BU HKAWM 30:3 - Jinghpaw Hanson Version Bible

³ Tinang kawa a nta e naw nga ai mahkawn numsha gaw, tinang hkum hpe hkang shadang na nga, Yehowa hpe ga shaka da ai rai yang:

Jinghpaw Common Language Bible 2009

³ Kawa a nta e naw nga ai mahkawn numsha gaw dai Madu hpe arai lama ma sak jaw na matu ga shaka da ai, shing n rai arai lama ma hpe koi gam na nga sadi tawn da ai rai yang,

BU HKAWM 30:3 ပူးပေါင်းရင်းမြစ်များ

2 HKAWHKAM LABAU 36:13

Karai Kasang a amying gang let shi hpe dagam shangun ai hkawhkam Nebuhkadneza hpe mung shi gumlau nna, Israela Karai Kasang Yehowa hpang de myit n kayin u ga, shi a du hpe mung, myit masin hpe mung, shaja da wu ai.

SHAKAWN KUNGDAWN 50:14

Karai Kasang hpe shakawn kungdawn hkungga jaw u, Tsaw htum ai Wa hpe na a ga ndat rap raw u.

JAW JAU 27:2

Israela kashu kasha ni hpe ning ngu tsun u: Kadai rai timung ga shaka da ai hte jaw jau ai rai yang, nang tawn da ai manu hte maren, dai wa gaw Yehowa a gun rai tai na rai nga ai.

BU HKAWM 30:2

Lasha langai ngai Yehowa hpe ga shaka da ai rai yang mung, tinang myit masin hpe hkang shadang na nga dagam da ai rai yang mung, tinang n-gup hta tsun matsun hte maren hkan shatup lu na rai wu ai.

BU HKAWM 30:4

dai ga shaka hte hkang shadang ai ga hpe kawa gaw na ninglen atsin sha nga ai rai yang gaw, dai ga shaka mung, tinang hkum hpe hkang shadang ai lam shagu mung, grin nga lu na rai nga ai.

BU HKAWM 6:2

“Israela kashu kasha ni hpe ning ngu tsun u: Numsha rai timung, lasha rai timung, Yehowa a matu tinang hkum hpe san da na, Naziri ngu ai ga shaka tawn da ai rai yang gaw,

1 KORINHTU 14:34

numsha ni gaw Hpung ni hta e atsin sha nga nga mu ga: kaning rai nme law, shanhte gaw tsun shaga na ahkang n nga ma ai: dai jep ai tara tsun dan nga ai hte maren, shanhte gaw lawu grit rai nga mu ga.

YAWSHU 9:18

Israela kashu kasha ni chyawm gaw, shawa hpung a du ni, Israela Karai Kasang a amying hte dagam kau sai majaw, shanhte hpe n sat kau ma ai: rai timung, shawa hpung ting gaw dai du agyi ni hpe mara shagun mu ai.

TARA AGYI 11:35

Yephta gaw shi hpe mu jang, shi a palawng gang je kau let, “Ngai sha goi e; nang ngai hpe grai shagrit kau nit dai gaw; nang ngai e sharu ai langai mi re hka! Yehowa hpe ngai shaka kau se ai, shaw la mai sai n rai,” ngu nna tsun wu ai.

1 SAMUELA 1:11

Shi gaw, “Zaw nawng zaw wa up ai Yehowa e, Na mayam jan hpe n malap kau ai sha, na mayam jan a matsan shagoi hpe mada mara dum ya nna, na a mayam jan hpe shadang sha jaw n yang gaw, shi a kara galoi mung n doi ya ai sha, shi a prat dingsa, nang Yehowa hpe ap ya na nngai,” ngu nna shaka hpyi wu ai.