BU HKAWM 32:29 - Jinghpaw Hanson Version Bible

²⁹ Gad matu ni hte Rubin matu ni hta ri nhtu lang ai ni yawng hpyen gasat na matu Yehowa a man e nanhte hte rau Yawdan hka wora hkran rap nna, dai mungdan hpe nanhte dang la lu jang, shanhte hpe Gilead mung madu shangun na rai myit dai.

Jinghpaw Common Language Bible 2009

²⁹ Yawdan hka rap nna majan a matu jin jin rai nga sai hte shanhte a karum shingtau la ai a majaw nanhte dai mungdan hpe dang la lu jang, Gilead mung hpe shanhte a mungdan sali hku jaw na rai myit dai.

BU HKAWM 32:29 ပူးပေါင်းရင်းမြစ်များ

BU HKAWM 32:17

anhte hkum chyawm gaw Israela kashu kasha ni hpe, shanhte nga na shara de du ai du hkra, ri nhtu lang let shanhte a man e sa wa na ga ai: rai timung, ndai yang na mung masha ni a majaw, anhte a ma kaji ni bunghku kum ai mare ni hta nga ra na rai nga ai.

BU HKAWM 32:28

Shaloi Mawshe gaw, shanhte a lam majaw hkinjawng Eleaza yan Nun a kasha Yawshu hte Israela kashu kasha ni a amyu du salang ni hpe ga madat tsun da wu ai gaw:

BU HKAWM 32:30

Dai n rai, shanhte nanhte hte rau ri nhtu hte n rap ma yang gaw, Hkanan mung e nanhte hte rau lamu ga jawm madu lu na rai ma ai,” ngu nna tsun da wu ai.

YAWSHU 12:6

Dai yan hpe Yehowa a shangun kasa Mawshe hte Israela kashu kasha ni sat kau nna, Yehowa a shangun kasa Mawshe gaw shan a mung hpe, Rubin amyu, Gad amyu hte Manashe amyu chyen ni e, Sali ga matu jaw kau wu ai.

YAWSHU 13:11

Gilead mung, Geshuri hte Mahkahti masha ni a mung, Hermon bum ting hte Saleka du hkra Bashan mung ting;

YAWSHU 14:3

Amyu lahkawng hte chyen mi hpe gaw, Yawdan hka wora hkran de Mawshe jaw da nu ai: Lewi amyu hpe gaw sali ga karan ai hta n shalawm mu ai.

YAWSHU 18:7

Lewi masha ni chyawm gaw nanhte zawn hkambum lu la na n rai; Yehowa a hkinjawng aya gaw shanhte a sali rai nga ai: Gad amyu, Rubin amyu hte Manashe amyu chyen mi gaw Yawdan hka sinpraw hkran de, Yehowa a shangun kasa Mawshe jaw da ai hte maren sali ga lu la masai,” ngu nna tsun mu ai.

YAWSHU 22:9

Shing rai Rubin kashu kasha ni, Gad a kashu kasha ni hte Manashe amyu chyen mi gaw, Yehowa Mawshe a n-gup hta hkang da ai hte maren, shanhte a madu lu ai ga, Gilead mung de nhtang wa na nga, Hkanan mung Shilo mare e, Israela kashu kasha ni kaw na pru wa ma ai.

TARA AGYI 10:3

Shi a hpang e, Gilead masha Ya-ira paw pru nna, Israela amyu hpe hkun lahkawng ning tara dara ya wu ai.

1 SAMUELA 18:17

Bai Shawlu Dawi hpe, “Nye a shayi sha kaba Merab hpe yu yu u; nang hpe ya sha na de ai: nye a matu nden ja ai hte Yehowa majan gasat nga u,” ngu wu ai: dai gaw, “Nye a lata e nan shi hpe n hkra n ga; Hpilisti masha ni a lata e she si u ga,” nga nna Shawlu myit ai rai lu ai.