BU HKAWM 29:39 - Jinghpaw Hanson Version Bible

³⁹ Dai gaw, ga shaka da nna jau ai kumhpa, mayu e jau ai kumhpa ngu ai, wan nat kumhpa, shadung kumhpa, ru hkaw kumhpa re ai ni hta jan nna, nanhte a madat da ai poi ni hta, Yehowa hpe kahtap jaw na rai myit dai. ngu wu ai.

Jinghpaw Common Language Bible 2009

³⁹ Ndai ni gaw madat da ai poi ni hta dai Madu hpe nanhte nawng jau na wan nat hkungga, shadung hkungga, sabyi hkungga hte mahku hkungga ni hte seng ai tara ni rai nga ai. Dai ni gaw ga shaka shatup nna jau ai hte jaw mayu ai hkungga hta jan nna sak jaw ai hkungga ni rai nga ai.

BU HKAWM 29:39 ပူးပေါင်းရင်းမြစ်များ

1 HKAWHKAM LABAU 23:31

ga shaka hte maren, laban nhtoi e mung, shata praw e mung, ladaw da ai poi nhtoi hta mung, Yehowa man e, tutnawng wan nat hkungga nawng ya na matu mung,

2 HKAWHKAM LABAU 31:14

Bai sinpraw chyinghka sin ai Lewi masha Imna a kasha Kore gaw, Karai Kasang hpe sak jaw ai dingsa kumhpa ni hpe yu lajang nga nna, Yehowa hpe jaw da ai kumhpaw kumhpa hte chyoi pra htum ai arai ni hpe karan jaw mu ai.

2 HKAWHKAM LABAU 31:3

Dai hta kaga, Yehowa a tara hta ka da nga ai hte maren, wan nat hkungga, jahpawt shana wan hkungga, laban nhtoi, shata praw hte madat da ai poi shani na wan nat hkungga matu, hkawhkam wa shi jaw ang ai sut rai hta daw mi san da wu ai.

EZRA 3:4

Bai, ka da nga ai hte maren, shanhte gaw sumpoi hpe mung galaw nna, wan nat hkungga a nambat shatup let, lani hte lani na hkungga nawng ya mu ai:

EZRA 3:5

dai hpang tutnawng na wan nat hkungga hpe mung, shata praw shani hte, Yehowa a chyoi pra ai poi shagu na hkungga hpe mung, Yehowa hpe myit dingsa jaw mayu ai hkungga ni hpe mung nat nawng ya mu ai.

NEHEMIA 10:33

tutnawng na shadung hkungga ni, tutnawng na wan nat hkungga ni, laban nhtoi ni, shata praw shani ni, madat da ai poi ni, chyoi pra ai arai ni, Israela amyu matu htingrai htingrat ya na mara raw na hkungga ni hte, anhte a Karai Kasang a nta hte seng ai amu mahkra a matu mung, masha hkum shagu, shekela htam masum hta htammi, laning hte laning a jaw nga na, nga nna anhte ga ndat tawn da ga ai.

ESAIA 1:14

Nanhte a shata praw shani ni hte ladaw da ai poi ni hpe, ngai n dawng nngai: dai gaw ngai hpe sharu shayak ai sha rai nga ai; hkam sharang ai hte hki ba la nngai.

JAW JAU 23:2

Israela kashu kasha ni hpe ning ngu tsun mu: Yehowa a poi nhtoi ngu nna, nanhte san tawn da ai chyoi pra ai zuphpawng ladaw ni gaw, ngai tawn da ai poi ni ngu na rai nga ai.

JAW JAU 23:28

Dai shani e hpa amu bungli mung, galaw lu na myit dai n rai: kaning rai nme law, dai shani gaw, nanhte a Karai Kasang Yehowa a man e, nanhte a matu htingrai htingrat ya na, htingrai htingrat nhtoi rai nga ai.

JAW JAU 23:38

ladaw hkan nna Yehowa hpe jau na matu, wan hte nat ai kumhpa, wan nat hkungga, shadung kumhpa, uhkrung hkungga hte ru hkaw kumhpa re ai ni a jaw jau lam hpajang na, chyoi pra ai zuphpawng ngu ai nanhte shana la na Yehowa a poi ni rai nga ai.

JAW JAU 7:11

Da ndai gaw Yehowa hpe nawng jau na mahku hkungga a tara rai nga ai.

AMO LAIKA (AMOS) 5:22

Gaja wa, nanhte gaw, wan nat hkungga hte shadung hkungga ngai hpe nawng ya timung, ngai n hkap la na nngai: hpum sau ai yamnga ni hpe, mahku hkungga jaw timung, ngai hpa n nawn na nngai.

BU HKAWM 28:2

“Israela kashu kasha ni hpe ning ngu hkang dat u: ‘Nye a matu manam pyaw sangau shatai na, nye a shat ngu na wan hte nat nawng ai kumhpaw kumhpa ni hpe madat da ai ladaw hta nanhte nawng jau na rai myit dai.'

BU HKAWM 29:38

htingrai hkungga matu, bainam la langai mi mung nawng na rai myit dai; shing rai tutnawng na wan nat hkungga hte de a shadung kumhpa, ru hkaw kumhpa hta kaga kahtap jaw na rai myit dai.

BU HKAWM 29:40

Mawshe mung Yehowa shi hpe hkang da mada yawng, Israela kashu kasha ni hpe htawn shana wu ai.

BU HKAWM 6:21

Dai hte gaw ga shaka da nna Naziri tai ai wa jaw jau lu ai made, jaw jau ai hta kaga tinang hkum hpe san da ai a matu Yehowa hpe sak jaw ra ai kumhpa a tara rai nga ai: ga shaka tawn da ai ga hte maren san da nga ai tara hku hkan nna galaw lu na rai awu ai,” ngu wu ai.

1 KORINHTU 10:31

Dai re ai majaw, nanhte sha timung, lu timung, hpa galaw timung, nga manga hta Karai Kasang a hpung shingkang tam let, galaw nga mu.

TARA JAHPRANG 12:6

dai de, nanhte a wan nat hkungga hte shagu hkungga; htamshi hta na htammi jaw ai kumhpa hte nanhte a lata na manawt kumhpa; ga shaka kumhpa hte mayu jaw jau ai kumhpa; sagu dumsu hpung ni hta na shawng hkrat ai kasha alat re ai kumhpa ni hpe la sa na rai myit dai: