw, Dawi hkawhkam san da ai hte maren, Rubin amyu, Gad amyu, Manashe amyu chyen mi hpe up nna, Karai Kasang hte hkawhkam wa a magam bungli shagu hpe gun hpai na matu, san da mu ai.

1 HKAWHKAM LABAU 5:18

Ya Rubin amyu, Gad amyu hte Manashe amyu chyen mi hta na, n-gang lang ai hte nhtu hpye nna, ndan chye gap ai hte hpyen majan amu galaw ram ai nden ja ai wa-ngan mun mali hkying mali sanit tsa kru shi rai nga ma ai.

BU HKAWM 32:1

Ya Rubin a matu ni hte Gad a matu ni gaw, yamnga nachying law malu ai rai nna, Yazera mung hte Gilead mung hta yamnga a matu udat shara kaja nga ai hpe shanhte mu ma yang,

BU HKAWM 32:32

Anhte ri nhtu hte Yehowa man e Hkanan mung hkran de rap nang na ga ai; anhte a lamu ga sali chyawm gaw Yawdan hka sinpraw hkran de rai na rai nga ai,” ngu nna bai htan mu ai.

BU HKAWM 34:14

Rubin amyu na lakung lama ni, Gad amyu na lakung lama ni hte Manashe amyu chyen mi gaw, tinang a lamu ga sali lu la masai:

BU HKAWM 34:15

dai amyu lahkawng e chyen mi gaw, Yawdan hka hkran, Yerihko tawtap na jan praw hkran ga madu manu ai,” ngu nna Israela kashu kasha ni hpe hkang dat wu ai.

TARA JAHPRANG 29:8

Dai rai nna, nanhte galaw ai lam magup hta nanhte awng wa lu myit ga, ga shaka ndai hpe hkan shatsup shaja nga mu.

YAWSHU 12:1

Ya, Israela kashu kasha ni, gasat nna kabye la lu ai Arnon hka kaw nna Hermon bum du hkra hte na pa ga yawng lawm ai Yawdan hka, Jan pru maga na hkawhkam ni gaw ndai yan rai ma ai:

YAWSHU 12:6

Dai yan hpe Yehowa a shangun kasa Mawshe hte Israela kashu kasha ni sat kau nna, Yehowa a shangun kasa Mawshe gaw shan a mung hpe, Rubin amyu, Gad amyu hte Manashe amyu chyen ni e, Sali ga matu jaw kau wu ai.

YAWSHU 14:3

Amyu lahkawng hte chyen mi hpe gaw, Yawdan hka wora hkran de Mawshe jaw da nu ai: Lewi amyu hpe gaw sali ga karan ai hta n shalawm mu ai.

YAWSHU 22:4

Ya chyawm gaw, nanhte a Karai Kasang Yehowa ga ndat nga ai hte maren, nanhte a nhpu nnau ni hpe ban sa shangun mu ai: dai re ai majaw nanhte nhtang nna, Yawdan hka wora hkran e Yehowa a shangun kasa Mawshe nanhte hpe jaw da ai, nanhte a ndum nta, nanhte madu lu ai sali ga de, bai wa manu.

YAWSHU 22:7

Manashe amyu chyen mi a matu sali ga gaw Bashan mung hta Mawshe jaw da sai; bai chyen mi a matu gaw Yawdan hka sinna hkran de shanhte a hpunau ni hte rau Yawshu jaw nu ai.

1 SAMUELA 13:7

Hebre masha ni nkau mi mung, Yawdan hka rap nna, Gad mung, Gilead mung de hprawng mat wa ma ai; Shawlu chyawm gaw, Gilgala shara e naw nga nga ai rai nna, masha ni nlang shi kaw e hkrit gari let hkan nang ma ai.