BU HKAWM 28:2 - Jinghpaw Hanson Version Bible

² “Israela kashu kasha ni hpe ning ngu hkang dat u: ‘Nye a matu manam pyaw sangau shatai na, nye a shat ngu na wan hte nat nawng ai kumhpaw kumhpa ni hpe madat da ai ladaw hta nanhte nawng jau na rai myit dai.'

Jinghpaw Common Language Bible 2009

² shi a matu manam pyaw ai sangau shatai na, dai ra ai lusha hkungga ni hpe ladaw tawn da ai aten ni hta Karai Kasang hpe nawng jau na matu Israela amyu masha ni hpe matsun na lam hkang dat wu ai.

BU HKAWM 28:2 ပူးပေါင်းရင်းမြစ်များ

NINGPAWT NINGHPANG 8:21

Yehowa mung dai manam pyaw ai sangau hkap manam la wu ai: dai rai nna Yehowa gaw, Ginding aga hpe shinggyim masha ni a majaw, hpang de ngai dagam kau na ni ai n rai; kaning rai nme law, shi a kraw lawang na myit mang gaw, kaji kaw nna n shawp nga lu ai: dai hta kaga, ya e hkrung mahkrung hte hpe ngai jahten mawe ai zawn, hpang de galoi mung ngai bai jahten na ni ai n rai:

1 HKAWHKAM LABAU 23:31

ga shaka hte maren, laban nhtoi e mung, shata praw e mung, ladaw da ai poi nhtoi hta mung, Yehowa man e, tutnawng wan nat hkungga nawng ya na matu mung,

2 HKAWHKAM LABAU 23:18

Dai hta kaga, Yehoiada gaw, Mawshe tara hta ka da nna, Dawi hkan galaw ai lam hte maren, kabu gara ai hte mahkawn mangoi let, Yehowa hpe wan nat hkungga nawng ya na matu, Yehowa nta hta Dawi tawn da ai hkinjawng Lewi masha ni a lata npu e, Yehowa nta matu amu galaw na agyi ni hpe san da mu ai.

2 HKAWHKAM LABAU 31:3

Dai hta kaga, Yehowa a tara hta ka da nga ai hte maren, wan nat hkungga, jahpawt shana wan hkungga, laban nhtoi, shata praw hte madat da ai poi shani na wan nat hkungga matu, hkawhkam wa shi jaw ang ai sut rai hta daw mi san da wu ai.

EZRA 3:2

Shaloi Yozadak a kasha Yeshua hte shi a kahpu kanau hkinjawng ni mung, Shelatila a kasha Zerubabela hte shi a kahpu kanau ni mung, rawt nna, Karai Kasang a masha wa Mawshe a tara hta ka da nga ai hte maren, wan nat hkungga hpe nat nawng ya na matu, Israela Karai Kasang a tawn hkungri hpe de da mu ai.

EZRA 3:3

Mungdan ni e nga ai maigan amyu ni hpe hkrit ma ai majaw, shanhte gaw dai tawn hkungri hpe tinang a htingra hta de da nna Yehowa a matu jahpawt shana wan nat hkungga hpe nat nawng ya mu ai.

NEHEMIA 10:34

Bai, jep ai tara hta ka da nga ai hte maren, anhte a Karai Kasang a tawn hkungri ntsa e ju na matu, shaning shagu madat da ai aten hta tinang a dap lakung hkan nna, anhte a Karai Kasang a nta kata de hpun kumhpa la sa na matu mung;

SHAKAWN KUNGDAWN 81:3

Shata praw shani e pahtau dum mu, Anhte a shata shagawng ai poi hta e, dum mu.

PRU MAT 23:15

Dai azuma poi nang galaw lu na rai ndai: ngai nang hpe hkang da ai hte maren, Abi shata hta ladaw da ai ahkying hta, nhtoi sanit ya tup matsi n rawng ai muk nang sha lu na rai ndai: kaning rai nme law dai shata hta Egutu mung na nang pru wa ndai: dai poi hta ngai hpang de sa ai kadai mung, kaman sa pru lu na n rai:

PRU MAT 29:18

sagu la a shan yawng hpe tawn hkungri hta nat na rai wu ai: dai gaw Yehowa a matu wan nat hkungga rai na rai nga ai; Yehowa hpe wan hte nat nawng ai manam pyaw hkungga rai nga ai.

EZEKELA 16:19

Ngai nang hpe jaw ai muk hpe mung, ngai nang hpe sha shangun ai mani ai shadung, asau hte lagat jahku hpe mung, nang la nna, ngwi ai sangau tai na matu, shanhte a man e pyi tawn da nu ai; dai lam tut rai nga ai,” nga nna Madu Yehowa tsun ai.

EZEKELA 20:41

Nanhte bra nga ai amyu ni hta na mung, nanhte ayai kau hkrum ai mungdan ni hta na mung, ngai nanhte hpe shinggyin la nna zuphpawng shangun yang, manam pyaw ai baw hpe zawn, ngai nanhte hpe hkap la nna, maigan amyu ni a man e, nanhte a jaw e, arawng sadang dan hkung na nngai.

EZEKELA 45:17

Du wa mahtang, poi shani e, shata praw shani e, laban nhtoi hte, Israela amyu masha ni madat da ai poi shagu hta, wan nat hkungga, shadung kumhpa hte dumhpung kumhpa hpe jaw na ra ai: Israela amyu matu htingrai htingrat na nga, shi gaw, mara raw hkungga, shadung kumhpa, wan nat hkungga hte mahku hkungga hpe shapraw ya na ra ai.

JAW JAU 1:13

pu sin ni hte lagaw ni hpe shi naw kashin kau nhtawm, hkinjawng wa gaw hkum ting hpe hkungri hta wan hte nawng na rai wu ai; dai gaw, Yehowa a matu manam pyaw sangau tai na, wan hte nawng ai wan nat hkungga rai nga ai.

JAW JAU 1:17

dai hpe singkaw hte nawng, n dut ai sha, ga kahpyen nna, hkinjawng wa gaw dai hpe tawn hkungri na wan a hpun hta nat na rai wu ai: dai gaw, Yehowa a matu manam pyaw sangau tai na, wan hte nawng ai wan nat hkungga rai nga ai.

JAW JAU 1:9

pu sin ni hte lagaw ni hpe mung shawng kashin kau nhtawm, Yehowa a matu manam pyaw sangau shatai na wan hte nawng ai wan nat hkungga di nna, dai hkum ting hpe tawn hkungri ntsa e hkinjawng wa nat nawng na rai wu ai.

JAW JAU 21:6

Shanhte gaw tinang a Karai Kasang a matu chyoi pra nga na rai nna, shanhte a Karai Kasang a mying ningsang hpe jahpoi lu na n rai: kaning rai nme law, shanhte gaw Yehowa hpe wan hte nawng ai kumhpa ngu ai, shanhte a Karai Kasang a lusha hpe nawng jau ma ai: dai rai nna shanhte gaw chyoi pra nga na ma ai. kaning rai nme law

JAW JAU 21:8

Na a Karai Kasang a lusha nawng jau ai re ai majaw, shanhte hpe shachyoi shapra nna, na a matu chyoi pra nga na rai nga ai: kaning rai nme law, nanhte hpe shachyoi shapra ai ngai Yehowa chyoi pra nga nngai.

JAW JAU 3:11

hkinjawng wa gaw dai hpe tawn hkungri hta nat na rai wu ai: dai gaw Yehowa a matu wan hte nat nawng ai lusha kumhpa rai nga ai.

MALAHKI 1:12

Nanhte mahtang, Yehowa a sha ku awu asin rai nga nna, mara da ai lusha kumhpa gaw, hpa lam n la ai, nga nna tsun myit dai majaw, dai amying hpe awu asin di kau manu ai.

MALAHKI 1:7

Nanhte gaw, n san n seng ai muk, nye a tawn hkungri ntsa e nawng ya myit hka; rai timung nanhte gaw, Anhte nang hpe kaning rai awu asin di ga ta? nga nna san myit dai. Yehowa a sha ku gaw hpa lam n la ai, nga nna mung;

BU HKAWM 15:24

shawa hpung yawng hte gaw n dum shami shut hpyit kau nna mara rawng ai rai yang, shawa hpung nlang hte gaw, tawn da sai htung hking nga ai hte maren, Yehowa a matu manam pyaw sangau shatai na, shadung kumhpa hte ru hkaw kumhpa hte hpawn, usu uram hpe wan nat hkungga, bainam la hpe htingrai hkungga di nna nawng na rai mu ai.

BU HKAWM 15:3

Yehowa a matu wan nat hkungga, shing n rai hkungga amyu gale ngu na, ga shaka da yang jaw jau ai hkungga, mayu a jau ai hkungga, madat da ai poi hta jaw jau ai hkungga re ai ni hpe, dumsu hte rai timung, sagu bainam hte rai timung, Yehowa a manam pyaw sangau tai na matu jaw jau mayu myit yang;

BU HKAWM 15:7

ru hkaw kumhpa di na tsabyi jahku loga masum ma, lajang nna nawng na rai wu ai.

BU HKAWM 28:1

Bai Yehowa Mawshe hpe tsun wu ai gaw,

BU HKAWM 29:39

Dai gaw, ga shaka da nna jau ai kumhpa, mayu e jau ai kumhpa ngu ai, wan nat kumhpa, shadung kumhpa, ru hkaw kumhpa re ai ni hta jan nna, nanhte a madat da ai poi ni hta, Yehowa hpe kahtap jaw na rai myit dai. ngu wu ai.

BU HKAWM 9:13

Wu sin mat ai mung n rai, sumtsan sa mat ai mung n rai re ai mi, shalai dat ai poi n shang lawm ai nga nga ai wa gaw, shi a amyu hta na sumri dan kau ya ai hkrum lu na rai nga ai: madat da ai ahkying hta Yehowa matu kumhpa n la sa ai majaw, dai wa gaw shi a yubak hkrum sha na rai nga ai.

BU HKAWM 9:7

“Ya anhte gaw si mang a majaw wu sin mat saga ai; dai rai yang, madat da ai ahkying hta, Israela kashu kasha ni hte rau Yehowa hpe kumhpa jaw na lam, anhte hpe hpa rai hkum da na rai ta?” ngu nna san mu ai.

2 KORINHTU 2:15

Kaning rai nme law, anhte gaw hkye hkrang la hkrum ai ni hta mung, sum mat hkrum ai ni hta mung, Karai Kasang a man e Hkristu hta ngwipyaw bat rai nga ga ai:

EHPESU 5:2

Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.