BU HKAWM 29:2 - Jinghpaw Hanson Version Bible

² Shaloi e, Yehowa a manam pyaw sangau shatai na, wan nat hkungga matu, usu uram langai mi, sagu la langai mi, ra n rawng ai hte ladu hkrum ai sagu la kasha sanit hte,

Jinghpaw Common Language Bible 2009

² Dai Madu a matu manam pyaw ai sangau shatai na, wan nat hkungga a matu ra n rawng ai usu uram langai, sagu la langai hte laning mi ladu hkrum sai sagu la kasha sanit hte hpe sak jaw na rai nga ai.

BU HKAWM 29:2 ပူးပေါင်းရင်းမြစ်များ

EZRA 3:6

Shata sanit ngu na shawng shani kaw na, shanhte gaw Yehowa hpe wan nat hkungga nawng ya hpang mu ai: rai timung, Yehowa a nawku Htingnu hpe garai n gaw da hpang ma ai.

JAW JAU 1:3

Jaw mayu ai kumhpa dai dumsu hte wan nat hkungga di na rai yang gaw, ra n rawng ai usu jaw lu na rai wu ai: Yehowa ra sharawng ya ai hkrum lu hkra, shawa sum chyinghka a man e sa jaw lu na rai wu ai.

BU HKAWM 28:19

Yehowa a matu wan hte nawng ai wan nat hkungga ngu na, usu uram lahkawng, sagu la langai mi, ladu hkrum ai sagu la kasha sanit, nawng jau na rai wu ai: dai ni gaw ra n rawng ai sha rai na rai nga ai:

BU HKAWM 28:27

Yehowa a manam pyaw sangau shatai na, wan nat hkungga matu, usu uram lahkawng, sagu la langai mi, ladu hkrum ai sagu la kasha sanit hte,

BU HKAWM 29:1

Bai, shata sanit na nhtoi langai ya hta chyoi pra ai zuphpawng hpawng na rai myit dai: amu bungli galaw lu na n rai: dai gaw nanhte a matu pahtau dum na shani rai nga ai.

BU HKAWM 29:3

dai ni a shadung kumhpa mung, usu hta sau hte kayau ai mani ai shadung uma masum, sagu la hta uma lahkawng,

BU HKAWM 29:36

dai shani e, Yehowa a manam pyaw sangau shatai na wan nat hkungga matu, usu langai mi, sagu la langai mi, ra n rawng ai hte ladu hkrum ai sagu la kasha sanit wan hte nawng na rai myit dai:

BU HKAWM 29:8

dai shani e Yehowa a manam pyaw sangau shatai na, wan nat hkungga matu, usu uram langai mi, sagu la langai mi, ladu hkrum ai sagu la kasha sanit nawng na rai myit dai: dai ni gaw ra n rawng ai hkrai rai na rai nga ai: