BU HKAWM 29:12 - Jinghpaw Hanson Version Bible

¹² Bai, dai shata shi manga ya shani e chyoi pra ai zuphpawng hpawng na rai myit dai: amu bungli n galaw ai sha, sanit ya tup Yehowa a matu poi galaw na rai myit dai;

Jinghpaw Common Language Bible 2009

¹² Dai shata sanit a shi manga ya shani e, nawku hpawng galaw na rai myit dai. Dai Madu hpe shagrau sha-a ai ndai poi hpe nhtoi sanit ya tup galaw ai laman, amu bungli galaw lu na myit dai n rai.

BU HKAWM 29:12 ပူးပေါင်းရင်းမြစ်များ

1 HKAWHKAM 12:32

Bai Yeroboam gaw Yuda mung na poi hte maren, shata matsat ngu na shi manga ya e poi ladaw tawn da wu ai rai nna, dai hkungri de lung wa wu ai: shing rai dai lam Behtela shara e shi galaw nna, shi jaw da sai dumsu kasha ni a man e, hkungga nawng ya wu ai: tsaw ai kawng nawku shara ni a matu shatai ai hkinjawng ni hpe mung, Behtela e tawn da mu ai.

EZRA 3:4

Bai, ka da nga ai hte maren, shanhte gaw sumpoi hpe mung galaw nna, wan nat hkungga a nambat shatup let, lani hte lani na hkungga nawng ya mu ai:

NEHEMIA 8:14

Shing rai, shata sanit hta e, Israela kashu kasha ni gaw, sumpoi galaw na matu, tara laika hta ka da nga ai hte maren, Yerusalem mare hta e mung mare shagu hta e mung,

NEHEMIA 8:18

Dai hta kaga, shi gaw, shawng shani kaw nna, lani hte lani, poi wai ai shani du hkra, Karai Kasang a tara laika hpe hti nga ai; shanhte gaw dai poi hpe sanit ya tup galaw ma ai: matsat ya ngu na hta, tara hte maren, chyoi pra ai poi galaw ma ai.

PRU MAT 23:16

yi hkauna galaw nna nsi naisi nnan shu ai shaloi, nlung nnan poi mung; shaning jahtum na nmut tawm hta nsi naisi dan shinggyin la ai shaloi, nmut shinggyin poi mung, nang galaw lu na ndai.

PRU MAT 34:22

Hkaulan mam dan hpang ai ta hta bat sanit poi mung, shaning ladu hkrum ai hta nmut shinggyin poi mung, nang hkan nga lu na rai ndai.

EZEKELA 45:25

Bai shata sanit a shi manga ya shani e galaw ai sum poi hta, shalai wa poi a sanit ya tup hkan ai htung hte maren, shi gaw, mara raw hkungga, wan nat hkungga, shadung kumhpa hte namman hkungga hpe shapraw na ra ai.”

JAW JAU 23:7

Nnan shani hta e chyoi pra ai zuphpawng, hpawng na rai myit dai: makan amu hpa mung galaw lu na myit dai n rai.

BU HKAWM 29:1

Bai, shata sanit na nhtoi langai ya hta chyoi pra ai zuphpawng hpawng na rai myit dai: amu bungli galaw lu na n rai: dai gaw nanhte a matu pahtau dum na shani rai nga ai.

BU HKAWM 29:13

nnan shani e, Yehowa a manam pyaw sangau shatai na wan nat hkungga a matu, usu uram shi masum, sagu la lahkawng, ladu hkrum ai sagu la kasha shi mali wan hte nawng na rai myit dai: dai ni gaw ra n rawng ai hkrai rai na rai nga ai;

BU HKAWM 29:35

Matsat ya du ai shani hta chyoi pra ai zuphpawng hpawng na rai myit dai; amu bungli galaw lu na n rai;

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.