BU HKAWM 32:13 - Jinghpaw Hanson Version Bible

¹³ Yehowa mung Israela amyu hpe pawt bu ai rai nna, Yehowa a man e n shawp ai hku galaw ai ni nlang htum mat ga du hkra, shi shanhte hpe dai nam mali hkan e mali shi ning tup kayin hkawm shangun kau ai, rai nga ai.

Jinghpaw Common Language Bible 2009

¹³ Dai Madu gaw amyu masha ni hpe pawt bu ai rai nna shi hpe ka-un shangun ai ban masha ni yawng si htum mat ai aten du hkra, shanhte hpe nam mali hkan e mali shi ning tup brak hkawm shangun wu ai.

BU HKAWM 32:13 ပူးပေါင်းရင်းမြစ်များ

SHAKAWN KUNGDAWN 107:4

Shanhte gaw nam mali hkan na katsi katsang re ai lam hta e, brak hkawm nga ma ai rai nna, Shanu nga lu na mare n mu mu ai.

SHAKAWN KUNGDAWN 78:33

Dai majaw shi gaw shanhte a nhtoi ni hpe nbung zawn, Shanhte a shaning ni hpe hkrithpa hte e, jahtum ya mu ai.

SHAKAWN KUNGDAWN 95:10

Ngai gaw mali shi ning tup ndai amyu hpe n yawt nga nna; “Shanhte gaw tinang a myit hte lam dam mat ai amyu hte, Nye a lam hpe mung n chye ai ni, rai nga ma ai,” nga nna ngai tsun nga nngai.

PRU MAT 16:35

Israela kashu kasha ni gaw masha nga ai ga de du ai du hkra, mali shi ning tup manna muk sha ma ai; Hkanan mung a lamu ga jarit du ai du hkra shanhte manna sha nna nga ma ai.

AMO LAIKA (AMOS) 2:10

Amori masha ni a mungdan hpe madu lu na matu, ngai nanhte hpe Egutu mung na woi shapraw nna, mali shi ning tup, nam mali hkan e woi lakawn wa nngai.

AMO LAIKA (AMOS) 2:9

Rai timung ngai gaw, arit hpun hte maren tsaw nna, wamyi hpun zawn ja ai Amori masha ni hpe, shanhte a man e shaza kau ni ai: gaja wa, ndung de na asi hpe mung, npawt de na aru hpe mung ngai shaza kau nngai.

BU HKAWM 14:32

Nanhte chyawm gaw, nanhte a si mang ni ndai nam mali hkan e hti nga mat na masalit dai.

1 KORINHTU 10:5

Rai timung, shanhte hta na malaw maga hte hpe Karai Kasang gaw n sharawng awng da mu ai rai nna, shanhte dai nam mali hkan e run byak mat ai hkrum ma ai.

TARA JAHPRANG 2:7

Kaning rai nme law, na a Karai Kasang Yehowa gaw lam shagu hta nang hpe shaman ya nit dai; ndai nam mali kaba hta e nang hkawm sa wa ai lam hpe shi dum ya nga ai; ndai mali shi ning tup na a Karai Kasang Yehowa gaw nang hte rau nga nga sai rai nna, nang hpa mung n ra hkra rai nit dai,’ ngu nngai.

TARA AGYI 2:14

Dai majaw Yehowa a pawt bu ai sindawng Israela hta du nna, shi shanhte hpe hpya sha na kashun kashe ai ni a lata de ap kau mu ai: shing rai grup yin na masha hpyen ni kaw dut kau mu ai rai nna, dai hpyen ni a man e shanhte bai n rawt lu ma ai.

TARA AGYI 2:20

Shaloi Yehowa Israela hpe pawt bu let tsun wu ai gaw, “Amyu ndai, nye a ga n madat sha ya ai hte, shanhte a kaji kawa ni hpe ngai tawn da ai ga shaka tawt lai ma ai majaw;