BU HKAWM 29:13 - Jinghpaw Hanson Version Bible

¹³ nnan shani e, Yehowa a manam pyaw sangau shatai na wan nat hkungga a matu, usu uram shi masum, sagu la lahkawng, ladu hkrum ai sagu la kasha shi mali wan hte nawng na rai myit dai: dai ni gaw ra n rawng ai hkrai rai na rai nga ai;

Jinghpaw Common Language Bible 2009

¹³ Nnan shani hta dai Madu a matu manam pyaw ai sangau shatai na lusha hkungga a matu ra n rawng ai usu uram shi masum, sagu la lahkawng hte laning mi ladu hkrum sai sagu la kasha shi mali hte hpe nawng ya na rai myit dai.

BU HKAWM 29:13 ပူးပေါင်းရင်းမြစ်များ

EZRA 3:4

Bai, ka da nga ai hte maren, shanhte gaw sumpoi hpe mung galaw nna, wan nat hkungga a nambat shatup let, lani hte lani na hkungga nawng ya mu ai:

JAW JAU 1:3

Jaw mayu ai kumhpa dai dumsu hte wan nat hkungga di na rai yang gaw, ra n rawng ai usu jaw lu na rai wu ai: Yehowa ra sharawng ya ai hkrum lu hkra, shawa sum chyinghka a man e sa jaw lu na rai wu ai.

BU HKAWM 28:11

Bai, nanhte a shata praw shani e, Yehowa a matu wan nat hkungga shatai na, usu uram lahkawng, sagu la langai mi, ra n rawng ai hte ladu hkrum ai sagu la kasha sanit nawng jau na rai myit dai:

BU HKAWM 28:19

Yehowa a matu wan hte nawng ai wan nat hkungga ngu na, usu uram lahkawng, sagu la langai mi, ladu hkrum ai sagu la kasha sanit, nawng jau na rai wu ai: dai ni gaw ra n rawng ai sha rai na rai nga ai:

BU HKAWM 28:27

Yehowa a manam pyaw sangau shatai na, wan nat hkungga matu, usu uram lahkawng, sagu la langai mi, ladu hkrum ai sagu la kasha sanit hte,

BU HKAWM 29:12

Bai, dai shata shi manga ya shani e chyoi pra ai zuphpawng hpawng na rai myit dai: amu bungli n galaw ai sha, sanit ya tup Yehowa a matu poi galaw na rai myit dai;

BU HKAWM 29:14

shadung kumhpa mung, usu shi masum hta langai mi a matu, sau hte kayau ai mani ai shadung uma masum sum, sagu la lahkawng hta langai mi a uma lahkawng hkawng;

BU HKAWM 29:2

Shaloi e, Yehowa a manam pyaw sangau shatai na, wan nat hkungga matu, usu uram langai mi, sagu la langai mi, ra n rawng ai hte ladu hkrum ai sagu la kasha sanit hte,

BU HKAWM 29:8

dai shani e Yehowa a manam pyaw sangau shatai na, wan nat hkungga matu, usu uram langai mi, sagu la langai mi, ladu hkrum ai sagu la kasha sanit nawng na rai myit dai: dai ni gaw ra n rawng ai hkrai rai na rai nga ai:

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.