BU HKAWM 3:40 - Jinghpaw Hanson Version Bible

⁴⁰ Bai Yehowa Mawshe hpe tsun wu ai gaw, “Israela kashu kasha ni hta na, asak shata mi hta jan ai lasha ma alat yawng hpe jahpan hti la u.

Jinghpaw Common Language Bible 2009

^40-41 Dai Madu gaw Mawshe hpe, “Israela shadang sha alat ni yawng gaw nye a rai nga ai. Dai re ai majaw, shata mi hte dai hta jan ai Israela shadang sha alat shagu hpe mying hta la u. Rai ti mung, dai ni yawng a malai Lewi masha ni yawng gaw nye a matu rai nga sai hpe ngai hkrak tsun nngai. Ngai gaw dai Madu rai nga nngai! Yam nga hta na shawng hkrat ai alat ni a malai Lewi ni a dusat gaw nye a matu rai nga sai hpe mung ngai hkrak tsun nngai,” ngu nna tsun wu ai.

BU HKAWM 3:40 ပူးပေါင်းရင်းမြစ်များ

SHAKAWN KUNGDAWN 87:6

Amyu baw ni hpe jahpan la ai shaloi e, “Ndai amyu gaw nang e shangai wa sai,” nga nna, Yehowa gawn yu na ra ai. [Selah.]

ESAIA 4:3

Yehowa gaw tara dara ai wenyi, wan hkru ai wenyi hte, Ziun shayi sha ni a agang chyalang hpe kashin kamun kau nna, Yerusalem mare ka-ang na asai hpe yeng seng kau nhtawm,

BU HKAWM 3:12

“Yu u, Ngai gaw Israela kashu kasha ni hta na kasha alat ngu na ni matu Lewi masha ni hpe lata la we ai rai nna, Lewi masha ni gaw nye a masha rai nga ma ai:

BU HKAWM 3:15

“Lewi a kashu kasha ni hta na asak shata mi hta jan ai lasha ma nlang hte hpe tinang a lakung lama hte tinang kaji kawa dap hkan nna hti tawn nu,” ngu wu ai.

BU HKAWM 3:41

Shing rai, Israela kashu kasha ni hta na kasha alat nlang a malai, Lewi masha ni hpe, nye a matu shatai na rai ndai: Israela kashu kasha ni a yamnga hta na kasha alat nlang a malai Lewi masha ni a yamnga ni hpe, nye a matu shatai na rai ndai: ngai gaw Yehowa rai nga nngai,” ngu wu ai.

BU HKAWM 3:45

“Israela kashu kasha ni hta na, kasha alat nlang a malai Lewi masha ni hpe, shanhte a yamnga ni a malai Lewi masha ni a yamnga ni hpe la san da u: Lewi masha ni gaw nye a ni rai na, rai nga ma ai: ngai gaw Yehowa rai nga nngai.

LUKA 10:20

Rai timung, nat ni nanhte a ga madat ma ai majaw, hkum kabu myit; nanhte a amying sumsing lamu hta ka da nga ai majaw she, kabu nga mu,” ngu nna shanhte hpe tsun mu ai.

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

2 TIMOHTI 2:19

Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

HEBRE 12:23

sumsing lamu na jahpan hta lawm ai shawa zuphpawng hte kasha alat ni a Hpung de mung, yawng mayawng a tara agyi wa Karai Kasang hpang de mung, jahkum shatsup hkrum sai dinghpring ai ni a wenyi ni hpang de mung,

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 3:5

Dang lu ai wa gaw, ning re ai hpun palawng ahpraw bu hpun lu na ra ai; shi a amying hpe dai asak laika hta na ngai gaja wa shaprai kau ya na n rai; dai wa a amying hpe nye Wa a man e mung, shi a lamu kasa ni a man e mung, ngai shadan ya na we ai.