BU HKAWM 28:1 - Jinghpaw Hanson Version Bible

¹ Bai Yehowa Mawshe hpe tsun wu ai gaw,

Jinghpaw Common Language Bible 2009

¹ Dai Madu gaw Mawshe hpe

BU HKAWM 28:1 ပူးပေါင်းရင်းမြစ်များ

1 HKAWHKAM LABAU 23:31

ga shaka hte maren, laban nhtoi e mung, shata praw e mung, ladaw da ai poi nhtoi hta mung, Yehowa man e, tutnawng wan nat hkungga nawng ya na matu mung,

2 HKAWHKAM LABAU 2:4

Yu u, Israela amyu ni tutnawng prat dingsa htung nga ai hte maren, anhte a Karai Kasang Yehowa man e manam pyaw ai baw nat nawng na matu mung, jahpawt, shana, laban nhtoi, shata praw shani hte madat da ai poi shagu hta wan nat hkungga nat nawng na matu mung, nye a Karai Kasang Yehowa a mying nsang a matu, chyoi pra san da ai nta gaw da na, ngai galaw magang nga nngai.

2 HKAWHKAM LABAU 23:18

Dai hta kaga, Yehoiada gaw, Mawshe tara hta ka da nna, Dawi hkan galaw ai lam hte maren, kabu gara ai hte mahkawn mangoi let, Yehowa hpe wan nat hkungga nawng ya na matu, Yehowa nta hta Dawi tawn da ai hkinjawng Lewi masha ni a lata npu e, Yehowa nta matu amu galaw na agyi ni hpe san da mu ai.

2 HKAWHKAM LABAU 31:3

Dai hta kaga, Yehowa a tara hta ka da nga ai hte maren, wan nat hkungga, jahpawt shana wan hkungga, laban nhtoi, shata praw hte madat da ai poi shani na wan nat hkungga matu, hkawhkam wa shi jaw ang ai sut rai hta daw mi san da wu ai.

2 HKAWHKAM LABAU 8:13

Mawshe a tara hte maren, laban nhtoi hkungga, shata praw hkungga, laning mi hta tawn da ai poi masum ngu na, matsi n rawng ai poi, manga shi ya poi, sum poi hte hta, Yehowa hpe wan nat hkungga nawng ya wu ai.

EZRA 6:9

Sumsing lamu na Karai Kasang hpe ngwipyaw ai hkungga nawng ya lu nna, shanhte gaw hkawhkam wa hte shi a kashu kasha ni a asak matu akyu hpyi lu hkra,

NEHEMIA 10:33

tutnawng na shadung hkungga ni, tutnawng na wan nat hkungga ni, laban nhtoi ni, shata praw shani ni, madat da ai poi ni, chyoi pra ai arai ni, Israela amyu matu htingrai htingrat ya na mara raw na hkungga ni hte, anhte a Karai Kasang a nta hte seng ai amu mahkra a matu mung, masha hkum shagu, shekela htam masum hta htammi, laning hte laning a jaw nga na, nga nna anhte ga ndat tawn da ga ai.

ESAIA 1:13

Kaman lila shagu hkungga hpe hkum jaw kahtap myit; manam pyaw ai kumhpa hpe ngai matsat nngai: shata praw shani, laban nhtoi, shawa zuphpawng hpe, ngai n ra nngai: nawku zuphpawng let, yubak hkrai galaw ai hpe, ngai n sharang lu nngai.

EZEKELA 44:24

Amu pru yang, shanhte tara dara na mara ai; nye hkang da ai ga hte maren shanhte jeyang na mara ai: ngai madat da ai poi ni hpe galaw yang, nye a tara hte matsun maroi ga ni hpe shanhte shatup nna, nye a laban nhtoi ni hpe chyoi pra shangun na mara ai.

EZEKELA 45:17

Du wa mahtang, poi shani e, shata praw shani e, laban nhtoi hte, Israela amyu masha ni madat da ai poi shagu hta, wan nat hkungga, shadung kumhpa hte dumhpung kumhpa hpe jaw na ra ai: Israela amyu matu htingrai htingrat na nga, shi gaw, mara raw hkungga, shadung kumhpa, wan nat hkungga hte mahku hkungga hpe shapraw ya na ra ai.

EZEKELA 46:11

Shawa hpawng hte madat da ai poi galaw yang, shadung kumhpa gaw, usu langai mi a matu ehpa langai mi, sagu la langai mi a matu ehpa langai mi, sagu kasha ni a matu, jaw lu ai made, jaw na ra ai: shadung ehpa langai mi a matu, namman hin mi lawm na ra ai.

JAW JAU 9:15

Bai shawa masha ni a kumhpa shi la ya ai hte, shawa masha ni a matu htingrai hkungga tai na bainam hpe dun la nna, dai hpe sat nhtawm, yubak hpe htingrai na matu, shawng na zawn nawng ya wu ai.

BU HKAWM 27:23

Yehowa Mawshe hpe hkang dat wu ai hte maren, shi a ntsa e lata mara ai hte ahkang aya jaw da wu ai.

BU HKAWM 28:2

“Israela kashu kasha ni hpe ning ngu hkang dat u: ‘Nye a matu manam pyaw sangau shatai na, nye a shat ngu na wan hte nat nawng ai kumhpaw kumhpa ni hpe madat da ai ladaw hta nanhte nawng jau na rai myit dai.'

BU HKAWM 7:15

wan nat hkungga matu usu uram langai mi, sagu la langai mi, ladu hkrum ai sagu la kasha langai mi:

GALATI 4:10

Nanhte gaw nhtoi, shata, aten ladaw hte shaning hte hpe matsing nga myit dai.

KOLOSE 2:16

Dai re ai majaw, shahpa, luhpa hte, poi shani, shata praw shani hte laban nhtoi a lam, kadai mung nanhte hpe n jeyang nga u ga: