BU HKAWM 31:8 - Jinghpaw Hanson Version Bible

⁸ Sat kau hkrum ai ni hta na, Ewi, Rekem, Zura, Hura, Reba ngu ai Midian hkawhkam manga lawm ma ai: Beora kasha Balam hpe mung nhtu hte sat kau mu ai.

Jinghpaw Common Language Bible 2009

⁸ Midian hkawhkam manga rai nga ai Ewi, Rekem, Zura, Hura hte Reba ni lawm hkra sat kau ma ai. Beora a kasha Balam hpe mung sat kau ma ai.

BU HKAWM 31:8 ပူးပေါင်းရင်းမြစ်များ

SHAKAWN KUNGDAWN 10:2

Tara n lang ai ni a gumrawng ai myit majaw, matsan mayan ni hkru mat masai, Dai ni maw ai hku hta shanhte ahkang mat masai.

SHAKAWN KUNGDAWN 9:16

Yehowa shi hkum dan nga ai: tara dara ai amu galaw nu ai; Tara n lang ai ni gaw, tinang a lata a amu hta hkam nga ma ai. [Higayun, Selah.]

GA SHAGAWP 11:3

Tengman ai ni a malang ai myit, shanhte hpe awn wa nga ai; Myit magaw ai ni a hkalem ai myit chyawm gaw, shanhte hpe shaza kau nga ai.

GA SHAGAWP 13:17

Tara n lang ai shangun ma gaw, tinang amu hpe hprai kau nga ai; Kangka re ai kasa chyawm gaw hkam kaja ai lam rai nga ai.

HABAKU 3:7

Hkushan mung na sum ni, nni nkri hkrum ai hpe, ngai mu nngai; Midian mung na nba grang ni, ashun awam nga ai.

BU HKAWM 22:10

Balam gaw Karai Kasang hpe, “Zipora kasha Moba hkawhkam Balak ngai kaw shangun dat nna,

BU HKAWM 22:4

Shaloi Moba masha ni gaw Midian agyi salang ni hpe, “Ndai wunawng wuwa gaw, dumsu ni pa na tsingdu sha shakrin wa ai zawn, anhte a grup yin nga manga hpe sha shakrin kau na maru ai,” nga ma ai. Dai hte yang, Zipora kasha Balak gaw, Moba masha ni a hkawhkam rai nga ai.

BU HKAWM 22:5

Ya Balak gaw, Beora kasha Balam hpe shaga na matu, dai wa a amyu masha ni a nga ai mung na Hka makau e nga ai Petora mare de kasa shangun dat nna tsun dat wu ai gaw, “Yu u, Egutu mung na du lung wa ai masha amyu mi nga nga ai: shanhte ga ting pat rai nna nye a makau e but nga ma ai.

BU HKAWM 23:10

Yaku amyu ga nhpu hpe kadai hti lu na rai ta? Israela htam mali a htammi sha pyi, kadai chye lu a ta? Dingman ai wa si ai zawn ngai si n ga, Nye a jahtum gaw shi a jahtum zawn tai nu ga,” nga ai.

BU HKAWM 24:14

Ya chyawm gaw nye a amyu hpang de ngai wa na ni ai; madat la, ndai amyu masha ni htawm hpang de na a amyu hpe kaning di na maru ai gaw ngai madun de ga,” ngu nna Balak hpe htan wu ai.

BU HKAWM 24:25

Balam gaw rawt nna, shi a buga de bai wa mat ai; Balak mung wa mat ai.

BU HKAWM 25:15

Sat kau hkrum ai Midian numsha a amying gaw, Midian amyu hta na lakung langai mi a agyi, Zura ngu ai wa a shayi sha Hkozbi rai nga ai.

BU HKAWM 25:18

kaning rai nme law, shanhte gaw, Peora hpara a lam hte mung, Peora hpara a majaw ana zinli du ai shani e sat kau hkrum ai shanhte a kajan kasha, Midian du agyi a shayi sha Hkozbi a lam hte mung, nanhte hpe gung lau nna hkalem kau ai hte shatsang kau manit dai,” ngu nna tsun wu ai.

BU HKAWM 31:16

Yu mu, shanhte Balam daw ya ai hpaji hkan nna, Israela kashu kasha ni hpe Peora lam hta Yehowa a man e shut hpyit shangun mu ai majaw, Yehowa a shawa hpung hta dai ari zinli du ai re.

BU HKAWM 31:9

Israela kashu kasha ni gaw Midian numsha ni hte ma kaji ni hpe rim la mu ai: shanthe a nga dumsu yawng, sagu bainam hpung yawng hte arung arai yawng magawn wa ma ai.

2 PETRU 2:15

Dai malang ai lam hpe shanhte kau da manu ai rai nna, n ding n man ai shabrai hpe tsawra wu ai Beora a kasha Balam a lam hta, hkan nga ma ai:

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.