BU HKAWM 27:21 - Jinghpaw Hanson Version Bible

²¹ Dai wa hkinjawng Eleaza a man e sa tsap jang, hkinjawng wa gaw shi a matu Yehowa a man e ra ai lam hpe Urim hte san ya na rai wu ai: dai wa a hpajang ai hte maren Israela kashu kasha ni hpung nlang hte gaw, shi hte rau pru wa shang wa rai na rai ma ai,” ngu wu ai.

Jinghpaw Common Language Bible 2009

²¹ Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

BU HKAWM 27:21 ပူးပေါင်းရင်းမြစ်များ

2 SAMUELA 21:1

Ya Dawi a aprat e masum ning tup hku hku ai rai nna, Dawi gaw Yehowa kaw san yu wu yang, Yehowa tsun ai gaw, Gibeon masha ni hpe sat ai Shawlu hte masha asai hkaw kau ai, shi a amyu majaw rai nga ai, nga ai.

EZRA 2:63

Urim hte Htumim chye lang ai hkinjawng garai n pru yang, shanhte gaw chyoi pra htum ai lusha hpe n lu n sha na nga, nga nna munggyi wa gaw shanhte hpe hkang da mu ai.

NEHEMIA 7:65

Urim hte Htumim chye lang ai hkinjawng garai n pru yang, shanhte gaw chyoi pra htum ai lusha hpe n lu n sha na nga, nga nna munggyi wa gaw, shanhte hpe hkang da mu ai.

PRU MAT 28:30

Dai tara madun ya ai sinda magap kata e, Urim hte Htumim nang bang da na rai wu ai; Arun gaw Yehowa a man de shang ai shaloi, shi a masin hta dai Urim hte Htumim rawng nga na rai nna, Arun gaw shi a masin hta Israela kashu kasha ni a matu jeyang ai lam Yehowa a man e tutnawng e gun ya nga na rai wu ai.”

JAW JAU 8:8

Sinda magap mung shi dagap ya nna, sinda magap a kata e Urim hte Htumim bang da ya wu ai.

MALAHKI 2:7

Kaning rai nme law, hkinjawng wa gaw, Zaw nawng zaw wa up ai Yehowa a kasa rai nga ai majaw, shi a nten ni chye chyang ai lam kyem da nna, masha ni gaw shi a n-gup hta na tara tam lu na mara ai.

BU HKAWM 27:17

ndai shawa hpung a man e pru pru shang shang rai lu nna, shanhte hpe shapraw lu ai hte jashawn la lu ai wa langai ngai hpe, shanhte a ntsa e san da ya u ga law,” ngu nna hpyi wu ai.

BU HKAWM 27:2

shawa sum chyinghka makau na, Mawshe yan hkinjawng Eleaza a man e mung, du agyi ni hte shawa hpung masha ni mahkra a man e mung tsap let:

BU HKAWM 27:20

Israela kashu kasha hpung ting shi a ga madat mu ga, na a arawng sadang shi hta mara ya u.

BU HKAWM 27:22

Mawshe mung Yehowa hkang dat ai hte maren galaw wu ai: Yawshu hpe shaga la nna, hkinjawng Eleaza hte shawa hpung yawng a man e tawn da nhtawm,

BU HKAWM 27:5

Mawshe mung shanhte a lam Yehowa kaw jashawn wu ai.

TARA JAHPRANG 31:3

Na a Karai Kasang Yehowa gaw na a shawng e rap sa wa nhtawm, dai mung na masha amyu nlang hpe shamyit kau nna shanhte a shara e nanhte shang sha lu na marin dai: Yehowa tsun da sai hte maren, Yawshu gaw na a man e rap lu na ra ai.

TARA JAHPRANG 33:8

Lewi hpe gaw, Na a Htumim hte Urim tengman ai ai wa lang nga ai; Masa shara e nang shi hpe dinglik yu nit dai, Meriba hka makau e nang shi hte ndang hkat yu nit dai:

YAWSHU 9:14

Israela masha ni mung, Yehowa kaw n san ai, dai ni a lusha hkap la sha ma ai.

TARA AGYI 1:1

Ya Yawshu si mat ai hpang, Israela kashu kasha ni gaw Yehowa hpe, “Hkanani masha ni hpe sa gasat na, anhte hpe kadai mahtang woi shawng na rai ta?” ngu nna san mu ai.

TARA AGYI 20:18

Ya Israela amyu masha ni rawt nna, Betela de lung wa nhtawm Karai Kasang hpe hpaji hpyi mu ai gaw, “Ben-yamin amyu masha ni hpe gasat na anhte hta kadai mahtang shawng na rai ta?” ngu nna san mu ai. Shaloi Yehowa gaw, “Yuda mahtang shawng u ga,” ngu wu ai.

TARA AGYI 20:23

Yehowa kaw mung shanhte sa nna, shana de du hkra hkrap let, “Anhte a kanau Ben-yamin hpe, naw gasat na rai ni?” ngu nna Yehowa hpe san wu yang, Yehowa mung, “Sa gasat mu,” ngu dat wu ai.

1 SAMUELA 14:19

Shing rai Shawlu hkinjawng wa hte shaga nga yang, Hpilisti dap de grau nna garu kachyi wa ai majaw, Shawlu gaw hkinjawng wa hpe, “Naw rai nu ga,”

1 SAMUELA 23:9

Shawlu myit magaw ai hku maw nga ai gaw, Dawi chye wu ai rai nna, hkinjawng Abiahta hpe, “Hpahkai lawng la wa rit,” ngu wu ai.

1 SAMUELA 28:6

Shawlu gaw Yehowa kaw san wu timung, Yehowa n htan ya wu ai; yup mang hta mung, Urim hta mung, myihtoi hta mung, n htan ya wu ai.

1 SAMUELA 30:7

Shaloi Dawi gaw, Ahimelek a kasha hkinjawng Abiahta hpe, “Dai hpa hkai lawng ngai kaw la wa rit,” ngu wu ai. Abiahta mung, dat hpa hkai lawng hpe Dawi hpang de la wa nu ai.