BU HKAWM 32:23 - Jinghpaw Hanson Version Bible

²³ Dai hku n galaw myit yang chyawm gaw, nanhte Yehowa hpe shut myit dai rai nna, gaja wa teng teng nanhte a mara gaw nanhte hpe hkan dep na ra ai.

Jinghpaw Common Language Bible 2009

²³ Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.

BU HKAWM 32:23 ပူးပေါင်းရင်းမြစ်များ

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

NINGPAWT NINGHPANG 4:7

Nang kaja ai galaw yang gaw, myi man hpaw lu na n rai ni? N kaja ai nang galaw yang chyawm gaw, yubak gaw chyinghka makau e makun hpum nga ai: dai gaw nang kaw kanan mayu nga ai; rai timung, dai hpe nang up lu na rai ndai,” ngu nna tsun wu ai.

NINGPAWT NINGHPANG 44:16

Dai rai nna Yuda gaw, Nang madu hpe kaning ngu htan lu na ga ta? Hpa chye tsun na ga ta? Mara kanang raw lu na ga ta? Karai Kasang gaw na a mayam ni a mara sagawn nna mu ya ma ni ai: yu u, shi a lata hta gawm rawng ai wa hte anhte yawng hte gaw na a mayam ni rai saga ai, ngu wu ai.

2 SAMUELA 3:39

Ngai gaw namman jaw hkam nna hkawhkam tai hkra rai timung, dai ni ngai gawng kya nngai. Ndai Zeruia kasha ni mahtang myit nau ja masai. N hkru n hkra ai hku galaw ai wa hpe tinang a mara hte maren, Yehowa htang ya u ga law,” ngu nna tsun mu ai.

1 HKAWHKAM 2:32

Shi gaw, shi hta grau dinghpring nna kaja nga ai marai lahkawng hpe nhtu hte sat kau ru ai rai nna, nye wa Dawi dai lam n chye wu ai majaw, Yehowa gaw dai sai hpe shi baw ntsa e bai htang bun nu ai; dai yan lahkawng gaw, Israela luksuk ni a hpyen du Nira a kasha Abna hte Yuda luksuk ni a hpyen du Yehtera kasha Amasa rai ma ai.

1 HKAWHKAM 2:33

Shing rai dai yan a sai gaw Yoab a baw ntsa e mung shi a amyu matu ni a baw ntsa e mung, tutnawng prat dingsa anga nga na ra ai: Dawi a ntsa e mung, shi amyu matu ni, shi a nta na ni hte shi a tingnyang ntsa e mung, Yehowa kaw na ngwipyaw ai gaw tutnawng prat dingsa anga nga na sai law,” ngu nna Benaia hpe tsun wu ai.

SHAKAWN KUNGDAWN 139:11

Gaja wa, nsin gaw ngai hpe ka-up da nna, Nhtoi gaw nye a grup yin e shana tai u ga, nga nna ngai tsun nga yang,

SHAKAWN KUNGDAWN 140:11

Baw law ai masha gaw ga ntsa e n grin lu u ga; Kashun kashe sha ai wa hpe mung, N hkru ai gaw shi hpe hkan jahten na ra ai.

SHAKAWN KUNGDAWN 90:8

Nang gaw anhte a yubak hpe na a man e, tawn da ndai; Ndum shami re ai mara hpe pyi, na myi man a nhtoi hta shadan da nu ai.

GA SHAGAWP 13:21

Yubak gaw mara kap ai ni hpe hkan shachyut nga ai; Dinghpring ai ni chyawm gaw, mai kaja ai akyu hkam la na mara ai.

GA SHAGAWP 24:16

Kaning rai nme law, dinghpring ai wa gaw sanit lang kataw timung, bai rawt lu na ra ai; Tara n lang ai ni chyawm gaw, tsin-yam tsindam hte htum mat na mara ai.

GA SHAGAWP 5:22

Tara n lang ai wa gaw, shi galaw ai yubak hta rim la ai hkrum nna, Shi a mara sumri hte hkang da ai hkrum na ra ai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

ESAIA 59:12

Kaning rai nme law, anhte tara tawt ai lam, na a man e law htam wa nna, anhte galaw ai yubak gaw sakse tai nga ai; anhte a tara tawt lai ai lam ni anhte hta kap nga nna, tinang shut hpyit ai hpe tinang nan chye nga ga ai:

YONA 1:7

Bai shanhte gaw, “Sa marit, ndai tsin-yam tsindam, gade a yubak majaw, anhte hkrum ai chye lu hkra, hpaida da yu ga,” nga nna langai hte langai tinang a manang wa hpe tsun ma ai. Shing rai shanhte hpaida da nna, dai gaw Yona hta jaw nga ai.

ROMA 2:9

Yuda masha nan rai timung, Heleni masha rai timung, n hkru n hkra re ai bungli hpe shachyen ai shinggyim masha ni yawng a ntsa e, tsin-yam tsindam hte sharung shayawt ai gaw, rai nga u ga;

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

YAWSHU 7:18

dai htinggaw na lasha langai hte langai hpe woi sit wu yang, Yuda amyu na Zera lakung Zabdi dap Hkarmi a kasha Ahkan hpe lata la wu ai.