BU HKAWM 30:8 - Jinghpaw Hanson Version Bible

⁸ Rai timung, na ai shani jang, madu wa shi hpe hkum kau ai rai yang gaw, dai ga shaka hte shi a myit masin hpe hkang shadang ai lam gaw, madu wa shabai kau nu ai rai nna, Yehowa mung dat kau na ra ai.

Jinghpaw Common Language Bible 2009

⁸ Rai ti mung shi a madu wa dai lam hpe na nna ga shaka shatup na matu hkum shadang da ai rai yang, dai ga shaka hpe shatup ra na n rai. Dai Madu mung shi hpe mara dat ya na rai wu ai.

BU HKAWM 30:8 ပူးပေါင်းရင်းမြစ်များ

NINGPAWT NINGHPANG 3:16

Numsha hpe mung, Na a tsin-yam hte shinggyim machyi ai gaw ngai grau shalaw ya na de ai: shinggyim machyi ai hte nang kashu kasha shangai lu na ndai; na a madu wa hta nang myit manoi nga na ra ai rai nna, shi mung na a ntsa e up nga na ra ai,” ngu wu ai.

YEREMIA 44:19

Sumsing lamu a hkawhkam jan hpe, manam pyaw ai baw nat nawng nna, dumhpung hkungga ru jaw yang, shi a matu muk pa galaw nna, dumhpung hkungga ru jaw let, anhte a la ni n lawm ai, anhte nawku ga ni? ngu nna htan mu ai.

JAW JAU 5:4

Bai masha langai ngai, shing di na nga nna, kaja ai amu n kaja ai amu a lam n myit yu ai sha, dagam ai hte ga shaka da kau nna, dai hpe hpang e bai dum jang, shing rai dagam ga shaka ai lam ni hta shut ai rawng nga la yang gaw shi mara lu nu ai.

BU HKAWM 30:5

Na ai shani jang kawa hkum ai rai jang gaw, kaning nga shaka ai ga rai timung, tinang myit masin hpe kaning nga hkang shadang ai lam rai timung grin lu na n rai; kawa hkum ai majaw Yehowa mung dat kau na rai nga ai.

BU HKAWM 30:7

shi a madu wa dai hpe na ninglen, na ai shani e atsin sha nga ai rai yang gaw, dai numsha a ga shaka hte shi a myit masin hkang shadang ai lam grin nga lu na rai nga ai.

BU HKAWM 30:9

Gaida jan rai yang mung, madu wa hte hka sai num rai yang mung, tinang a ga shaka hte myit masin hpe hkang shadang ai lam shagu gaw, grin nga lu na rai nga ai.

1 KORINHTU 14:34

numsha ni gaw Hpung ni hta e atsin sha nga nga mu ga: kaning rai nme law, shanhte gaw tsun shaga na ahkang n nga ma ai: dai jep ai tara tsun dan nga ai hte maren, shanhte gaw lawu grit rai nga mu ga.

1 KORINHTU 7:4

Madu jan gaw tinang hkum hpe n up lu ai sha, dai madu wa she up nga ai; dai hte maren, dai madu wa mung tinang hkum hpe n up lu ai sha, madu jan she up nga ai.

1 SAMUELA 1:23

Madu wa Elakana mung, “Nang ra ai hku galaw u; chyu hka hkra naw nga u: Yehowa a ga shaka sha grin u ga,” ngu wu ai. Dai rai nna dai numsha gaw ma hpe chyu shachyu let, chyu hka ai du hkra n sa ai nga nga ai.