BU HKAWM 32:27 - Jinghpaw Hanson Version Bible

²⁷ na a mayam ni chyawm gaw, nang madu tsun ai hte maren, ri nhtu lang ai ni yawng, hpyen gasat na matu, Yehowa a man e rap sa wa na ga ai,” ngu nna tsun mu ai.

Jinghpaw Common Language Bible 2009

²⁷ Rai ti mung anhte yawng chyawm gaw dai Madu hkang ai npu hta majan pa de pru sa na jin jin rai nga saga ai. Dai rai nna nang tsun nit dai hte maren, Yawdan hka hpe rap nna anhte htim gasat na saga ai,” ngu nna tsun ma ai.

BU HKAWM 32:27 ပူးပေါင်းရင်းမြစ်များ

BU HKAWM 11:28

Dai hpe, Mawshe san da sai shi a hkringmang Nun a kasha Yawshu gaw, “Nye a madu e, shan hpe hkum kau u,” ngu nna Mawshe hpe tsun wu ai.

BU HKAWM 12:11

Arun gaw Mawshe hpe, “Nye a madu e, an ngawk nna shut kau ai majaw, an a shut ai mara an hta hkum mara ya mi ngai hpyi nem nga nngai;

BU HKAWM 32:17

anhte hkum chyawm gaw Israela kashu kasha ni hpe, shanhte nga na shara de du ai du hkra, ri nhtu lang let shanhte a man e sa wa na ga ai: rai timung, ndai yang na mung masha ni a majaw, anhte a ma kaji ni bunghku kum ai mare ni hta nga ra na rai nga ai.

BU HKAWM 32:28

Shaloi Mawshe gaw, shanhte a lam majaw hkinjawng Eleaza yan Nun a kasha Yawshu hte Israela kashu kasha ni a amyu du salang ni hpe ga madat tsun da wu ai gaw:

BU HKAWM 36:2

“Nang madu hpaida da ai hte Israela kashu kasha ni hpe dai sali ga karan jaw na lam, Yehowa hkang da nit dai; bai, anhte a hpunau Zelohpa a matu sali ga shi a shayi sha ni hpe jaw na lam, Yehowa nang Madu hpe hkang da nit dai.

YAWSHU 4:12

Rubin amyu, Gad amyu, Manashe amyu chyen mi mung, Mawshe shanhte hpe hkang da sai hte maren, ri nhtu lang nna Israela kashu kasha ni a man e rap wa ma ai: