BU HKAWM 31:28 - Jinghpaw Hanson Version Bible

²⁸ Bai, hpyen sa gasat ai hpyen ma ni hta na, Yehowa a kang matu shanhte lu ai masha hte dumsu, lawze, sagu bainam hkum manga tsa hta na hkum mi hta la nna,

Jinghpaw Common Language Bible 2009

²⁸ Hpyenla ni madu la lu ai hta na dai Madu a kang a matu bawng masha, dumsu, lawze, sagu hte bainam, manga tsa hta langai mi hku tawn da na rai myit dai.

BU HKAWM 31:28 ပူးပေါင်းရင်းမြစ်များ

NINGPAWT NINGHPANG 14:20

na a gumlau ni hpe na a lata hta ap ya ai Tsaw Htum ai Karai Kasang mung a nga u ga law,” ngu nna shaman ya wu ai. Abram mung shi lu la ai mahkra hta na htamshi hta htammi shi hpe jaw da wu ai.

1 HKAWHKAM LABAU 18:11

Hkawhkam Dawi gaw dai arai ni hpe mung, Edom, Moba, Ammon a kashu kasha ni, Hpilisti hte Amalek masha ni kaw na lahkawn wa ai aja gumhpraw hte rau Yehowa hpe nawng ya wu ai.

2 HKAWHKAM LABAU 15:11

Shanhte gaw dai shani e tinang la wa ai lanep hta na, usu sanit tsa, sagu hkying sanit, Yehowa hpe nawng ya mu ai.

ESAIA 18:7

Dai aten e, hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu jahka kau ai mungdan a amyu kaw na, Zaw nawng zaw wa up ai Yehowa a matu, kumhpaw kumhpa langai mi, Zaw nawng zaw wa up ai Yehowa amying ningsang nga ai Ziun bum de, la sa na mara ai.

ESAIA 23:18

Rai timung, shi hpaga ga ai hte shi lusha ai amyat, Yehowa matu chyoi pra nga na ra ai; dai hpe sutdek hta mahkawng da ai mung n rai, ga hta lup da ai mung n rai; Yehowa man e shanu nga ai ni gaw hkru hkru kat kat sha lu nna, tsawm ai hpun palawng bu hpun lu hkra, shi gaw hpaga ga na ra ai.

ESAIA 60:9

Gaja wa, na a Karai Kasang Yehowa a amying nsang majaw mung, nang hpe hpung shingkang sharawng ya ai, Israela a Chyoi pra ai wa majaw mung, na a kashu kasha ni hte hpawn, shanhte a aja gumhpraw hpe sumtsan mung de na la wa na matu, zunlawng ni ngai hpe ala nga nna, Tarshi sanghpaw li ni shawng jin nga na mara ai.

BU HKAWM 18:21

Lewi masha ni gaw, shawa sum a amu gun hpai nga ma ai majaw, shanhte a sali wunli shatai na, Israela kashu kasha ni lu ai hta na htamshi hta na htammi tup ngai jaw mase ai.

BU HKAWM 18:26

“Dai hta kaga Lewi masha ni hpe ning ngu tsun u: Nanhte a sali wunli matu ngai jaw ai Israela kashu kasha ni kaw na htamshi hta htammi nanhte lu la jang, dai hpe htamshi bai karan nna htammi gaw Yehowa hpe manawt hkungga hku nawng jau lu na rai myit dai.

BU HKAWM 31:29

shanhte lu ai ka-ang hkup ting na shaw la nhtawm, Yehowa a manawt hkungga di na hkinjawng Eleaza hpe ap ya mu.

BU HKAWM 31:30

Bai, Israela kashu kasha ni lu ai ka-ang hkup hta na mung, masha hte dumsu, lawze, sagu bainam re ai yamnga hkum manga shi hta na hkum mi hta la nna, Yehowa a sumpan nta amu gun hpai ai Lewi masha ni hpe jaw mu,” ngu wu ai.

BU HKAWM 31:47

Israela kashu kasha ni a kumhtaw hta na, masha hte yamnga hkum manga shi hta hkum mi Mawshe hta la nhtawm, Yehowa a sumpan nta amu gun hpai ai Lewi masha ni hpe jaw wu ai; dai gaw Yehowa Mawshe hpe hkang da ai lam rai nga ai.

MAHTE 22:21

“Kehta a sumla hte masat rai nga ai,” ngu mu ai. Shaloi shi gaw, Dai rai yang gaw, “Kehta hte seng ai hpe gaw, Kehta hpe ya mu; Karai Kasang hte seng ai hpe mung, Karai Kasang hpe ya mu,” ngu nna shanhte hpe tsun mu ai.

YAWSHU 6:19

Aja, gumhpraw yawng hte magri rai ahpri rai, Yehowa a matu chyoi pra nga ai: dai hte gaw Yehowa a sutdek hta bang da na rai nga ai,” ngu nna tsun mu ai.

YAWSHU 6:24

Mare hte dai hta rawng marawng hpe chyawm gaw nat kau mu ai: aja gumhpraw hte, ahpri magri rai ni hpe chyu sha, Yehowa a sutdek hta shanhte bang da ma ai.

YAWSHU 9:27

Dai shani e Yawshu gaw, shanhte hpe, Yehowa san da ai shara na tawn hkungri a matu hte shawa hpung a matu, hpun hta ai hte hka ja ai masha shatai na hpajang da wu ai rai nna, dai ni du hkra nga nga ma ai.