BU HKAWM 3:41 - Jinghpaw Hanson Version Bible

⁴¹ Shing rai, Israela kashu kasha ni hta na kasha alat nlang a malai, Lewi masha ni hpe, nye a matu shatai na rai ndai: Israela kashu kasha ni a yamnga hta na kasha alat nlang a malai Lewi masha ni a yamnga ni hpe, nye a matu shatai na rai ndai: ngai gaw Yehowa rai nga nngai,” ngu wu ai.

BU HKAWM 3:41 ပူးပေါင်းရင်းမြစ်များ

BU HKAWM 18:15

Shinggyim masha rai timung, dusat dumyeng rai timung, Yehowa hpang de la sa ai alat yawng gaw na a rai na rai nga ai: rai timung masha alat hpe nang teng teng hkrang la na rai wu ai; dusat dumyeng alat hpe mung hkrang la na rai wu ai.

BU HKAWM 3:12

“Yu u, Ngai gaw Israela kashu kasha ni hta na kasha alat ngu na ni matu Lewi masha ni hpe lata la we ai rai nna, Lewi masha ni gaw nye a masha rai nga ma ai:

BU HKAWM 3:13

Kaning rai nme law, kasha alat yawng mayawng nye a rai nga ai; Egutu mung hta e kasha alat yawng hpe ngai sat kau ai shaloi, Israela kashu kasha ni hta, masha hpe rai timung, yamnga hpe rai timung, kasha alat nlang hte hpe, ngai nye a matu shachyoi shapra we ai; shanhte gaw nye a ni rai na rai nga ma ai: ngai gaw Yehowa rai nga nngai,” ngu wu ai.

BU HKAWM 3:42

Shing rai Mawshe gaw, Yehowa hkang da ai hte maren, Israela kashu kasha ni hta na kasha alat yawng hpe hti wu ai rai nna,

BU HKAWM 3:45

“Israela kashu kasha ni hta na, kasha alat nlang a malai Lewi masha ni hpe, shanhte a yamnga ni a malai Lewi masha ni a yamnga ni hpe la san da u: Lewi masha ni gaw nye a ni rai na, rai nga ma ai: ngai gaw Yehowa rai nga nngai.

BU HKAWM 8:16

Kaning rai nme law, Israela kashu kasha ni hta na shanhte gaw ngai hpe ap ya ai ni nan rai nga ma ai rai nna, Israela kashu kasha ni hta na shawng shaprat ai kasha alat ni a malai ngai shanhte hpe madu la we ai.

MAHTE 20:28

kaning rai nme law, dai Masha Kasha wa pyi, shangun ma hpe yam sha na nga du sa ai n rai; shangun ma a amu hpe galaw daw ya na hte, masha law law a matu mara, shi a asak hpe gawng malai jahpu shatai ya na nga nna du sa ai,” ngu mu ai.

1 TIMOHTI 2:6

Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.