BU HKAWM 28:3 - Jinghpaw Hanson Version Bible

³ Bai, shanhte hpe ning ngu tsun u: ‘ndai gaw nanhte Yehowa hpe wan hte nat nawng na shagu hkungga rai nga ai: tutnawng na wan nat hkungga matu, shani shagu, ra n rawng ai hte ladu hkrum ai sagu la kasha lahkawng nawng na rai myit dai.

Jinghpaw Common Language Bible 2009

³ Ndai ni gaw dai Madu hpe nawng jau na lusha hkungga ni rai nga ai: shani shagu na wan nat hkungga a matu ra n rawng ai hte laning mi ladu hkrum sai sagu la kasha lahkawng hpe nawng na rai myit dai.

BU HKAWM 28:3 ပူးပေါင်းရင်းမြစ်များ

1 HKAWHKAM LABAU 16:40

Yehowa a sumpan sum man e, hkinjawng Zadok hte shi a kahpu kanau ni hpe tawn da mu ai: dai gaw, Israela masha ni hpe hkang da ai hte, Yehowa a tara hta ka da nga ai hte maren rai nga ai:

2 HKAWHKAM LABAU 8:13

Mawshe a tara hte maren, laban nhtoi hkungga, shata praw hkungga, laning mi hta tawn da ai poi masum ngu na, matsi n rawng ai poi, manga shi ya poi, sum poi hte hta, Yehowa hpe wan nat hkungga nawng ya wu ai.

EZRA 3:5

dai hpang tutnawng na wan nat hkungga hpe mung, shata praw shani hte, Yehowa a chyoi pra ai poi shagu na hkungga hpe mung, Yehowa hpe myit dingsa jaw mayu ai hkungga ni hpe mung nat nawng ya mu ai.

Daniela 11:31

Shi a hpyen luksuk ni sin nga nna, bunghku kum ai chyoi pra ai nta hpe awu asin di kau ai hte, tutnawng nawng ya ai wan nat hkungga hpe hkum kau nna, jahten shabyak chye ai matsat shabat kumla hpe shadun da na mara ai.

Daniela 12:11

Tutnawng nawng ya ai wan nat hkungga hpe dawm kau nna, jahten shabyak chye ai matsat shabat kumla shadun ai aten kaw nna, nhtoi hkying mi ni tsa jahku shi na na ra ai.

Daniela 8:11

Dai hta n-ga, dai nrung gaw, zaw nawng zaw wa ni a madu hpe du hkra, tinang hkum hpe shagrau shatsaw nna, tutnawng nawng ya ai wan nat hkungga hpe shi kaw na dawm la nna, shi a chyoi pra ai shara hpe run kau ya wu ai.

Daniela 8:13

Shaloi chyoi pra ai wa langai mi a ga tsun ai nsen ngai na nngai: bai, chyoi pra ai wa kaga gaw, ga tsun ai chyoi pra ai wa hpe shaga nna, “Dai chyoi pra ai shara hte, zaw nawng zaw wa hpe kabye anin kau ai hkrum hkra, tutnawng nawng ya ai wan nat hkungga hte, jahten shabyak chye ai tara tawt lai ai lam pru ai shingran gaw, gaten du hkra ri na rai ta?” ngu nna san wu ai.

JAW JAU 3:5

Arun a shadang sha ni gaw dai hpe tawn hkungri na wan mang e nat da ai wan nat hkungga hta nat shalawm na rai mu ai: dai gaw Yehowa hpe wan hte nat nawng ai manam pyaw sangau rai nga ai.

JAW JAU 6:9

Wan hte hkungga nat nawng na tara a lam, Arun hte shi a shadang sha ni hpe ning ngu tsun u: Wan nat hkungga shan hpe tawn hkungri na wan mang hta shana de nna jahpawt du hkra nat da na rai mu ai: dai tawn hkungri na wan hpe tutnawng shagrung da lu na rai mu ai.

AMO LAIKA (AMOS) 4:4

Tara tawt lai ai amu galaw na matu, Betela de sa mu; tara tawt lai ai amu shalaw na matu Gilgala de lung mu: nanhte a shagu hkungga hpe jahpawt shagu nawng ya nna, masum ya din din htamshi hta htammi la sa mu;

BU HKAWM 28:10

dai gaw tutnawng na wan nat hkungga hte de a ru hkaw kumhpa hta kaga, laban nhtoi shagu jaw jau ai hkungga rai nga ai.

BU HKAWM 28:15

Bai, tutnawng na wan nat hkungga hte de a ru hkaw kumhpa hta kaga, htingrai hkungga di na matu bainam la langai mi Yehowa hpe nawng na rai wu ai.

BU HKAWM 28:23

Tutnawng na, jahpawt shagu jau ai wan nat hkungga hta kaga, dai hkungga ni hpe mung, kahtap nawng na rai myit dai.

BU HKAWM 28:24

Shing rai, tutnawng jau nga ai wan nat hkungga hte ru hkaw kumhpa hta kaga, Yehowa a matu manam pyaw sangau shatai na, dai sanit ya ting, shani shagu wan hte nawng ai shat ngu na kumhpa nawng jau na rai myit dai.

BU HKAWM 28:31

Shing rai tutnawng jau ai wan nat hkungga hte de a shadung kumhpa, ru hkaw kumhpa ni hta kaga, dai hkungga ni kahtap jaw na rai myit dai: dai ni gaw ra n rawng ai hkrai rai na rai nga ai.

BU HKAWM 28:4

Sagu la kasha langai mi hpe jahpawt e, langai mi hpe shana de nawng na rai myit dai;

BU HKAWM 29:11

htingrai htingrat na matu mung, bainam la langai mi nawng na rai myit dai: shing rai, htingrai htingrat na matu, htingrai ai hkungga hte, tutnawng na wan nat hkungga, de a shadung kumhpa hte ru hkaw kumhpa hta kaga kahtap jaw na rai myit dai.

BU HKAWM 29:16

htingrai hkungga matu bainam la langai mi mung nawng na rai myit dai; shing rai, tutnawng na wan nat hkungga hte de a shadung kumhpa, ru hkaw kumhpa hta kaga kahtap jaw na rai myit dai.

BU HKAWM 29:6

Shing rai, htung hking nga ai hte maren, shata praw shani na wan nat hkungga hte de a shadung kumhpa, tutnawng na wan nat hkungga hte de a shadung kumhpa, ru hkaw kumhpa re ai ni hta kaga Yehowa a manam pyaw sangau shatai na, wan hte nawng ai hkungga kahtap jaw na rai myit dai.

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

HEBRE 9:6

Shing rai yawng hte hpe lajang ngut jang, hkinjawng ni gaw daw jau ai amu gun hpai na matu, shawng na sum kata de tutnawng e shang nga lu ma ai:

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.