BU HKAWM 32:22 - Jinghpaw Hanson Version Bible

²² Yehowa a man e mung, Israela masha ni a man e mung, nanhte mara lawt lu ai hte, ndai de bai wa nna, Yehowa a ahkang hte ndai mungdan sali nanhte wa madu lu na rai myit dai.

Jinghpaw Common Language Bible 2009

²² anhte a gumlau hpyen ni hpe htim gasat na rai myit dai. Dai hpang nanhte mung dai Madu a matu mung, Israela kahpu kanau ni a matu mung gun hpai ang ai lit hpe shatup ngut manit dai majaw nhtang wa mai nga ai. Dai hpang chyawm gaw Yawdan sinpraw maga na dai lamu ga hpe nanhte madu la nga manit dai hpe dai Madu masat ya na rai wu ai.

BU HKAWM 32:22 ပူးပေါင်းရင်းမြစ်များ

2 SAMUELA 3:28

Dai lam Dawi na jang, “Nira a kasha Abna hpe sat kau ai yubak gaw, ngai hta mung, nye a mungdan hta mung, Yehowa a man e galoi mung mara shagun shara n nga u ga:

SHAKAWN KUNGDAWN 78:55

Masha amyu ni hpe shi shanhte a man na shaden kau ya nna, Shanhte a sali wunli hpe karan ya mu ai: Shanhte a sum ni hta e, Israela amyu ni nga nga ma ai.

JAW JAU 14:34

Nanhte wa madu la na matu ngai jaw ai Hkanan mung de nanhte du ai shaloi, dai nanhte madu ai mung hta nta langai ngai kaw manggang ana ngai shakap we yang,

BU HKAWM 32:21

Yehowa gaw shi hpe hpyen ai ni e, shi a man na gawt kau nna dai mungdan hpe dang la lu ai du hkra, nanhte yawng ri nhtu lang let Yehowa a man e Yawdan hka wora hkran rap sa myit yang gaw;

TARA JAHPRANG 3:20

Nanhte a madu jan kasha ni hte nanhte a yamnga ni gaw, ngai jaw da sai mare ni hta nga nga lu na rai ma ai: nanhte hta yamnga law nga malit dai gaw ngai chye nga nngai: amu ngut ma jang she nanhte yawng gaw ngai jaw da sai hte maren, langai hte langai tinang madu ai Sali ga de bai wa lu na rai myit dai,’ ngu nna nanhte hpe ngai hkang da made ai.

YAWSHU 1:15

Yehowa nanhte hpe ban sa shangun ai zawn, nanhte a hpunau ni hpe ban sa shangun nna, shanhte mung, nanhte a Karai Kasang Yehowa jaw ai mungdan madu la lu ai du hkra nanhte hta na nden ja ai share ni yawng, ri nhtu lang let, nanhte a hpunau ni hte rau rap sa nna karum la lu na rai myit dai, nga da ai ga hpe dum u: dai ngut jang she, Yehowa a shangun kasa Mawshe jaw da ai Yawdan hka sinpraw hkran, nanhte madu lu ai mungdan de bai wa shang sha lu na rai myit dai,” ngu nna tsun mu ai.

YAWSHU 10:30

Yehowa gaw dai mare hte hkawhkam hpe Israela masha ni a lata de ap kau wu ai rai nna, mare hte dai hta rawng ai masha nlang hpe, langai mi muk n ngam hkra nhtu hte hpya sat kau mu ai: Yerihko hkawhkam hpe di ai hte maren, de a hkawhkam hpe mung di wu ai.

YAWSHU 10:42

Israela Karai Kasang Yehowa gaw, Israela masha ni hpang maga gasat ya nga ai majaw, dai mung mahkra hte de a hkawhkam ni nlang hpe, Yawshu gaw lang lata sha dang kau wu ai.

YAWSHU 11:23

Yehowa Mawshe hpe tsun da ai hte maren Yawshu gaw dai mung ting kabye la nna, Israela masha ni a amyu lakung langai hte langai hpe Sali ga karan ya wu ai. Dai mungdan mung majan sim mat ai.

YAWSHU 13:8

Dai Manashe chyen mi hte Rubin amyu Gad amyu ni gaw Yawdan hka sinpraw hkran de Mawshe jaw da sai rai nna, tinang a lamu ga Sali lu chyalu rai masai, ngu wu ai. Yehowa a shangun kasa Mawshe shanhte hpe jaw da ai lamu ga gaw:

YAWSHU 18:1

Ya Israela kashu kasha shawa hpung ting gaw, Shilo mare e zuphpawng nna, dai yang e dai shawa sum sharawt mu ai: mung ting gaw shanhte a man e grit mat ma ai.

YAWSHU 2:19

Shaloi na nta nhku nna shinggan pru ai wa kadai mung si ai hkrum yang, shi dai tam si ai rai u ga; anhte chyawm gaw mara lawt u ga: na nta nhku na hpe nan anhte sat ga yang gaw, dai wa a bunglat anhte hta mara u ga.

YAWSHU 22:4

Ya chyawm gaw, nanhte a Karai Kasang Yehowa ga ndat nga ai hte maren, nanhte a nhpu nnau ni hpe ban sa shangun mu ai: dai re ai majaw nanhte nhtang nna, Yawdan hka wora hkran e Yehowa a shangun kasa Mawshe nanhte hpe jaw da ai, nanhte a ndum nta, nanhte madu lu ai sali ga de, bai wa manu.

YAWSHU 22:9

Shing rai Rubin kashu kasha ni, Gad a kashu kasha ni hte Manashe amyu chyen mi gaw, Yehowa Mawshe a n-gup hta hkang da ai hte maren, shanhte a madu lu ai ga, Gilead mung de nhtang wa na nga, Hkanan mung Shilo mare e, Israela kashu kasha ni kaw na pru wa ma ai.